Alaa Kampo

متلعبيش في الدوا متاخديش يوم و تبطلي يوم.. الواحد في الاول بيعاند و بيشوف انه مش محتاج دوا او ان الدوا هيعمل ايه يعني و انا مش محتاجه كل الافكار دي هتجيلك بس بجد بلاش حاولي و ناقشي مع الدكتور بتاعك في الموضوع ده ... لغبطه الدوا مقرفه و متعبه

مش هعرف ارد قوي في موضوع التعليم لان مش عارفه الانظمه الحاليه ايه بس بإذن الله تدخلي ثانوي و تتوفقي فيه ... انا حاسه خايفه و حزينه اكتر من البيت و من ان معندكيش اصحاب هي مش موضوع تعليم ... اه الاصحاب بنتعرف عليهم في المدرسه يمكن ده المكان الوحيد على حد علمي الا لو بتروحي نادي و تتمرني فأنتي خوفك ان ضياع التعليم مش ضياع تعليم بس ده تعليم و اصحاب ممكن اتعرف عليهم. ووقت بتقضيه و يشغلك عن البيت فكل ده حاجه تقلق فعلا ... انا للاسف معنديش حلول ... انا بس حبيت اكتب تقديرا لشعورك و كل القلق الي حاسه بيه مفهوم و متقدر و يا رب النتيجة تطلع و تطمني

الوعي نصف العلاج لان الالتزام بسلوكيات يوميه من غير الفهم هيجي لحظة و الشخص يقرر يوقف علشان مش فاهم بيعمل ايه لييه بس الوعي لوحده بس من غير سلوكيات يوميه خطير ساعات المعرفه بتبقى بلاء على صاحبها لو مستخدمهاش لعلاجه

انا مقدره ان الواحد بيبقى مستني دعم من اهله في لحظات زي دي بس الاهل بيشوفو الامور من زاويه تانيه زاويه مصاريف و عمر بيعدي و كلام الناس ... ربنا يعينك يا رب و بإذن الله لو الموضوع ماده او اتنين تعدي في الدور التاني و لو سنة كامله ربنا يقويكي ... المهم لو الاهل مش عارفين يدعمو دلوقتي حاولي تشوفي حد مقرب من اصحابك و تفضفضي معاها

حاجه كمان الاعراض الي خايف تجيلك هي بتيجي اكتر لو بطلت الدوا او لغبطت فيه مش من حته لو وقفت علاج و متابعه مع المعالجه ... انا بقولك من تجربتي معرفش بقى بشكل عام ده للكل و لا لا

انا مش عارفه دي حاجه تشجعك و لا تحبط انا بردو بتعالج من الوسواس القهري من ٢٠١٦ غيرت دكاترة كتير جدا هو الوسواس الدوا فعلا مفيد جدا و بيأثر بس بجانب الدوا العلاج المعرفي السلوكي مهم مهم مهم جدا علشان الوسواس جزء منه طبي فعلا حاجه في المخ و جزء اكبر افكار ....طيب نغير الدكتور و لا لا ؟ لو سبب التغير علشان المده ان بقالنا كتير معاها يبقى انصحك لا ... التمرينات الي الدكتور بتقول عليها حلو ان نعملها بس انا عارفه ان الالتزام عليها صعب خصوصا ان الواحد بيحارب افكار و مشاعر جواه و ان الدكتور كل مره تحاول و تشوف طرق جديده دي حاجه طبيعيه و صحيه ... الوسواس مش سهل محتاج صبر صبر كتير كتير و محاولات و يبقى معاك معالج مرن

لو اداب علم نفس فهي فيها جزء جميل و شيق لما تتخرج و تتعامل مع حالات و تتابع معاهم يعني اصلا طبيب نفسي و معالج نفسي شغلهم بيبقى قريب غير طبعا ان المعالج مبيدخلش في جزء الادوية لكن مع مرور الوقت بيبقى ملم بيها فلو اداب علم نفس يبقى حاجه عظيمه و الاستمرار و التميز فيها بيجيب دخل ممتاز

بتاكلي امتى و بتحسي ب ايه؟ لان ممكن الاكل عمتا يبقى صورة خارجيه بنخفي بيها حاجات تانيه يعني دوري بس لو في سبب تاني

لو اكتئاب يبقى نتابع مع طبيب و هيوصف دوا هيحسن الاعراض كتير جدا و نحاول مندخلش في داريه الجن و كده قبل ما نزور طبيب و يقيم الوضع

هو غالبا الواحد بيبقى انطوائي علشان جواه خوف و مشاعر كتير من الناس فأنتي لقيتي في صاحبتك دي الشعور بالامان ممكن تكوني خايفه انها لما بيبقى عندها اصحاب تانين تتغير عليكي تبعد تحطك في مكانه اقل فبتحاولي تتملكيها و تسيطري على كل جوانب حياتها منفعش بتحاولي تتجهي للاكستريم بانك تبعدي تماما و تقفلي على نفسك علشان تبقى في امان بس علشان الواحد مش بيعرف يعيش لوحده هتلاقي كل فترة كده بتحاولي تطلعي راسك من قوقعتك و تبقى اجتماعيه ....طيب الحل ايه لو صاحبتك دي شخص حكيم و انتي واثقه فيها قوليلها كل المشاعر الي جواكي دي و انك بس محتاجه كل فترة تأكدلك مكانتك عندها و حل تاني هيجيب من الاخر نروح لثيرابثت يتابع معانا الحياة هتنور و هتفرق

كان في حلقة على ساوند كلاود للشيخ علاء عبد الحميد بتتكلم عن التمذهب و ليه ناخد بالمذاهب ٤ و مش كل واحد يمشي على النص و خلاص .... حلقة جميلة و فيها كل الاجابات و الشيخ علاء خريج ازهر و حد كلامه رزين

الى اعرفه ان طالب العلم بياخد مذهب معين و بيحاول يلتزم به فأغلب اوقاته الا لو فيه عذر و عموم الناس كل واحد يتبع شيخ ثقه و ياخد منه الاحكام و الاراء ( العامي على مذهب شيخه) ده الي كنت اخدته لما كنت بدرس علم شرعي كل مذهب مبني على نثق و قواعد فهي الفكره ان الواحد لو اخد كل مسأله مثلا و عمل عليها سيرش بدل ما يسأل شيخ ممكن ياخد رأيين مختلفين مثلا يعني خروج الدم بينقض الوضوء في المذهب الحنفي و و في المذهب الشافعي ملامسه غير المحرم بالسلام تنقض الوضوء فالواحد ممكن يعمل الفعلين و مياخدتش باله و ينتقض وضوئه على مذهبين و تبقى الصلاه مثلا غير صحيحه علشان الوضوء ...ده الي اعرفه مش عارفه بقى صح و لا ايه

هو المنطلق الديني علشان اتأكد واخده صح و لا لأ بفضل ادور و ادور انا عارفه انه ممكن يبقى وسواس بس احساس اني مباخدتش المعلومة كامله ده بيخليني تايهه و بردو فكرة ان الدكتور بتقولي ان امور ان مسموحه و انا عارفه ان الامر ده مش تمام شرعا حسب معرفتي القليلة بيوترني اكتر و بقلق اخد معلومات منها ... المشكله عارفه انها فيا في الوسواس بس مش قادره افصل

الموضوع لو من عندك و انتي صغيره حاولي تشوفي و تقعدي مع نفسك و تقيمي علاقتك باخواتك الولاد و الوالد غالبا الاحساس الي بيجيلك بسبب حاجه في العلاقه دي ممكن مخدتيش القبول بشكل كافي و طبعا ده ميغنيش من زيارة معالج نفسي افضل في معالجين بسعر مخفض في مستشفيات الجامعيه ..

مشكلتي أكتر اني بالفعل دارسة دراسة اكاديميه مذهب شافعي ف ده بيعطلني شوية هحاول ادور على مصادر تانيه ..الموضوع بيبقى ضيق لأن بحتاج اشرح و استفيض و ده بيحتاج اكتر امرأه أكتر من شيخ رجل و ده مش متوافر أو أنا مش عارفه ادور فين فبسأل علشان لو حد يعرف معلمة أو طبيبه جامعه بين العلم الشرعي و علم النفس

أنا بخاف ده يزود الامر عند حد لو قلته علشان كده مبقولش كتير في الامر ده هو كان امور في نواقض الوضوء و الحيض الدكتور كانت شايفه انه مش ناقض و دار الافتاء وضحولي انه من نواقض الوضوء و نفس الامر في الحيض

فافرين ٢٠٠ جم

باخد أدوية