omar ali

المهم تذاكر يغالى اعمل الى يريحك حتى لو هتذاكر مع نفسك

وفالاخر الاخوات ملهمش الا بعض واى حاجه بتتحل بس المهم نفهم بعض خليكى انت المبادره بالكلام وحاولى تفهميهم اكتر وهما لما يشوفو منك اهتمام ويحسو انك بتحبيهم بجد هما كمان تلقائيا هتلاقيهم بيحبوكو وبيصاحبوكى وحده وحده وهتلاقيهم بييجو يحكولك لو عندهم مشاكل لو وثقو فيكى

بصى المشاكل بشكل عام وخاصتا المشاكل الاسريه بتكون بسبب قلة التفاهم يعنى حاولى تفهمى ايه سبب رد فعلهم دا اتجاهك لما بتكلميهم اكيد فيه سبب حاولى تعرفيه بنفسك او اسألى عادى ولما تعرفى حاولى تحلى المشكله دى اتكلمو مع بعض اكتر بهدوء وخليكى انت الطرف الهادى وحاولى تفهمى حتى لو الى قدامك مبيعملش دا

يعنى انت عندك كام سنه؟

السؤال مش واضح اوى يعنى انت عاوزه تكلميه تقوليله ايه او انت اكبر منه او اصغر ودا هيأدى ان الاجابه متكنش دقيقه اوى بس فى العموم كده يعنى لو عاوزه تكلميه تقوليله حاجه مفيده فأشطا كلميه عادى انتو اخوات متعمليش حدود كتير مابينكو الموضوع بسيط كلميه بهدوء او بهزار شوفيه بيحب الكلام يبقا عامل ازاى وكلميه بالطريقه بحيث يرتاحلك فى الكلام وتبقو اصحاب وبس بالتوفيق

على حسب الى بيسأل ممكن اخوية مثلا صاحبى المقرب والدى الدكتور النفسانى😂 حد عاوز يساعد يعنى نيته خير دا اشطا يعنى غير كده حد بيسأل كده عادى لا طبعا سؤال مش كويس لان عاوز تعرف عيوبى ليه؟ لان ممكن بجد يستخدمها ضدى بس

الندم على الفرص الفائته مضيعه للفرص القادمه الى حصل حصل المهم نعمل حاجه مختلفه دلوقتى وزى ما ابو زيد قال الأستمرارسه اهم من الكمية فأبديه بحجات بسيطه وخصصيلها وقت واكتبيها فى نوت صغيره فكرى ايه الحجات المهمه الى المفروض تعمليهل ولكن الانسان بيبالغ فى تقدير امكانياته هتلاقى نفسك بتكتبى انك هتخلصى تلت محاضرات النهاردع مثلا من الكورس ودا غلط ابدأى بحجات بسيطه يعنى محاضره او نص محاضره فى اليوم عشان تضمنى فرصه اكبر للأستمرارسه ولما تبقا عاده عندك كمان تلت اسابيع مثلا هتلاقى نفسك بتزودى لوحدك ويمكن خلال اسبوع متستعجليش المهم تبدأى من دلوقتى بحجات بسيطه جدا حرفيا بس بالتوفيق🩵❤

مش كل الناس بيقبلو نصيحه حتى وأن كانت فى شكل كويس مفيهوش تسلط او رقابه فياريت تختارى الناس الى يستاهلو دا وتفكرى الاول قبل ما تنصحى حد هل دا وقت مناسب ليكى انك تقدمى مساعده لان انت اهم ممكن تكونى مشغوله وحاولى صوتك يكون هادى عشان الى قدامك ميحسش بالخطر وبس

سؤال فلسفى وانا بحب الفلسفه بس مش هتفلسف كتير متقلقيش😂 بصى بأختصار تفهمى نفسك( بالمراقبه) راقبى تصرفاتك وأفعالك وردود أفعالك وتطلعاتك وطموحاتك، النفس بشكل عام غامضه ومستحيل فهمها فهم كامل ولكن ما لا يدرك كله لا يترك جله، فبنحاول نفهم الى نقدر عليه عشان الحلو نكتر منه والسئ نحاول نصلحه بس كده. سؤال مهم فعلا لأن عدم مراقبة الذات أمر خطير لأن الأنسان بحاجه دائمة للأصلاح من نفسة أتمنى أكون قدرت أفيدك.... بالتوفيق