Omnya Ahmed

طالما اتفقتي علي كده من الاول ورضيتي من الاول مينفعش دلوقتي تخلفي كلامك كنتى المفروض تعترضي من الاول مش دلوقتي! انك تنزلي وتاكلو سوا ده وضع غلط ومفهوش استقلال وبيعمل مشاكل كتير فا المفروض كان الرفض يكون من قبل الجواز عشان كل حاجه تبقي علي نور انتى غلطتي طالما اتفقتي لازم تنفذي اتفاقك لأن لو هو اللي كان متفق معاكي علي حاجه وغيرها كنتى هتزعلي جدا صح ولالا ؟ يبقي تلتزمي باتفاقك معاه وحاولي تكسبيها قدر الإمكان وبس..

الخشب عليه والباقي كله عليكي ده كتير جدا علي باباكي ي حبيبتي وفعلا حرام الاتفاق ده ظالم علي الاقل يشيل معاكي السجاد والستائر والمراتب بالنص او ياخد حاجه منهم لكن كده كتير اوى فعلا بس حتة انه يجي ياخدك ويرجعك دى مش حلوة عشان اصلا كتر الخروج مع خطيبك مش حاجه كويسة خالص الاحسن ليكي فعلا انكو متخرجوش كتير ولا تظهرو مع بعض كتير وده شرعا ودينيا لازم تصلحي بينه وبين باباكي لأن فعلا مينفعش العلاقة بينهم تبقي كده اقنعيه يجي ويسأل عليه حتي لو بالتليفون مكالمة دقيقتين كل أسبوع مش هتكلفه حاجه ويجي لباباكي ويقدره لأن هو الصغير وهو الي لازم يسعي للتصليح مش باباكي الي يسعي ابدا اقنعيه وفهميه كويس عشان دى اصول مينفعش يتعداها ابدا

مش أمر تافه طبعا مفيش مشاعر تافهه ولكن لازم تخلص وتتخرج وتشتغل وتخلص جيشك لو فيه عندك جيش وساعتها تقدر تاخد خطوة وتخطبها غير كده هتتعبو جدا وهتكون مسؤولية كبيرة عليك وهى المفروض لو بتحبك او لو ليكم نصيب ف بعض ربنا هيجمعكم علي خير في الوقت المناسب ليكم انتو الاتنين انما ارتباط في الجامعة بجد اكبر غلط وهيضرك اكتر ما هينفعك وهتلاقي نفسك محاط بمسؤوليات كتير اوى ف وقت صغير فا احفظ مشاعرك ونفسك لحد ما تقدر تتقدم رسمي وانت جاهز تماما للخطوة دي

لا طبعا لازم تقوليلها اكيد ايه اللي يزعلها ف كده بالعكس هى الوحيدة اللي تقدر تتحكم وتمنعه انه يتعدي حدوده معاكي ويهزر بالطريقة دي ادام انتى بتتدايقي + اكبر منك ب10 سنين يبقي لازم يكون رزين ويعمل حدود بينك وبينه ، رأيي انك لازم تعرفي اختك بشكل محترم ميحرجهاش وميزعلهاش وبطريقة لطيفة وتعرفيها انك مقصرتيش تشتكي غير بعد كتير اوى عشان تتأكد ان الحوار مش مجرد هزار عادي لا احكي لها مواقف بعينها وهى هتقدر توقفه عن الهزار ده

ده دمل عين لازم تكشفي عشان تاخدي المضاد الحيوي المناسب وربنا يشفيكي

للأسف رد فعل اهلك هو السبب انك فقدتي الامان حاولي تتكلمى مع مختص نفسي هيقدر يفيدك ازاى تتخلصي من الشعور ده وحاولي دايما تقفلي ع نفسك بالمفتاح لو تعرفي وياريت لو تشغلي نفسك بأي شئ مفيد يضيع وقت ويسحلك فيه عشان تنسي الموضوع علي قد ما تقدري ولو في حد بتثقي فيه من اهلك وقريب منك احكيله وفهميه كل حاجه جواكي

الصلاة والقرآن ولو عندك مشكلة في حياتك حاول تحلها

ده بيلعب ، انهي معاه تماما ومتكلميهوش كلمك ردي ع القد وبس .

لازم حد كبير يكلمه ويعقله دى مراهقة متأخرة وباباكي مش هيتراجع بسهولة للاسف ، وطبعا مينفعش تعرفيه انك عرفتي لانه هيتكسف منك انتى ادعيله بالهداية

غيري المستر وحلي كتير اوى بحيث تعرفي كل انواع الاسئلة

حضرتك لازم تستشيري طبيب نسا فورا

انتي ما شاء الله في كلية عظيمة وهتكوني من خلالها دكتورة ، في دكتورة مش بتذاكر ؟ حطي لنفسك هدف عشان تحققيه واعزلي نفسك عن اى مشتتات وانتى بتذتكري هاتيلك حاجه بتحبيها وكليها او اشربيها هتساعدك علي المذاكرة ، اعملي مكتب ليكي وعليه حاجتك وزوقيه بشوية حاجات لطيفة المظهر مهم وقبل المذاكرة صلي وادعي بالتوفيق وياريت تخصصي ورد قراءن ليكي يوميا ويكون في من سورة البقرة وداومي عليها وهتشوفي

چيم ي حبيبتي بتروح بالرياضة انا اعرف ناس كانت عندهم وراحت باستمرار على الچيم ٣ شهور

اشغلي نفسك بحاجه مفيدة يعني مثلا اعملي مشروع اونلاين خاص بيكي ، اخرجي لوحدك عادي جدا ابسطي نفسك هاتي لنفسك حاجات بتحبيها ، اعملي شوبنج كل فترة حتي لو هتشتري حاجه واحده بس هيفرق ف نفسيتك جدا ، وزوري اهلك اكتر واعزميهم عندك

انا حاسه بيكي بس انتي لازم تفوقي لنفسك والي يديكي قلم ترديه عشرة الشخصية دي مش هتنفع مع الزمن ده عشان كده لازم تقفي علي رجلك وتقوي نفسك بنفسك وتحيطي نفسك بناس بتحبك بجد وتتمنالك الخير مش اى حد تعرفيه واى حد تثقي فيه انا اعتقد سنك صغير عشان كده مع الوقت انتى هتتغيري وشخصيتك هتختلف وهتكوني غير دلوقتي خالص بس اهم حاجه تتعلمي من اخطائك في انك تعرفي ناس صح مش اى حد

حضرتك المرحلة دي لازم طبيب نفسي

لازم تبعدي عنه علي قد ما تقدري وتعزلي نفسك عشان ده مستقبلك يعني متحتكيش بيه واقعدي ذاكري ف اوضتك وحاولي انك ميشوفكيش خالص عشان متسمعيش اى كلام سلبي منه

لازم تكشفي تاني وتتابعي مع دكتور متخصص

المتابعة مع طبيب نفسي فورا

يعني من الاخر الكلية مش نهاية المطاف ولا نهاية الحياة ولا هى مقياس لنجاحك وتحقيق حلمك بالعكس انتى تقدري تحققي حلمك بنفسك عادي او حتي ع الاقل تقدري تنجحي ف حاجه تانية فا انتى لو اقتنعتي بكده هتتحركي لقدام ومش هتوقفي نفسك عند النقطة دي

كان ليا صحبتي حلمها تدخل كلية فنون جميله ورسمها كان تحفة وذوقها يجنن يعني عندها حس فني بجد لكن للأسف متقبلتش في امتحان القدرات! ويشاء ربنا انها تدخل كلية تجارة اللي هى مش بتحبها ولا كانت تتمني أو تتخيل انها تدخلها المهم هى ميأستش ، اشتغلت علي حلمها وخدت كورس في الفاشون واتعلمت باترون من اليوتيوب وبقت تجيب قماش وتجرب فيه وتفصل لبس لنفسها وتشتري كوتشيات سادة وترسم عليهم وعملت بيدچ اونلاين تبيع فيها والبيدچ انتشرت جدا ما شاء الله وشغلها اتحب وبقا يتطلب باستمرار لحد م البيدچ كبرت اكتر واتطورت بقت مش بس كوتشيات ده كمان بقت تفصل فساتين سواريه ولبس كاچوال وبقا يتطلب منها اوردرات من كل محافظات مصر وحققت حلمها وكل ده وهى لسه دلوقتي في سنه رابعه كلية يعني قدرت تعمل كل ده ف خلال ٤ سنين بس!