Apex Predator

بقولك ايه ... الغالبية العظمي للأسف مختونة و ( للاسف دي مش ليك ) .. دا ليهم هما .. و عايزك تعرف ان الانثي اللي تعرضت للختان مش شرط انها تكون باردة ، و مفيش علامة في الوجه تدل علي اي حاجه غير حبوب الوجه بتدل علي اكل الشيبسي و التغير الهرموني و الدهون في الوجه و البقع بتدل علي نقص عناصر غذائية او مكياج فاسد ، هههه بهرج طبعا لاء بس فعلا الموضوع ده لاعلاقة له بالوجه ، و اضح انك جديد .. متقلقش يا بشمهندس كله هيبقي تمام ، التجربة بتبقي مؤلمة فعلا لكن بنسبة كبيرة اثرها النفسي مش بيسبب برود جنسي ، ثانيا حتي لو مش مختونة ممكن يبقي عندها برود جنسي برضه يعني مش قاعدة ثابته . فمتحطش الموضوع ده في دماغك اطلاقا ..

بقولك ايه انا معاك و متفهم قد ايه قدرت حاولت تمسك اعصابك و حجم التوتر و الغيظ و كل شعور مش ممكن يتوصف كان في قلبك و انت بتحاول تكتب البوست ده ، عن اللي حصلك انت مش لوحدك حصل معاه شيء زي ده فخليني معاك في اللي انت بتفكر فيه .. يلا الاول نروح لدكتور نفسي نتعالج بس ازاي .. الدكتور النفسي مش ساحر ميقدرش يغير اللي في القلوب ربنا وحده يقدر بس هو يقدر يغير اللي في عقلك الي حد ما و يقنعك برضه الي حد ما انك مش تسامح لكن تنسي ، بس عموما خطوة الدكتور دي متروكة ليك ، يلا بقي نحضر سيناريو انتقامك الجبار .. بتفكر في ايه .. - تعمل في عيال اخوك زي ما عمل فيك فكرة مش كده بس خد بالك لو عملت كده مش هتبقي احسن منه بكن هتبقي اوسخ و ساعتها محدش هيصدقك لو قولت كنت باخد حقي - تقول لمراته و اهلها و تدمر حياته .. فكرة برضه بس خد بالك في احتمالين متصدقكش لانك معندكش دليل او علشان باقية علي جوزها و خايفة علي عيالها من خراب البيت و ساعتها هتبقي خليت حياتها جحيم بدون ما تقصد بسبب اللي هيحصلها بعد كده و الاحتمال التاني انها تصدقك و تطلع شخصية قوية و مسيطرة و تاخد موقف و تروح تخرب البيت و يبقي ذنب العيال دي في رقبتك و كمان احتمال اخوك اللي كان تاب و عمل اسرة يرجع تاني و الله العالم هيعمل ايه تاتي .. - إحتمال مجنون بقي .. انت تعمل فيديو و تنشره و تحكي فيه كل حاجه و تبقي دمرت العيلة بتاعتك بالكامل و دمرت نفسك يلا عليا و علي أعدائي شمشون الجبار .. و الفيديوهات تبقي تريند و توصل وزارة الداخلية و تبقي حكايتك علي كل لسان في بلد القيل و القال بالعربي تعمل من نفسك فضيحة الموسم و كل موسم .. عين العقل مش كده الاستنتاج العام و حل المشكلة : 1- صعب و مستحيل تقريبا تقدر تنتقم منهم بدون ما تدمر نفسك . 2- اختيار انك تنسي و تبدء من جديد بعيد عنهم في ايدك . 3- حاليا انت ليك الأفضلية عند ربنا لو االي حكيته حقيقي فحافظ علي انك مظلوم و بلاش تتحول لظالم . 4- اختيار انك تشوف افلام اباحية ده مجرد اختيار بايدك انت مالوش اي علاقة باللي عملوه معاك تقدر تبطل بمنتهي البساطة لما تخلي عندك ايمان حقيقي بربنا هتتجنب تعصاه خصوصا و هو شيفك هو و عدد من الملائكة موكلين بحفظك طول الوقت و دول غير اللي بيكتبوا اعمالك . يعني تبقي قاعد وسط دول و ربنا شايفك و تتفرج برضه علي بنات رخيصة بتشتغل في مهنة اخر قذارة ينفع . هتستفيد ايه .. بتحول نفسك لوحش زي اخواتك ..؟؟ طب ليه. 5- في ايدك برصه تقول لامك لو لسه عايشة و تخليها تموت بحسرتها غضبانة عليهم ساعتها مش هيشموا ريحة الجنة ، و تقدر متقولهاش برضه و هو غضبها عليهم ييجي ايه جنب غصب ربنا عز و جل .. فيه مقولة بنقولها بتقول كما تدين تدان .. الدنيا دوارة ، أنسي و سيبهم لربنا . الماضي و الذكريات و الاحداث اللي حصلت بتبقي زي الحجارة حلو .. احنا بقي اللي بنقرر نشيل الحجارة دي في قلبنا لحد اما تجيبنا الأرض و احنا اللي بنقرر نرميها و نكمل .. القرار في ايدك ..

حتي لو عملت اي تصرف و ضيعت نفسك بس انتقمت انا اضمن لك بنسبة 100٪ انك برضه مش هترتاح نفسيا ، بالعكس حالتك هتسوء جدا ، بس فكر في اسرته و بلاش تفكر فيه هو و فكر في ناسك و اصحابك و كل حد محترم و بتقدره في حياتك و سيبك من الماضي ، انا فارق معايا انت ..

باختصار قوي ربنا خلق الانسان و من ضمن الحاجات اللي زوده بيها الشهوة و طبيعة الرجل ان يميل الي المرأة و العكس .. دي فطرة و طبيعة لكن المسار الطبيعي بيكون الزواج ، غير كده في سنك دي كله عادي علشان بس الموضوع ده في دماغك و شاغلك لازم اولا تطرد الخواطر اللي مش كويسة و الافكار اللي مش طبيعية ، ثانيا لما يجيلك فرصة تحب و يبقي فيه انكانية ارتباط لازم يبقي لك شىوط و معايير في شريكة حياتك و مش معايير شكلية لاء معايير اخلاقية و تربوية في شريكة حياتك ، اما الانجذاب لاجل الجسد او الشكل الحلو او الصوت او الخ .. فده بسبب انك نشات بعيدا عن التعوج علي رؤية الانثي زي مثلا في حالات انك اخواتك كلهم ولاد الخ .. عايز اقولك اتعامل معاهم عادي و متشغلش دماغك قوي بيهم علشان التعلق باي حاجه و السلام عبارة عن جوع عاطفي مش اكتر فيما بعد لما الظروف تسمح و ترتبط هيبقي من الافضل انك تكون ركزت في مستقبلك و وفرت مشاعرك و طاقة حبك لحد يستاهل و من نصيبك بدل ما تحب كتير و تهدر مشاعرك علي تجارب خيالية في دماغك و بس .. او في في الواقع و تكون بدون ارتباط

خليكي طبيعية بلاش حاجات تاثر علي هرموناتك لو حصل و لقيتي ضررها هيكون اكبر من نفعها ، بس الحلبة كشيء طبيعي ليها دور بسيط بس فعال و ايضا .. نصيحة جسمك زي ما هو ربنا خلقك بيه اقبليه علي هذا الاساس ممكن تلعبي رياضة تمام بتغير شكل الجسم و بتنحت الوسط لكن تكبير و تصغير و حاجات كده فيها مستحضرات طبية بلاش .. لان لو حصل اختلال هرموني الأعراض بتبقي كتير و خطر .

ارض العميان او العمي سارماجو .. يالهوي ع الاكتئاب الخام يا ولاد .. ايوه قريته و عرفته اصلا من كتابات كاتب مصري اسمه احمد خالد توفيق ، بس بيحتوي علي تجربة و فكرة يستاهل . الباقي لاء مقريتهمش بس في الخطة

حلو لقيت شخصية زيي اهو .. اولا الطبيعي ان الانسان يبقي عنده وقت للجد و وقت للهزار ، احيانا بيطلع كلمة او موقف يضحكوا وسط الجد ، لو انتي وسط قعدة و حاسة ان دماغك فيها تفكير زيادة حاولي تهدي وتيرة التفكير شوية و جاري قعدة الاصحاب او خلافه ، ثانيا فن التغابي .. احيانا هتسمعي حد بيقول كلمة مش ظريفة او بيفتح موضوع مينفعش يتفتح او قال حاجه ميصحش تتقال ساعتها من الحكمة اننا نعمل اغبياء مش فاهمين او مخدناش بالنا حتي لو اتسألنا سمعتي لما فلانة قالت كذا .. تردي بانك مأخدتيش بالك و اكيد لو قالت يبقي كان هزار .. علشان منقومش الناس علي بعضها ، ثالثا .. انا مش بطيق الافلام العربي اصلا من تافه لأتفه لا فكرة ولا مضمون و احسن ما فيهم بيبقي عرض ميكب اب و ازياء و افيهات تافة ، اخر حاجه كتر التفكير في الهموم بيجيب هموم احيانا بيبقي كويس لما توقفي الاستوديو التحليلي اللي في دماغك و تندمجي في الجو ، او لو انتي ذكية افتحي موضوع فعلا يثير اهتمامك او مضحك او مثير للسخرية من وجهة نظرك .. لو ال ستاند اب كوميدي بتاعهم مش عاجبك امسكي المايك انتي و و وريهم مثلا .. مش رايقة بلاش تنكدي عليهم و ابتسمي مجاملة كده ، وبلاش تحسي بالغربة وسطهم او انك شايلة هم ، افتكري دايما ان فيه ناس معندهمش رفاهية الاصحاب و القعدات و بيفضلوا العزلة زي حالاتي مثلا ، مش علشان معنديش لكن علشان سلامتي النفسية و خلقي الضيق و لسبب اهم اني بحب اصلا الوحدة و العزلة ..اتعلمي فن انك تستمتعي بالحياة .. و الدنيا دار ابتلاء بعني الهموم شيء طبيعي جدا ، الشاطر هو اللي يتكيف معاها و يعالج و في نفس الوقت يقدر يستنتع بوقته مش كل شوية يفكر في الهموم علشان الهم عارف طريقة مش محتاج عزومة .

للزواج شروط يجب توافرها، فيشترط لصحة النكاح خمسة شروط: الأول: تعيين الزوجين، فلا يصح للولي أن يقول: زوجتك بنتي وله بنات غيرها، بل لابد من تمييز كل من الزوج والزوجة باسمه كفاطمة، أو صفته التي لا يشاركه فيها غيره من إخوانه، كقوله: الكبرى أو الصغرى. الثاني: رضا الزوجين. الثالث: وجود الولي، لقول النبي صلى الله عليه وسلم: «لا نكاح إلا بولي» [رواه أحمد وأبو داود] وللحديث: «أيما امرأة نكحت بغير إذن وليها فنكاحها باطل. فنكاحها باطل. فنكاحها باطل» [رواه أحمد وأبو داود وصححه السيوطي]. وأحق الأولياء بتزويج المرأة أبوها ثم جدها ثم ابنها، فالأخ الشقيق فالأخ لأب، ثم الأقرب فالأقرب، على تفصيل معروف عند الفقهاء ومنهم من قدم ابنها البالغ على أبيها. الرابع: الشهادة عليه، لحديث عمران بن حصين مرفوعًا: «لا نكاح إلا بولي وشاهدي عدل» (رواه ابن حبان والبيهقي وصححه الذهبي)، الخامس: خلو الزوجين من موانع النكاح، بأن لا يكون بالزوجين أو بأحدهما ما يمنع من التزويج، من نسب أو سبب كرضاع ومصاهرة. حكم الزواج بدون ولي أو شهود؟ قالت لجنة الفتوى بمجمع البحوث الإسلامية بالأزهر، إن الزواج الخالى من الولى والشهود باطل لقوله صلى الله عليه وسلم «لا نكاح إلا بولى وشاهدى عدل» وهذا لا خلاف فيه. وقد أخذ القانون المصري بمذهب السادة الحنفية؛ فجعل للمرأة البالغة حقَّ تزويج نفسها، ويعدُّ زواجها صحيحًا إذا تزوجت مِن كفءٍ بمهرِ مثلِها. وقد جعل الشرع البلوغ أمارة على بدء كمال العقل، وجعل أيضًا البلوغ بالسن معتمدًا عند عدم وجود العلامات الأخرى للبلوغ. سن البلوغ عند الفقهاء اختلف الفقهاء في سنِّ البلوغ: فرأى الشافعية والحنابلة والصاحبان: أبو يوسف ومحمد أنه خمس عشرة سنة قمرية للذكر والأنثى. ورأى المالكية أنه ثماني عشرة سنة، ووردت تحديداتٌ أخرى في المذهب فقيل: خمس عشرة وقيل: تسع عشرة وقيل: سبع عشرة، أما أبو حنيفة فقد فصَّل؛ فجعل سن بلوغ الغلام ثماني عشرة سنة والجارية سبع عشرة. ونَظَّم القانون المصري إجراءات التقاضي في قضايا الأحوال الشخصية بصدور القانون رقم 56 لسنة 1923م الذي حدد أقل سن للزواج من الوجهة النظامية والقضائية بمنع سماع الزوجية إذا كانت سن الزوجة تقلُّ عن ست عشرة سنة والزوج عن ثماني عشرة وقت الزواج إلَّا بأمر من ولي الأمر، ثم صدرت اللائحة الشرعية المرسوم بقانون 78 لسنة 1931م موافقًا لما سبق، ثم عدلت مادة 99/ 5 منه في قانون 88 لسنة 1951م بتحديد السنوات بالهجرية، ثم استقر الأمر في قانون 1 لسنة 2000م بالتحديد بالسنوات الميلادية.

لو مبتشتكيش من مرض عضوي فعادي جدا جدا .. دي مجرد رد فعل نفسي مش اكتى بيروح مع الوقت سببه ااخوف الشديد و القلق الشديد او الغضب او الاحساس بالتقييد و العجز ، قرب من ربنا اقري قرآن و هدي أعصابك و قللي نسبة الانفعال .. هتبقي كويس بأمر الله ..

ده طبيعي في سنك و الله العظيم .. و عادي جدا معناه ان هرموناتك شغالة و بتتغير و ده طبيعي جدا برضه .. اقتكري دايما ان فيه ناس ناقص ايدين و رجلين و عيون و لو سالتيهم هيقولوا لك الحمد لله راضيين جدا بقضاء الله و قدره ، الرضا ده لازم يبقي راسخ جواكي ، طول ما انتي بتهتمي بمظهرك و نظافتك الشخصية يبقي خلاص لازم تثقي في نفسك علشان اولا احنا مش في مسابقة ملكات جمال الكوكب ثانيا انت في مصر او في اي بلد عادي برضه الناس حواليكي مش فنانين و رياضيين .. ناس عادية بسيطة مليانين عيوب ، و كالعادة دي حياتك انتي و من بطولتك بس مش تمثيل حقيقية تحبي البطلة تبقي معندهاش ثقة في نفسها و مهزوزة ولا راضية عن نفسها و سعيدة و مبتسمة ، مش مطلوب من حد انه يقيم جمالك او شكلك ربما حلقك في احسن تقويم ممكن ، لازم ترضي عن نفسك و كمان تكون شاكرة ان ربنا خلقك زي ما انتي .

بلاش تتخيل خش في الموقف حتي لو اتقالك نفس الكلام و لقيت حيطة سد احفظ السد شكله ايه علشان تعمل حسابك المرة الجاية ، انا مثلا لو راكب اوبر و التكييف عالي ليا طريقتي هكح كحتين كده و هقول للسواق و النبي وطي التكييف من فضلك علشان البرد مبهدلني معلش يا كابتن اصلي عندي انفلونزا و سمعت ان التكييف بينقل العدوي و كده ، ارمي الكورة في ملعبه احنا مصريين بنتعامل يا سيدي الفاضل .. كلنا بنلف علي كذا محل علشان نجيب الحاجه مبنجبش من اول محل و مش بنرضي باول سعر يعني اللي انت هتعمله عادي جدا .. بطل تخيلات و سيناريوهات وهمية و طبق علي ارض الواقع هتكتسب خبرة ، و قول لاء مش عايز و سيب البياع و امشي ،و اشتري من غيره ، و اتخانق مع صاحبك علي القهوة فعلا بس يكون في الحقيقية بلاش تتقوقع جوا نفسك علشان الطريقة دي مش صحية و بتربي رهاب اجتماعي انت في غني عنها ، راقب الناس اللي بيعملوا الحاجات اللي انت وقفت فيها بنجاح و اعرف سرهم و اعمل زيهم عادي مش عيب الانسان بيقلد غيره منذ بدء الخليقة .. و الانسان بيتعلم بالتجربة .. مش بيقولك التجربة خير برهان ، و اتعرف علي ناس جديدة شوف لك صاحب يسلك في الحديد هيعلمك حاجات كتير في فنون التعامل مع بشرية مصر العربية العظيمة ، كل تجربة مع ناس بلدنا هيه خبرة بتكتسبها ، قابل كل واحد باهتمام و اتعامل معاه كانك اتولدت علشان تقابله ، ابتسم بلاش الدخلة بتاعة الزعيق او الدخلة بتاعة يا شوية نصابين خصوثا مع البياعين علشان مش هتسلك ، لما تقول لحد عايز اشتري ابتسم و لما تقوله معلش بقي مش عايز ابتسم ، او زي ما بقول دايما انت بطل قصة حياتك.. يرضيك البطل يبقي متقوقع في نفسه و الفيلم صامت .و نفسي ..!!

الشغف .. لازم لما تعمل الحاجات اللي وراك تقوم بيهم حاجه واحدة في المرة و تديها كل تركيزك علشان توصل لاحسن نتيجة و علشان توصل لاحسن نتيجة لازم تشغل دماغك و تفكر في كل امر علي حده و تحاول تعالج المشكلات المتكررة و تشوف انسب و اسرع طريقة لعمله بشكل مثالي ، و لما تخلص تنقل علي اللي بعده ، و ثانيا انك تحول الحاجات االي بتكرهها الي روتين و تجبر نفسك تتعود عليه ، ثالثا استغل وقت فراغك في انك تنجز اكبر قدر ممكن من المهام و الحاجات االي وراك او كنت راكنها ،

افضل حد يقدم لك الإجابة االي تناسبك هو كشف عند اي دكتور معروف في مجال طب الاسنان لانك لازم تكشف الاول علشان يقدر يحدد لك الأسلوب اللي يناسبك لان حالات التسوس و تلف الاسنان مختلفة