امل ياسين

لو عندك اب وام واخوات. بيحبوك. ومحافظ علي علاقتك بربنا ومش تعبان وصحتك زي الفل صدقني انت كده مش. محتاج حاجة الباقي سيبه علي ربنا وحاول مرة واتنين وبراحة علي نفسك عشان انت عايش في نعمة كبيرة اوي حس بيها عشان انا اعرف ناس بيطلعوا اوائل بس اهلم معقدنهم في حياتهم وناس نفسهم بس اهلهم يهتموا بيهم ومامتك دي احضنها واسجد لربنا واشكره دي نعمة كبير. حاسس نفسك مش نافع في حاجة لاء ربنا ماخلقناش عبثا اعمل اقل حاجة اضحك في وش الناس وقول كلمةحلوة لاى حد وساعد اي حد محتاج اي حاجة وده كفاية جدا ومحدش شكله وحش وافتكر ان ربنا الرحيم قال لقد خلقنا الانسان في احسن تقويم عارف مين ال شكله وحش الشخص الضعيف وال مش واثق في نفسه عارف يعني ايه الثقه في النفس يعني عارف ومتقبل انه بيغلط وانه مش كامل وصفة الكمال ل ربنا سبحانه وتعالي وعارف امته بعترف بالغط وبيصلحه

انا ملاحظة من كلامك انك شغال تقارن نفسك بالناس ال حواليك انت ماتعرفش الشخص ال بتقارن نفسك بيه ده عايش ايه او هو حاسس بأيه او انت عندك ايه هو معندهوش وبيتمني يكون مكانك بطل تبص حواليك ركز علي نفسك وشوف انت عاوز ايه عشان انت طول ماانت بتقارن نفسك. بال حواليك عمرك فعلا ماهتتقدم وطول ماانت بتحاول تبقا شبه حد انت شيفه انه احسن منك مستحيل تتقدم انا مريت بنفس تفكيرك وكنت بفتكر. نفسي مش بعرف اعمل حاجة واني اتولدت علي الفاضي بس. لاء طبعا احنا نسينا هدفنا في الحياة وهي اننا نعبد ربنا طول ماانت مصلي صلاوتك الخمسة وقرءت ورد من القرأن وبتحاول تقرب من ربنا وده هدفك يبقا انت كده شخص عظيم عند ربنا وهذا. يكفي بتحب نفسك اكتر واكتر بقا بطل تقارن نفسك وبص علي نفسك هي محتاجة ايه بجد. اسمع ابراهيم الفقهي و الشيخ حازم ياسر وحب نفسك. وبراحة. عليها.

دعتلك والله وان شاء ربنا يهديكي وتحب نفسك اكتر ❤

عشان انت مستني. من نفسك تنيجةكبيرة من اول مرة براحة وقول لنفسك عادي مش هدخل النار ولا ربنا هيغضب مني كفاية انك بتحاول وبراحة علي نفسك واسمع ابراهيم الفقهي ومعتز مشعل

كلنا بنغلط وبنفشل محدش نازل ملاك بس الشاطر بقا ال يتعلم من الفشل وال حاجة ال غلط فيها وبيصبر علي نفسه فشلت وايه يعني كلنا بنفشل وبنقع بس. لازم نقوم ونحاول. نقف ونغير الطريق خايف تغير الطريق هتعمل زي ال ركب عربية غلط واتكسف ينزل عشان محدش يقول عليه بيغلط صدقني والله كل الناس مش زي الظاهر ال ظاهره بيه في ناس بقعد باليل اخر اليوم تفضل تعيط وعيانة بالرغم. انها طول اليوم بتضحك وشاطرة وفي ناس بالرغم من انهم ناجحين عندهم عيله بتعاملهم وحش واتربوا وعندهم عقد نفسية لازم كل واحد يبص. علي نفسه. وتقارن نفسك بالسنه ال. فاتت هل تقدمت هل لازلت بتحافظ علي صحتك ومش تعبان هل بعدت عن ربنا. ول قربت منه

نفس ال كان بيحصل معايا بالضبط عرفت اني لما اتوجع لازم اقول انا كنت بخبي الوجع وماكنتش بحسس حد اني تعبانة بس لما حالتي اتدهورت رحت المستشفي لوحدي الرغم اني قولت اني تعبانة وكنت بلف في المستشفيات عشان حد يعرف عندي ايه وكنت باخد ادوية كتير جدا وماما كانت بتقولي الادوية دي هتموتك وانا زعلت عشان مش بمزاجي اخد الادوية عمتي حسيت اني كل يوم بخرج فسألتني فحكيت اني تعبانة راحت ماما عرفت واتعاركت معايا وقالتلي انتي مش تعبانة وبتروحي تشتكي للناس ساعتها بقا زعقت وجبتلها تقرير بتاع الدكاترا واني تعبانة جدا وكنت ساعتها هعورت نفسي وهي اصدمت وانا عرفت اني مش بتكلم ومحدش ملزوم انه يفضل يسأل عليكي ولو ي تعبتي صلي وافضلي اشكي لربنا واتكلمي معاه بجد جربي هتلاقي كل حاجة بتتحل سبحان الله بس اعرفي انك أساسا مالكيش غير ربنا

بصي ركزي علي نفسك اكتر واتعلمي حاجة جديدة انزلي جيم او اتعلمي لغة جديدة او اتعلمي التجويد انتي في سن محتاجة تعرفي نفسك اكتر و تطوري من نفسك اما بقا لو هو فعلا حبك وليكي نصيب فيه ربنا هيقرب كل حاجة واوعي تنسي ال ليه نصيب في حاجة هياخدها والحب رزق ولو ليكي هيجيلك وثقي في ربنا وممكن يكون خير ليكي انه بعد والله اعلم