Eman

وعليكم السلام ورحمه الله وبركاته متخليش الماضى يسرق منك اللحظه الحاليه انتى فى كليه تربيه دى حاجه جميله جدا ومجموعها كبير اصلا مبيكونش قليل انا بشوف طلاب فى تالته ثانوى دلوقتى كتير حلمهم تربيه عارفه ان انتى اكيد مدايقه ودا حقك جدا تزعلى كليتك عظيمه عارفه كام طالب الايام دى محتاج معلمه حنينه تجبر خاطره عارفه المدرسين الايام دى بتعمل اى فى الطلاب حقيقى الطلاب كلها مشوهه نفسيا تخيلى انتى لما تبقى معلمه حنينه تخيلى كام طفل هيبقا كويس ولما يكبر هيبقا فاكرك طول عمره الدكاتره بالكوم فى كل حته والمهندسين وغيره لكن عارفه يعنى اى تسيبى اثر فى قلب طفل انه جميل ويستحق المعامله الطيبه تفاصيل الثانويه بتاعتك متأكده انك هتيجى فى يوم وتفتكريها بالخير وانتى مش واثقه فى نفسك لى ؟انتى معندكيش غير نفسك اصلا لازم تثقى فيها وتحبيها وتقولى بصوت عالى انا عملت اللى اقدر اعمله واللى حصل حصل وانا استحق اتخلص من مشاعر الذنب وعدم الثقه بالنفس دى يا حبيبه قلبى ربنا يجعلك سبب ان طالب يبقا كويس ويحب نفسه تانى

اتمنى تكونى بخير حقيقى وتعرفى ان لسه فى حياه وان الحياه عمرها ما بتقف على فرصه

انا فاهمه قد اى انت بتحبها دى حاجه محدش يقدر يغيرها وانا مقدره مشاعرك جدا بس اللى بيحب حد مش بيبقا عاوز يخليه اكتر بنى ادم مبسوط ؟ بس انت للاسف مش معاك فلوس ومش هتعرف تخليها مبسوطه والحب مش كل حاجه نهائى لازم تبقا مسؤول اولا خد حد من اهلك مفيش حاجه اسمها مش عاوز اعتمد على اهلى دا عبط حقيقى خد حد وروح وقولهم انا هكون نفسى وهعمل كل حاجه اقدر عليها ولما ارجع نتخطب او نتجوز وخلى حبها دافع ليك انك تشتغل اقصى ما عندك خليك قد المسؤوليه عارفه انك شايف ان مفيش حد فاهمك بس حقيقى لازم تفوق لنفسك وتفهم طلاما بتحبها متخليش فى اى فرصه انها تبقا تعيسه بجد روح لأهلها وقولهم انك هتعمل اى حاجه علشان ترجع وتتجوزها واشتغل اى شغالانه تلاقيها وحتى لو رفضتك بعد كدا هتبقا كبير فى عين نفسك

أنا حاسة بكل كلمة كتبتيها، وبصدقك في التعبير عن وجعك... عارفة إحساس إنك تبقي داخل الكلية وإنتي مش حباها، وإنك كنتي عايزة كلية تانية، وإن الدنيا خذلتك رغم إنك حاولت... بس عايزة أقولك حاجة: اللي إنتي فيه مش نهاية الحكاية، حتى لو شكله كده دلوقتي. أوقات ربنا بيحطنا في أماكن بنقول دي مش لينا، ونكتشف بعدها إنها كانت السبب في نضجنا أو تغيير حياتنا أو حتى شفاء جوانا. كلية تربية مش وحشة، واللي بيدخلها مش فاشل، بالعكس... التعليم مسؤولية عظيمة، ويمكن ربنا شايف فيكي حد ممكن يكون مؤثر في أطفال أو طالب محتاج يسمع كلمة منك. لكن الأهم من الكلية هو إنك تصالحي نفسك، تطبّبي قلبك، وتعرفي إنك مش لوحدك. تستحقي تبقي فخورة بنفسك حتى لو النتيجة مش اللي كنتي عايزاها، لأنك حاولتي، وده لوحده كفاية وبالنسبه لأهلك هما مش بيكرهوكى هما بس شايفين الموضوع من نظرتهم هما ولتانى مره بقولهالك كليه تربيه مش عاديه ابدا تخيلى انا لسه فاكره لحد دلوقتى انى اتأذيت جدا بسبب المدرسين تخيلى بقا انتى لما حد يفتكرك بالخير طول عمره ساعات الحاجه اللى مش بنحبها مش بنحبها علشان اللى حوالينا لكن لو بصينا بجد هنلاقى ان هى لينا هتبقى اعظم حاجه حصلت واختك مش انتى كل واحد فيكوا اه دخل كليه تربيه بس كل واحد فيكوا ليه طريقه وهيبقا مؤثر بشكل معين فيها انا عارفه قد اى موضوع الاهل موجع جدا ان اقرب الناس ليكى بدل ما يبقوا هما اللى بيبصوا بنظرات حنيه نظراتهم تبقا مليانه ما لو كنتى ذاكرتى اكتر بس انتى اكتر واحده عارفه كويس اوى ان لو رجع الزمن تانى هيحصل نفس اللى حصل وحقيقى اوعى ثقتك فى نفسك تروح انتى مش متخيله اصلا انتى قدامك فرص قد اى واهلك مع الوقت هيبقا الموضوع عادى وبإيدك تثبتى ليهم انك عملتى حاجه مختلفه فى الوقت دا حاولى متقعديش معاهم كتير ومتسكتيش على حقك اى حد يغلس بالكلام ردى عليه دا حقك ونظرات الناس مش هى اللى هتحدد انتى كويسه ولالا نظرتك لنفسك هى اللى هتحدد دا

عندها صدمات طفوله و عدم استحقاق بتحس انها لازم تيجى على نفسها علشان صحابها ميسبوهاش علشان هى حاسه لو سابوها هتبقى لوحدها وزعلانه حاولى متتعصبيش عليها عارفه ان دا صعب بس واحده واحده حسسيها انك صاحبتها وانها مش محتاجه تيجى على نفسها علشان حد وانك تطمنيها وتجيبلها اى حاجه بتحبها من وقت للتانى وانك تفهميها انها محتاجه تقعد معاكوا علشان انتو بتحبوها ومتخلوش القعده ممله خليها تعمل حاجات بتحبها معاكوا واسألوها دايما عاوزه تعمل اى بتحب الاكل لانه الحاجه الوحيده اللى بتطبطب عليها لما تقربوا منها وتحبوها وتحضنوها وتسمعوها هتبطل تاكل كتير دى بنتك وانتى قادره تخليها قويه نفسيا انا واثقه فيكى طلاما سألتى السؤال دا يبقا انتى عاوزاها كويسه

اكتب كل حاجه فى ورقه واى حاجه تيجى فى بالك وحب نفسك بجد وفكك انك تلومها او تجلدها طول الوقت لان انت لومتها طول الوقت اى اللى فرق ولا حاجه حاول تغير الفكره وحبها وشوف اى احتيجاتك ومشاعرك الصدمات متعبه جدا انصحككككككككك بشده تقرأ كتاب ابى الذى اكرهه (مش عن الوالدين بس عن اى صدمات )

اشتغل كويس اوى وفكك منها دلوقتى وانجح نجاح كويس وروح خد كورس aiهيكسبك فلوس كتير واتقدملها مستحيل ترفضك بس الاول اشتغل على نفسك