Life coach Dina El-Gazzar

ربنا يباركلك و يثبتك انتي تركتي شيء كان مهم بالنسبالك ابتغاء مرضات الله , فتفكري هيكون ايه جزائك ؟؟ اما بالنسبة للمشاعر فدينا مش بايدينا , ادعي ربنا كتير يبعدك عن اي حاجة تغضبه و حاولي تتجنبي اي باب يدخلك منه الشيطان تاني زي مثلا السؤال على الشخص ده او متابعة اخباره او التعامل مع اشخاص مشتركة لحد ما تقدري تنسي و تقفي تاني على رجلك و خلي اللي حصل ده دفعة ليكي لقدام عشان تهتمي بانك تنمي من نفسك و مهاراتك و تحبي نفسك اكتر و تهتمي بيها

انتوا اخدتوا خطوة صح بانكم ما تتكلموش لحد ما تكون جاهز لانك تتقدم لها و لحد ده ما يحصل اعمل كل اللي عليك و ذاكر و اجتهد انك تكون افضل بس متوعدهاش بحاجة الا و انت واثق من تنفيذها و متنساش ان القلب من التقلب و المشاعر بتتغير مع الوقت يعني انت ممكن تشتغل على نفسك و تكون جدير بيها بس فجاة تحس انك مكنتش بتحبها او انك مبقيتش تحبها فالافضل انكم تحلوا بعض من اي وعود و تسيبوا الموضوع للنصيب مع بذل كل جهدك انك تكون جدير بيها او باي بنت تدخل بيتها في المستقبل

اولا سامحي والدتك على اي تقصير من ناحيتك لانها حاولت على قد وعيها تعمل كل اللي تقدر عليه في تربيتك ثانيا محتاجة تفرغي كل مشاعرك وغضبك إما مع مختص او حتى كتابة ثالثا وده الاهم حبي انتي نفسك وعوضيها ( ركزي على الحاجات اللي تنمي مهاراتك وتساعدك تكوني شخص افضل)

كل واحد مننا بيعيش قصته هو و اختياراته هو هو كبير كفاية و عارف ان اللي بيعمله حرام مش محتاج نصيحتك و والدتك ده كان اختيارها و ابتلاءها من عند ربنا عشان يشوف هتتصرف فيه ازاي اما بالنسبة ليكي فعليكي بالدعاء لوالدك بالهداية و لوالدتك بالجبر و انك تكوني ابنة بارة و متحمليش والدتك اكتر من اللي هي متحملاه و انتي اتعلمي من اللي حصل لوالدتك و ركزي في اختياراتك كويس

عشان اكون المفضلة عند الناس او استحق حبهم و تقديرهم لازم الاول اكون انا بحب ذاتي و بقدرها و بحترمها و عارفة استحقاقاتها فعلا , لان مينفعش اكون انا مش عرفة قيمتي و حقوقي و واجباتي و عايزة الناس تعرفهم كمان ساعات بندي بشكل مبالغ فيه اكننا بنشحت اهتمامهم و حبهم بكترة عطاءنا و ده بيوصلهم و مش بيكون ليه مردود لطيف عند الناس حب نفسك بالشكل الكافي و الصح الاول و بعد كدة من غير ما تحسي هتلاقي الناس بدات تقدرك

للاسف والدتك بدون قصد بتمارس عليكي الابتزاز العاطفي الحل اننا نعيش في اللحظة الحالية الله اعلم بالظروف بكرة .. و متحمليش نفسك حمل فوق طاقتك و مش لازم تحسي بالذنب خالص بس ده مش معناه انك متبريهاش و تراعيها

العفو

هو طبعا منقدرش نعمم لان حسب الخلفية الدينية و الاجتماعية و الثقافية للاهل لكن الاغلب بيخاف من التطرف او المصدر اللي الاولاد بيجيبوا منه المعلومة