Esraa Hamdy

انا عارفه ان خذلان الصحاب ده صعب ومن وجعه هتحسي كان مفيش حل أو مفيش حتي مكان تروحي فيه وتبقي كويسه بس من معني الكلام واللي لازم تعمليه انك تبعدي عنهم وتشوفي نفسك مع حد تاني وهما مع مرور الوقت حقك هيرجع قدام عينك وربنا هيرزقك بحد كويس شبهك وبردو لازم تشوفي الموضوع من منظور ربنا عايز مني اتعلم من اللي حصل ده ايه انا شايفه انك متعلقيش قلبك بحد أبدا اي كان علقي قلبك بربنا بس وهتلاقي قلبك بقي سليم ومرتاح ولو علي الكلام الغلط اللي اتنقل افتكري انو مبيمثلكيش بكلمه او بصفه اتمني في يوم مفترج زي ده ربنا يعوضك بحد كويس وصحاب صالحين 🫂

حاولي متنسيش لو لقيتي نفسك انتكستي انا كنت زيك بسعي ديما للمثاليه ودي حاجه عمرها متحصل مفيش حد حياته علطول بتمشي زي المسطره اللي فهمته بعد كده اني لو اتوعجت عن الطريق ارجع بسرعه متضايقش واحاول ادعي بالثبات علي الصلاه لو مثلا مذاكرتش اقوم اجبر نفسي ولو مقمتش برجع تاني يوم صدقيني الاحساس بيبقي افضل بالرغم من انك خرجتي بره المسار المحدد لا انك هتحسي بالقوه لأنك مستسلمتيش لعثرات الطريق

توكلي علي الله واعزمي النيه انك تسبيه الله ولي الذين آمنوا يخرجهم من الظلمات الي النور صح انو ده غلط بس الأهم انك اعترفتي ب ده وندمتي وده اساس التوبه احب اقولك ان انت ممكن تكوني متعلقه بيه. او بالشعور اللي هو بيدهولك ف صعب ممكن انك تسييه وعماله تحاولي م عارفه صح ؟ لا خدي القرار النهائي اللي بيه هتقطعي معاه وتعلقي بربنا والقرآن والصلاه لان روحك مرتبطه بيهم وصديقي هيطمئن قلبك وهتبقي قويه م اي حاجه تكسرك لأنك معلقه روحك بربنا اللي هي مكانها الصح بجد يشجعك علي الخطوه دي جدا وفخوره بيكي اوي انك فوقتي انت قدها وافتكرت انك انت المحكمه في قراراتك ونفسك 🫂

اشتري من دلوقتي لان الموبايلات سعرها هيغلي جدا ولو هتشتري خليكي في سامسونج او اوبو دول سعرهم جميل وإمكانيات حلو لكت الأحسن طبعا سامسونج انا جايبه تلفون سامسونج A32جميل جدا ومتين زكذا مره يقع مني ميتكسرش وكامرته تحفه ومساحته كبيره واستحمل معاكي اي حاجه تحمليها ولو اتصزرتي الف صوره وصوت السماعه حلو عموما اي حاجه من سامسونج تحفه بس اتأكد انه الأصلي مش تقليد وهاتيه من فرع سامسونج اللي موجود في أقرب مكان ليكم

بصي يا حببتي انا طالبه ثانوي عام زيك وحاسه بيكي انتي بيجيلك قلق في النوم بسبب التوتر والخوف اللي جواكي انصحك قبل ما تروحي تنامي تصلي واما تيجي تنامي شغلي سوره البقره وان شاء الله تنامي من غير قلق ولو صحيتي حاولي تقرأي قرآن لحد ما تروحي في النوم بخصوص لو عندك اي مشاكل في حياتك ونفسك تتحل اعرفي ان مفيش غير ربنا هتعملي ايه بق هتيجي قبل الفجر بساعه او بفتره صغيره وصلي قيام الليل قيام الليل عباره عن ركعتين بتصليهم وتدعي ربنا باللي نفسك فيه او لو عندك مشاكل ادعي ربنا انو يحلهالك وهتلاقي الأمور بتتيسر معاكي بإذن الله وطبعا ادعي ربنا بردو انه يوفقك في دراستك ويوفقك للطريق الصح وانت كمان اسعي انك تلمي المتراكم وان ليس للانسان الا ما سعي انا بردوا زيك عندي متراكم ومشاكل كتير مع اهلي لو حاسه ان انت الوحيده اللي كد لا متقليش ربنا معايا ومعاكي وبالتوفيق بإذن الله

شكرا

كل ما تحسي بخوف من النتيجه سبيها علي الله وتوكلي

خلي في اخر اليوم فلم تتفرجي علبه او حوالي تخرجي تتمشي