Habiba

هقولك ده ليه ده لأنك اتعلقتي واحنا في جمله واحده اللي صدقت معايا ان احنا فترات في حياة بعض كنت نفسك وقضيت عمر في البكا بس اكتشفت انه ليه ليه معيشش لنفسي واتعلق بربي اكتر هو الوحيد اللي مش هيخذلني وكمان هيراضيني هعوز ايه اكتر من كده وكمان لسه على نفس طبيعتي مع الناس بس الفرق انني معونتش بتعلق بحد يعني طالما وجودك لطيف تمام مش لدرجة التعلق او تعتبري حد صاحب بجد هيبقا ضغط على نفسيتك انتي صاحبي وعيشي حياتك عادي واتعاملي بأصلك وبس

ربنا يكون في عونك حقيقي ويجبر بخاطرك يارب انا شايفه انك تقعدي مع نفسك الأول كأنك في لقاء مع نسخة الطفلة منك شوفيها هي كانت بتفرح بأيه قبل ماتدخل جحيم الوعي لو عندك حد في العيله او صحاب اخرجي معاهم معندكيش اخرجي مع نفسك اشتري كتاب زي جلسات نفسيه وده كله بعد ماتكتشفيانتي عاوزه ايه وتستشعري بقيمتك ان حياتك مراحتش عالفاضي انتي دكتوره يعني ده مش لاقدر الله علم لا ينفع لأ ده علم مش هينقطع عنك حتى بعد مماتك بكمية الناس اللي ان شاء الله هتكوني سبب في انقاذهم بعد ربنا واما باباكي حاولي تقعدي معاه مينفعش ادعيله ادعيله ربنا يلين قلبه ويهديه ليكي لاقي نفسك وانتي هتعالجي خوفك عالجي الطفله اللي جواكي الأول علشان ان شاء الله اما ربنا يرزقك بالزوج والأب الصالح تبقا انتي احسن ام لبنتك وتعيشي معاها طفولتك

وعليكم السلام ورحمة الله وبركاته ببساطة جدا تدربي عليها انتي مش هتتعلمي غير اما تغلطي وتتعلمي من غلطك اي حاجه تقف معاكي شوفيها بتتحل ازاي اكتبي عاليوتيوب حل كتاب كذا وراقبيه وهو بيحل هكذا مش كل اما نقع وحاجه تصعب علينا يبقا خلاص الحياه وقفت الحياه عمرها مابتقف انفاسنا هي اللي بتقف وطول مانتي عايشه ليكي فرص مش فرصه بس انه تحاولي وتسعي سعيك متسجل عند ربنا حتى لو نتيجته اتأخرت شويه اعتبريه سباق جري طول مانتي بتجري في تعثرات ممكن تعديها وممكن تتكعبلي فيها ولو اتكعبلتي فيها مش معناها انك تفضلي قاعده مكانك لأ تقومي من تاني وشرفي خط النهايه هو بداية أحلام ان شاء الله تتحقق

بصي يا حبيبتي ده لأنك هاديه يعني مثلا بالنسبه لمامتك هي بتبقا خايفه ممكن او مش عاوزه تحرجك او تفضلي تتكلمي مع حد كتير لأنها عارفه طبيعتك كذلك بالنسبه لبنات عيلتك انا لو في شخص عارفه انه مش بتكلم كتير مش هعرف اكلمها علشان ممكن احس انني تقيله عليه فمش عاوزه احرجه انه يتكلم مهو ممكن يحرجني ويقولي اخرسي عادي انتي اللي بتبني الناس هتعمل معاكي ازاي انتي لو بصتيلها بنظره منطقيه انتي واختك شخصياتكوا مختلفه ملهاش علاقه بالحب نهائي الاختلاف واجب انا علفكره نفسك هاديه جدا ومليش علاقات اوي بس انا فاهمه نفسي وعارفه حدود كلامي عارفه لو جالي شخص شخصيته كذا اتعامل معاه ازاي ممكن ابقا اجتماعيه جدا وفي ثانيه ارجع لطبيعتي فأنتي اتعاملي مع الناس متشوفيش تصرفاتهم هم بصي انتي بتعملي ايه يعني حاسبي نفسك الأول فهماني اما لو عالحب فكلنا محبوبين ياحبي انتي بس مش فاهمه طريقة حب اللي حواليكي والموضوع زي ماقولتلك ملهوش علاقه بأختك نهائي انتوا مختلفين بس وليه متعمليش صحاب كويسين حتى توسعي مداركك الأهم انك تفهمي نفسك وتراقبيها وبعدين تشوفي اللي حواليكي

في المدرسين بالذات في كتير مشهورين زي مستر محمد ايمن والجوهري ومحمد صالح بس على حسب اللي هتفهم منه ويوصلك المعلومه صح وتجرب بنفسك يعني تسمع شرح ده وده في درس مش فاهمه الوقت في سبيل العلم والفهم مش مجرد مضيعة علشان لو هتفكر ان ده تضييع وقت لا لا قدر الله تيجي في الآخر متكونش فاهم وتفضل تذاكر من الأول مش تراجع بس وربنا يوفقكوا يارب

وعليكم السلام ورحمة الله وبركاته شعورك ليكي كامل الحق فيه خصوصا ان الموضوع انتي مفهمتيهوش كويس بس في حاجه نعديها وحاجات لأ يعني انتي المفروض كنتي تسألي عن التفاصيل كامله ومينفعش تبقا انتي اللي بتعملي كل حاجه بيئة العمل غير لو الشخص متعامل بنفس اسلوب الناس اللي معاه هتتاكلي حرفيا اتعلمي تصميم اي موهبه او حاجه عندك استغليها لكن بلاش تخلي حد يستغلك نهائي

لو مشيت ورا مزاجك مش هتحقق حاجه في حياتك علشان كده ربنا ميز الإنسان بالعقل فاهمه ان محدش او قله قليلة هتكون هوايته المذاكره او يستمتع بيها انا الشخصيه دي بردو بس في الاجازه بكشف انني معنديش حياه غيرها بحس عمري بيضيع في الفاضي وانا في تالته المستر قال جملة فضلت معلقه معايا ان الندم بيلعب اكتر بكتير من النتيجه الأنسان كان بيذاكر بدموعه في أغلب الأحيان بس كل ده علشان اما تجيب نتيجتك لو لا قدر الله قليلة فأنت عملت اللي عليك معندكش حاجه تزعل عليها محدش من أهلك يقولك انا قصرت معاك في ايه او عالأقل انت من جوه نفسك تكون عارف انك مقصرتش واستفيد بيها كعلم هتفتحلك مجالات كتيره بعدين ان شاء الله

وعليكم السلام ورحمة الله وبركاته ممكن لو تقعدوا سوا او تقربي منهم كل واحد لوحده وتشغلي معاهم بودكاست بيتكلم عن المرضوع ده تعملي انك بتتفرجي على ريلز وتعلي الصوت هكذا يفهموا بطريقه غير مباشره بجانب انك تدعيلهم طبعا وربنا يثبتنا ويهدينا جميعا يارب

السلام عليكم ورحمة الله وبركاته الجرافيك ديزاين والبرمجه واكيد اللغات اهمهم الإنجليزي والألماني بيفيدوا جدا حقيقي وهم المسيطرين حاليا بالذات فيديوهات الAi وإنشاء محتوى تعلم تصميم الفيديوهات بتفيد في التعديل والصور تكون متظبطه على محتوى الفيديو اهمهم بالنسبالي الحقيقة التصميم هم وكتير نفس رأيي لأنني بشوف كتير بيعرضوا تصميماتهم وبيربحوا منها

بصي عليكي انك تبريها وبس أي حاجه شايفاها غلط صلحيها وحاولي تقعدي معاها وتخرجوا سوا عارفه انه صعب ومعاكي اطفال بس معلش حاولي لأنني اعرف شخصية زي مامتك بتكون محتاجه بس انه يتقعد معاها وتشاركيها واي حاجه تقولك عليها وافقيها وربنا يجبر بخاطرك ويرزقك رضاها عليكي يارب

وعليكم السلام ورحمة الله وبركاته يا حبيبتي انتي صح طالما نصحتيهم دلوقتي ادعيلهم بالهدايه وبس وابعدي شويه لا تروحي للطريق ده تاني وتنتكسي وكل انسان مننا عنده عقل وعارف هو بيعمل ايه كويس يا قمر فهم كمان فاهمين هم رايحين لفين وبيعملوا ايه فأنتي انصحيهم وادعيلهم وخففي كلام عما يرجعوا الطريق الصحيح❤️

شوفي ايه اللي وصلك وكده عمرك ماتعرفين تشوفي نتيجه غير اما تعالجي السبب

المجهود عند ربنا عمره ما بيضيع ابدا بس حسّن علاقتك بيه وادعي وان شاء الله ربنا يرزقك

بصي انا مش عارفه اقولك ايه صراحة بس الحاجه الوحيده اللي اقدر انصحك بيها هي انك تقربي من ربنا اكتر تقري كتب تخرجي تهوي عن نفسك حتى لو معاكيش حد بس عالأقل تتمشي هيقلل من غضبك وحزنك شويه وتدعي أن ربنا يحنن قلبهم عليكي لأن مش انتي المشكله هم اللي مشكله ولازم تتحل والمشكله دي لو اتحلت انتي هتبقي احسن وانا هدعيلك جامد ربنا يطمن قلبك ويسعدك ويهديهم ليكي يارب 🤍

ممكن حضرتك تتعلم الأول جرافيك ديزاين وتنشر تصميماتك على جروبات الفيس وان شاء الله ناس كتير يطلبوا منك تصاميم مختلفه بس محتاجه تشوف كورسات عاليوتيوب لأن للأسف لو مع حد محترف بيطلبوا مبالغ اوفر