Soul.. ..

متقلقيش و متفكريش بالطريقه دى.. كله نصيب و ان شاء الله ربنا هيرزقك بواحد محترم في الوقت المناسب.. ممكن تتجوزى بدرى و يبقى مافيش نصيب أو تبقى مش مستريحه أو يحصل مشاكل و لكن ادعى و قولى ربنا يرزقنى الزوج الصالح.. و ان شاء الله ربنا يسعدك و تحققى كل أحلامك يارب.

بيعمل كده عشان حس إنك مش عاوزه تروحى لمامتك أو إنهم مش هيقفوا جنبك فبدأ يضغط عليكى بالطريقه دى.. المفروض تحسسيه إنهم يتمنوا إنك تقعدى معاهم في اى وقت و انهم واقفين في ضهرك.. و تخليه هو اللى يصرف.. إنتى بتعملى اللى عليكى في البيت و مع ولادك و معاه و مش مقصره في حاجه.. هو سابك عند مامتك عشان احتمال يكون يعرف وآحده والله أعلم.. إنتى ولادك معاكى ولا معاه؟ هو طبعا هيعرف قيمتك و هيبقى عاوزك ترجعى عشان تصرفى كل اللى معاكى... ربنا يصلح لك الحال يارب.

لا تتعلقي بشخص لا يحبك و يتهرب منك و سوف تجدى أفضل منه و يكون الشعور متبادل بينكم.. ولكن لا تخسرى صحتك مع شخص لا يقدرك.. إنتى حبتيه عشان لاقيتى فيه صفه معينه عجبتك.. هذه الصفه إذا وجدتيها في شخص غيره هتنسيه.. اذن تعلقك ليس بالشخص بل ببعض صفاته التى تحتاجينها. لذلك لا تكررى المحاوله معه.. لإنه لا يفكر فيكى و طريقته واضحه جدا.. ربنا يصلح لك الحال و يعوضك خير يارب

كل حاجه بتقدرى تكتسبيها بالتدريب..لا تيأسي.. حاولى و تدربى على كيفية التعبير عن نفسك.. و ممكن تكتبى الافكار اللى جواكى في نوته و تطلعى كل اللى جواكى و بالتدريب مخك هيبدأ يترجم دا و يخليكي تتكلمى بمنتهى الثقه و تعبري عن نفسك صح.

مادام إنتى بتفكرى كده يبقى ضميرك صاحى و مش مستريح لبعدك عن ربنا.. حاولى تقربى من ربنا تانى.. اسمعى بودكاست لحد موثوق فيه و اقرى قصص الأنبياء مثلا و اقرى قرآن.. هتلآقى نفسك وآحده وآحده رجعتى تانى تصلى و تحسنى من لبسك و أسلوب حياتك و ترضى عن نفسك إن شاء الله.. وربنا يصلح لنا الحال جميعا يارب.

هو طبعا أنا برفض تدخل اى شخص في الامور دى و لكن بعد مرور سنه ممكن تستشيرى طبيب و هو هيفهمك كل حاجه إذا كنتى تستنى تانى أو تعملوا شوية تحاليل إنتى و زوجك.. و ربنا يرزقك الذريه الصالحه إن شاء الله.

على حد خبرتى في الحياه.. إن اللى بيخون بيفضل يخون مهما وعد إلا من رحم ربي.. فإنتى شوفى إنتى إيه احتياجاتك اللى تخليكى مبسوطه و مطمنه و مستريحه.. هل وجودك معاه هيحقق احتياجاتك النفسيه و المعنويه.. و هتحسي بالأمان معاه ولا لأ.. لو لاقيتى نفسك مش هتحققى اى حاجه من احتياجاتك معاه.. يبقى لازم تبعدى عنه و ربنا يصلح لك الحال يارب و يعوضك خير.

يا ترى لو كان عندك ولد و بنت هتعامليهم زى بعض ولا هتفرقى في المعامله برضو و تكسرى بخاطر البنت و تقولى إحنا صعايده ؟ اعتقد اجابتك على السؤال دا هتريحك و هتعرفى تتصرفى صح إن شاء الله. ربنا يصلح لك الحال يارب.

مافيش حد كبير تشتكي له زى خالك أو عمك أو جدك أو حد قريب منكم.. يتكلم معاهم عشان يعرفهم إنهم ميعرفوش ربنا بالتصرفات دى؟ حسبي الله ونعم الوكيل في كل ظالم.. ربنا يصلح لك الحال يارب.. ادعى ربنا يحفظك و يعوضك خير يارب.

ربنا يشفيكى ويعافيكى.. يجب التحدث مع معالج نفسي و هو من يحدد إن كنتى حالتك تحتاج علاج منتظم أم فقط بعض الجلسات قد تشفيكى تماما إن شاء الله. و سوف تشعرين بالراحه بعد تحدثك مع معالج.. تكلمى في كل ما يضايقك و سوف تتحسنى قريبا إن شاء الله.

اعتقد إنه لو كان بيفكر فيكى او معجب بيكى أو مستريح في الكلام معاكى.. كان هو اللى حاول يلفت انتباهك أو يوسط زملاء أو أصدقاء لجس النبض...و رأيي إنك تدعى لربنا إن ربنا يصلح لك الحال و يقدم لك اللى فيه الخير سواء فيه أو غيره..

شكرا جزيلا 'نجمه'

الحمد لله على كل حال

ليه؟

شكرا جزيلا لذوقك

هل في لينكات لجروبات ممكن ادخل فيها؟

أنا فاهمه إحساسك كويس اوى.. ربنا يصلح لك الحال يارب.. إن شاء الله تتخطى الظروف دى و تتنفسي الصعداء

تعلم الفوتوشوب أو ال مايكروسوفت أو كل ما هو يخص الكمبيوتر.

سامحيها ولكن لا تخبريها بأى اسرار عن حياتك و من الافضل إن لا تتحدثى عن حياتك الشخصيه مع اى أحد حتى لا يتم استخدامها ضدك في اى وقت.. تعودى ان تحتفظى بالأشياء المهمه لنفسك فقط أو لأحد ذو ثقه كبيره

اعتقد إنك محتاجه تتكلمى مع معالج نفسي لكى تتخلصى من هذه الاحاسيس و تستطيعى مواجهة المجتمع بشكل أفضل كثير

عزيزتى. لا تفكرى في الماضي ولا في المستقبل.. فقط فكرى في الحاضر.. لا تضغطى على نفسك ولا تحمليها أكثر من طاقتها.. و تكلمى مع معالج نفسى و أحكى له كل ما يدور في زهنك و ان شاء الله سوف يساعدك على الشفاء السريع.