نـسـمـة مـحـمـد

اهدى خالص وان شاء الله كله هيبقى كويس بصى انا دلوقت فى اولى جامعة صح كنت بذاكر من الاول بس تقدرى تلمى المنهج لو بدأتى من دلوقت بإذن الله لان عندك المراجعة النهائية ذاكرى وحلى على اللى بتذاكريه لان لازم الحل واياكِ تأجلى حاجة تانى لان معدتش فى وقت لإما تلحقى دلوقت لإما خلاص

اولا انتِ قولتى انها بتقولك على حاجات كتير واللى بيدارى على شمعته زى ما قولتى مش بيقول حاجة للناس عشان خايف يتحسد وطبيعى ان الانسان ما يقولش كل حاجة لاى شخص حتى لو مقرب منه يعنى هى عندها خصوصيه المفروض تحترميها و غير كده انت لما بتسأليها مش بتنفى هى بتقول ايوه عملت ومش بتنكر او بتيجى تقولك بعد ما تعمل الحاجة فالمفروض تتقبلى الامر (مش معنى انك بتقولى كل حاجة انها لازم تكون زيك) هى مش انتِ وطالما قولتى هى بتحبك جدًا وانت كذلك (يبقى المشكلة عندك مش عندها) راجعى نفسك

انت مذاكرتيش النقطة دى فى الرسالة ثانيا على حسب الموضوع ذى ما وضحت فى الرسالة السابقة

اولا مفيش مشكلة لو هى مش بتقول كل حاجة او انت مش بتقولى كل حاجة الا اذا كانت حاجة فى دراسة مثلا او شغل او كده وانت وهى ماشين مع بعض فى نفس الموضوع وهى مخبيه عنك حاجة ولو الموضوع غير كده فدى حاجة متخصش اى حد انه يعرفها عنها ثانيا انت مذكرتيش

بصى طالما انتِ عارفه انه عارف يبقى ملوش لزوم تقوليله حتى لو مش عارف ثانيا انت قولتى انه غير سوى يبقى من الاحسن تبعدى عنه لانه مش عارف هو بيعمل ايه وبيحاول يضحك عليكى او على غيرك فاحمدى ربنا وكل مرة تفتكريه فيها افتكرى انه ابتلاء وربنا هيبعدك عنه وانك تستهلى الافضل ولازم تعرفى ان التعلق مش حب يعنى ممكن عشان كنتم مقربين وبتتكلموا كتير فده مأثر عليكى ومع الوقت هتنسى والتعلق هيقل ومتنسيش تحمدى ربنا وانك تستهلى الاحسن (كل ما تفكرى فيه افتكرى ده) او اكتبيه على ورقه وارميها

اتقربى من ربنا وذاكرى

الخلاصة خلى دايما بالك مشغول بربنا وبعلاقتك بربنا والسؤال دايما هل اللى عملته ده يرضى ربنا؟ واتجاهلى اى رد فعل او تعليق من اى حد وده بيجى بالتدريج مش من اول مرة حاولى وامشى خطوة خطوة هيفرق معاكى جامد و خدى فى بالك مش اى حد يتكلم نستحق نرد عليه (طبعا مش بقصد مامتك بتكلم عن اى حد ممكن يعلق او يقلل منك مش لازم تردى) واوجدى السبب اللى يخليكى تعملى كده وامدحى نفسك انك مردتيش يعنى حد قالك حاجة مش كويسة مترديش وقولى بينك وبين نفسك الحمد لله انا مرديتش كان ممكن اتعصب او اشتم او اقول كلمة تضايق الشخص اللى قدامى وانا الحمد لله ربنا وفقنى ومعملتش كده

انا كمان فى اولى كلية وشايفة ان معظم الاهالى بيبقوا عايزين المجموع والتقدير وخلاص بس انا بعمل اللى عليا وبذاكر عشان ده هينفعنى قبل اى حد ومتغشيش ابدا وجيبى اى تقدير طالما بمجهودك وزى ما قولتلك امدحى نفسك بعدها قولى انا مغشيتش انا ذاكرت وده ثمرة المجهود اللى عملته ايا كان وانك ما غضبتيش ربنا والحمد لله ولو التقدير كان مش أحسن حاجة قولى هبذل مجهود اكتر وهجيب تقدير بمجهودى والحمد لله إن ربنا راضى عنى لانى مغشيتش (بعيدا عن رأى أى حد فى تقديرك) بس لازم تذاكرى

بصى اتقربى من ربنا بالعبادة واشغلى وقتك بالمذاكرة وسيبك من اى كلام بيتقال طالما انت اتغيرتى ومبتعمليش حاجة تضايق خلاص اتجاهلى ولو حصل مرة وغلطتى اعتذرى وحاولى ما يتكرر الغلط مش عشان حد ده عشانك وعشان نفسيتك و امدحى نفسك لما تعملى الحاجة الصح يعنى لو مامتك ضايقتك حاولى تسكتى ومتكلميش ومتعليش صوتك وامدحى نفسك بعدها انك عملتى الصح ورضيتى ربنا ومغلطيش حتى لو شايفة انها غلطانه وده هيزود ثقتك فى نفسك اكتر وهيريحك وهيساعدك انك متشغليش بالك باى كلمه تتقال من اى حد سواء مامتك او اخواتك او.....