Tito Bito

مشكلة حضرتك مش تافهه دي مشكلة بسيطة اي شخص بيحب يبان جميل بغض النظر عن اذا كان ولد او بنت كله بيحاول يظهر ويكون الأجمل دي فطرة في اي شخص بس كده حضرتك تماديتي في النظر لدرجة ان انتي بقيتي تحبي تشوفي نفسك في عيون كل الناس انصحك تجملي روحك من الداخل بالقرب من ربناومتطوليش النظر في عيون الناس لانه بيشكل اسلوب تهديد ممكن حد يظن انك تعرفيه او عايزه تأذيه او توصل بشكل وحش التزمي وقربي من ربنا وغض البصر يحميكي من كل الكلام ده لابد من غض البصر مش عاوز اهول عليكي الأمور واقولك ان العين تزني وزنها النظر بس لازم تقري كتير وثقفي نفسك من زاوية لغة الجسد علشان تقدري تعملي كنترول على نفسك في نظراتك ومتوصليش لحد نظرة غير مرغوبة وحاولي متستخدميش عيون الناس كمرايا ليك الا لما تتقني لغة العيون لأنها اهم تواصل في اوقات معينة تطلب منك المراقبة في وظيفتك زي مثلا اذا كنتي مشرفة على عمال أو وانتي في الشارع او مواصلة اذا حد حاسة انه بينظر ليكي نظرات مش طبيعية من الطبيعي اننا نراقب نظرات الشخص للاحتراص منه وكمان من الطبيعي مراقبة طريق واحنا ماشين لتفادي الاصطدام بشخص ورؤية المكان واحنا ماشين فين رايحين فين كده لازم تقري كتير عن كتب تفهمك وتشرحلك لغة العيون علشان إذا كنتي تحبي التواصل مع الناس بالشكل الطبيعي الي كل الناس ممكن تتقبله وكمان الجمال ما بيكونش في المظهر او إعجاب الناس بيكي جمالك وثقتك في نفسك بتذيد اكتر لما تتجملي بدينك واخلاقك وغض بصرك ثقي تماما واعرفي ان ربنا بيدي كل شخص جزء من الجمال بغض النظر اذا كان الجمال شكل او روح طيبة او جوهر نظيف خلي جمالك جوهري اكتر لان الشخص العاقل الي بيحب يختار شريك حياة بيختاره في الوقت والزمن ده يختار الشخص الجميل في صفاته كم من جميل لكن جوهره غير نظيف ومعدنه غير نقي الجمال الحقيقي في الأخلاق انما الأمم الأخلاق ما بقيت تجملي بأخلاقك وساعتها بس هتقدرى تميزي الجمال وتعرفي ان في ناس جميلة والجمال انواع جوهري يعني شخص نقي ونظيف من قلبه او ظاهري يعني شخص جميل من الخارج فقط مهتم بمظهره او شكله الخارجي اكتر ما بيهتم بجماله الداخلي اقري كتير علشان ان بتكوني شخصيتك والعقل النضج والوعي بيكون بناء على درجة ثقافة الشخص ومعلومات الي اكتسابها الي آخره وفي ختام الإجابة عن سؤالك انتي شخصية محترمة وجميلة ومفكيش اي شئ مش كويس بس نرجوا الاهتمام بالتثقف والقراءة وأولهم قراءة الكتب الدينية ثم الكتب العلمية والتثقيفية بأنواعها علشان بكده يساعدك كتير تطوري من نفسك وتوصلي لاي شخص الصورة الي انتي عايزها بشكل مناسب سواء بكلام أو بلغة جسد وتبقى عارفه انتي عايزه إيه بالظبط من خلال النظرة او الكلمة وشكرا

بالنسبة للمشاكل بين حضرتك وبين الأهل احنا هدفنا تطوير صحة الزوج للأفضل علشان نقدر نوصل لنتيجة صحية ونفسية جيدة لعلاج الزوج وده هيكون بأننا نتغاضي عن حل مشكلة الأهل بغض النظر اي من الطرفين هو الصح سواء حضرتك صاحبة الحق أو الاهل يوجد أولويات عامة بالحياة لازم نحاول نكون كويسين مع أهل الزوج أثناء فترة العلاج او حتى نتجنب الصدام بينا وبينهم او الكلام عنهم بالسوء حتى إذا كان اهل الزوج مش سويين معانا فاحنا بالخطوة دي بنعمل أكبر تضحية من أجل شفاء الزوج واسترجاع سعادة الحياة الأسرية من جديد وان شاء الله تكون نتيجة الصبر والتحمل مرضية وترجع السعادة لحياتكم من جديد.

أول شئ تحاولي تتواصلي معاه بصورة إيجابية علشان تقنعيه بالحلول خطوات التواصل مع الزوج وإن كانت مؤقته طبعا سؤالك محترم ويدل على انك ست أصيلة محترمة وعايزه تشوفي حل علشان ترجعي الحب والود مابينكم زي الأول وفاكره لزوجك الذكري الجميلة بدليل انك قولتي ان زوجك كان في بداية الزواج رغبته أفضل يعني متذكره ليه لحظات الرضا بينكم وإن الزوج لما تعب فكرتي ليه في حل للمشكلة ده يدل على انك أصيلة وعايزه الخير لبيتك والشفاء لزوجك أول خطوة متقلقيش خالص ولازم نحط نفسنا مكان الشخص المريض علشان نتعظ ونحس بصورة أفضل وكمان متقلقيش لان اسباب قلة الرغبة وانعدامها بتتحل بالعلاج النفسي و الدوائي والنفسي أهم فعشان كده لابد إنك تحسني علاقتك معاه واسلوبك لانه حاليا مريض حتى إذا كانت طريقتك جيدة في التعامل معه حاولي تخليها افضل من الطبيعي لازم صبر لابد إن الزوج يشعر إنه في مكانة الأبن لديك الخطوة الثانية حاولي تراضي اهله حتى ان كان فترة العلاج حتى ان كان الاهل هم المخطئين نصبر ونتحمل لصالح الدعم النفسي لزوجك وتقليل التوترات ما بينكم وده هيساعدك كتير ويساعد الزوج كمان ويخليه يستجيب معاكي أسرع لفكرة العلاج بعد اقناع الزوج بالعلاج يمكن استخدام تعاطي هرمون التستوستيرون في علاج فقدان الرغبة الجنسية لدى الذكور. ومع ذلك، يجب إعطاء هرمون التستوستيرون عندما ينخفض مستواه في الدم إلى ما دون مستوى معين. يجب أن يتم التخطيط ومتابعة العلاج بالهرمونات من قبل خبير في الموضوع يعني لابد من تشخيص دكتور نفسي وايضا دكتور ذكوره علشان يتم التحديد بالظبط السبب وراء الحالة المرضية التي أدت إلى فقدان الرغبة والعمل على علاجها بصورة سليمه ويجب الاهتمام بتعاليم الطبية التي ستقدم لكم والعمل بها وشكرا لسؤال حضرتك وان شاء الله اتمنى لك السعادة الأسرية وان ينعم الله عليكم بالشفاء العاجل واسترداد عافية الزوج وذهاب جميع المشاكل لديكم...

نقدر نسأل عن أي دكتور استشاري متخصص بالمشكلات الجنسية وده ممكن يتم عبر البحث الأمن عن طريق الجوجل وبكده يساعدني اكتر ان اختار الاخصائي مناسب ليا من حيث درجة خبرة الاستشاري وده بيكون اننا نقدر نشاهد تقييم الدكتور علي الانترنت وكمان اختار السعر المناسب للاستشارة واختار كمان المكان الأقرب ليا ولسكني. وفي طبعا مواقع كتير على جوجل بها نقدر نبحث عن الاستشاري المناسب سواء استشاري نفسي او متخصص بالمشكلات الجنسية وكمان لازم حضرتك كمان تتطمني على نفسك وصحتك النفسية عند دكتور نفسي وايضا دكتور مشكلات جنسية علشان تكوني حضرتك والزوج دعم لبعض أثناء فترة العلاج وده هيقوي علاقتكم ببعض اكتر وهيساعدكم كتير انكم تدعموا بعض وتتخطوا المشكلة سويا. حتى إذا كنتي سليمة وحاسة ان مفيش مشاكل من جهتك هيكون اخذ نفس خطوات العلاج مع الزوج دعم نفسي كبير ليه وهيطمئنه أكثر واتمنى ليكم الشفاء العاجل والفرح والسعادة في حياتكم العامة.