Biba ♡

بصي ي سكر كلامك عجبني 🙂‍↕️💯 بس عاوزه اقولك انتي مش محتاجه راي الناس في حاجه واللي هيحبك عشان شكلك ميبقاش حب اهتمي بنفسك لنفسك حبيها وهي هتحبك بصي دلوقتي ف المرايه وانتي بتقري الرساله دي وقولي انا ممكن اكون مش احلي واحده بس انا دايما نفسي صدقيني حبك لنفسك هينعكس علي شخصيتك و اي حد هيتعامل معاكي هيحس بكده وكمان سيبك من المجتمع ..المجتمع بقت نظرته لكل حاجه غلط بجد لو مشيتي ورا كلام الناس صدقيني هتفقدي نفسك و نفسيتك فعاوزاكي تعيشي لنفسك و اهتمي لنفسك هاتي ماسكات ميكب خفيف وطوري ذاتك وانا فخوره بيكي حتي لو انتي شكلك مش احسن حاجه 🫂☺️

انا حاسه وعارفه انتي بتمري بإيه إحباط و اكتئاب و توتر و حيره و هم بس تعرفي حاجه ؟جربي تقربي من ربنا مش لازم بحاجات كبيره زي الصلاة والصوم ممكن بس تبدأي بالاستغفار كل ما تفتكري .. مجرد النيه انك عاوزه ترجعي لربنا دي لوحدها خطوه كبيره كمان عاوزاكي كل متحسي نفسك عاوزه تعيطي عيطي متكتميش جواكي مشاعر ده بردو هيريحك ... آخر حاجه حطي لنفسك طموح او هدف وحاولي توصليلو حتي لو موصلتلهوش دي مش نهاية العالم حاولي وجربي لحد متوصلي للحل اللي هيريحك وعلى فكره بالرغم من اني معرفش اسمك ولا شكلك ولكن انا متأكده انك هتقدري تطلعي من الحفره اللي انتي فيها وانا واثقه في انك مش هتضعفي قدام مشاعرك🙂‍↕️🫂

بصي ي سكر انتي شكلك طيبه و بتحبي الناس بسرعه ودي ميزه حلوه لو اتحكمتي فيها ومش عاوزاكي تكرهي حد او تحقدي عليه الموقف ده يعلمك ويعلمني انو الناس انواع واتوقع من اي حد انو يعمل كده وهو في الاول وفي الاخر هي اللي خسرتك انتي مش خسرانه حاجه لما بنت او بنتين يبعدو عنك وزي م قولتي انتي شاطره عاوزاكي متشغليش بالك بيهم وتوريهم انك مش محتاجاهم وانك افضل حالا من غيرهم

استخير/ي واقرأ اذكار الصباح والمساء

بصي ي سكر قلبك هو دليلك لو مش مرتاحه معاه دلوقتي مش هترتاحي معاه بعدين بس ف الاول وفي الاخر صلي صلاة استخاره و لو فضلتي حاسه بعدم راحه عرفي اهلك اما لو بعد الصلاة حسيتي براحه نحيته خلاص ده اختيار ربنا ليكي خدي القرار الصح عشان متندميش عليه بعدين🫶🏼

روحي لدكتور نفسيه وعصبيه لو هو بسبب الضغط الناتج عن الثانويه او اعملي تحليل غده درقيه واتمنالك الشفا العاجل🫂🙂‍↕️

بصي يا سكر انتي شكلك طيبه اوي ومن الناس اللي صعب نلاقيها في الزمن ده بس عاوزه اقولك حاجه البنت دي متستهلش تكون صاحبتك عشان هي بتلعب علي مشاعرك وده واضح جدا وقلبها مليان حقد ليكي وغيره منك ف ابعدي عنها وانتي فخوره ان ربنا بينلك حقيقتها واكتر حاجه تثبتلك ان البنت دي مش كويسه انها تعمل شله بس عشان تضايقك وتبوظ نفسيتك سيبك بقا منها و عاوزاكي توريها ان انتي مش هتتأثري بيها ولا باللي هي بتعملو وخليكي متفوقه زي م انتي لأن الناس اللي زي دي بتتقرهر بنجاحك ف معلش اركني قلبك دلوقتي علي جنب و حكمي عقلك ي سكره 😼🫶🏼

نصيحتي ليكي روحي لدكتور عشان الأعراض دي بيبقي ليها كذا سبب و الدكتور ممكن يعمل تحاليل ليكي عشان يشخص الموضوع بدقه لكن هنا معتقدش ان حد يقدر يساعدك ويعرفك اللي عندك بدقه