اسراء القصبي

دي وساوس من الشيطان بس لو جت لك الافكار دي تاني قولي انا مهما عملت مش هوصل لدرجة الكمال في علاقتي مع ربنا تصالحي مع طبيعة البشر الخطاءة لان احنا بنعبد الله علي قدر استطاعتنا احنا لو قعدنا نعبده ليل نهار مش هنوفي له حقه حطي الافكار دي في دماغك كمان اضحكي علي الشيطان وقولي أذكار بعد الصلاة علشان لو فيه خلل في الصلاة وده طبيعي استغفري ربنا عليه احمدي ربنا علي نعمة انك حاسة بالتقصير وانك عايزة تعبديه صح لانك لو حسيتي بإنك ممتازة في الوضوء والصلاة وانك محصلتيش ساعتها هتتغري بالعبادة ربنا يبعد عننا ده

كلنا بشر وخطائين بس نصيحة لوجه الله هو لو بيحبك فعلا مكنش قبل عليكي الاذي ده وكان هيحافظ عليكي انتي غاليه اوي متزعليش مني بس مترخصيش نفسك علشان حد ما يستاهلش حاولي قربي من ربنا اكتر وادعي كتير ان ربنا يخرجك من الازمة دي علي خير وادعي ربنا انه يخرجه من حياتك واشغلي وقتك بحاجة مفيدة ولو مش عارفة تتخطي الازمة دي لوحدك روحي لدكتور نفسي علشان ميحكمش عليكي وفي نفس الوقت تتطلعي كل اللي جواكي لحد امين حاولي طلعي الناس المؤذية من حياتك حتي لو بتموتي فيهم اتمني الابتلاء ده يقربك اكتر من ربنا ويعينك علي طاعته اتمني انك تخرجي من المشكلة دي في اقرب وقت ممكن 🥰🥰😍😍

انا مقدرة قيمة الصداقة وقيمة العشرة بس دي مش صداقة اي حد مايقدرش قيمتك ما يستاهلش انك تزعلي عليه وماتخديش قيمتك من اللي حواليكي لان ارضاء الناس غاية لا تدرك لكن في نفس الوقت ما تتمنيش الاذي لحد وممكن يكون في حد موقع بينكم او نقل كلام لو ده حصل متصدقيش غير اللي بتسمعيه بودانك وبتشوفيه بعنيكي متركزيش علي الوحش حاولي شوفي النعم اللي في حياتك يعني مثلا لو صديقة خذلتك عندك عيلتك او عندك ناس تانية بتحبك ولو مفيش حاولي اشغلي نفسك بحاجة مفيدة اقرأي او اكتبي يومياتك عبري عن مشاعرك علي ورق ده بيريح اوي اتمني لك السعادة وانك تتخطي اللي انتي فيه في اقرب وقت 🥰🥰

الافضل انك متقرأيش الا للضرورة لو انتي معلمة قرآن مثلا او طالبة لان الرسول مكنش بيقرأ القرآن وهو جنب لكن تقدري تسمعي قرآن عادي بصوت انتي بتحبيه ومتزعليش انك مش بتقرأي لان احنا مطالبين بترك عبادات معينه وقت الحيض زي الصوم والصلاة مثلا حرام علينا لو صمنا او صلينا وقت الحيض علشان كده اعملي بالاحوط وممكن كمان تقرأي في كتاب الفقه الميسر من الكتاب والسنه باب الحيض علشان تبقي مطمنه اكتر

تمام بس زي ما قلت لك اتمني لك السعادة وانك تتجوزي اللي ترتاحي معاه ويحافظ عليكي 🥰🥰

ممكن علشان متزعليش اهلك بالذات لو باباكي ومامتك تعملوا حل وسط زي مثلا انوار وتلبسي فستان جميل زيك وتبقوا مع الاهل والحبايب حفلة صغيرة مش شرط قاعة ده اقتراح علشان متزعليش باباكي ومامتك وشوفي برضو الانسب ليكم ايه

انا لسة سينجل بس ده بيعتمد عليكي انتي وخطيبك اذا متفقين علي كده ومتفاهمين وعلي حسب الظروف الاقتصادية له بس الفرحة الحقيقية في انكم تكونوا متفاهمين مع بعض الفرح مش شرط مظاهر كدابة اتمني لك السعادة ايا كان اختيارك