enaas Sss

والهي نفسك في حاجات تشغلك متستسلميش خالص وان شاء الله يعينك 🤎

الحل انك تديي إجابه للافكار دي يعني لو موضوع شغلك وموترك شوفي الحاجه الي تريحك فين واعمليها بتفكري في مستقبلك وحاجات في الماضي قولي الدعاء دا كتير(رب أشرح لي صدري ويسر لي أمري واحلل العقدة من لساني يا مغيث أغثني يا مغيث أغثني يا مغيث أغثني، اللّهم لا تزّين لي عمل السوء اللّهم ذكرني دائما بأن الدنيا زائلة فاصرف عني زينتها، اللّهم ارحمني فمن لي إله غيرك من يرحمني غيرك من يستر علي غيرك من يرزقني غيرك من يصبرني على هذه الدنيا

لا عادي الناس بتبص لبعض حاجه عاديه ممكن فضول طبيعه بشريه مش فيك وخلي عندك ثقه في نفسك متشغلش بالك ومتفكرش كتير عشان الافكار بتودي لمتاهات انت كدا في السليم

عفكره انا زيك اوي باخد بالي من التفاصيل والموضوع دا مش احسن حاجه بس فينا ميزات كتير اننا طيوبين ومبنأذيش حد الا نفسنا يعتبر 😂 في حديث بيقول عن النبي صل الله عليه وسلم قال ( يدخل الجنة اقوام افئدتهم مثل افئده الطير) يعني الرسول بيقولنا انها حاجه حلوه وانها من صفات اهل الجنه💕، انا هقولك تجربتي بدأت احاول اتجاهل في حاجات بضايقني عشان احاول اعدي كل حاجه بحاول مخدش كل حاجه علي نفسيتي لاني انا الي هتعب وبالعكس انتِ مش معقده محتاجه حد يفهمك ويشجعك انك تتخطي الحاجات دي بصي يروحي انتِ مخطوبه حالياً حاولي تميزي لو الحاجه تتعدي عديها لو الحاجه اثرت في نفسيتك بشكل كبير لا متعديهاش وخدي موقف وعاتبي واعملي الي عاوزاه لكن متزعليش قدامك عمر ومسئوليه ويما هتشيلي كتير والدنيا مش بترحم ومبتجيش الا علي الشخص الطيب حاول تقوي قلبك وتفرقي بين الحاجات الي ينفع تتعدي او متتعدش وادعي ربنا كتير 💕

عندك رهاب اجتماعي عاوزه اقولك حاجه عارف الحاجات الي انت خايف منها دي كلها اعمل عكسها حاول تكسر حاجز الخوف ده واهم حاجه يكون بينك وبين نفسك حاول تبسط الامور علي نفسك متعقدهاش اكتر الي هو مثلا ما الناس الي قدامي دول بني ادمين عادي زيي زيهم يفرق اي بيني وبينهم كلنا مخلوقين من طين هتحس بالشعور الي هو عادي لان محدش مركز معاك انت الي متهيألك بس حاول تكون شجاع وعلي صوتك وحاول تضغط علي نفسك هتلاقي نفسك كسرت الحاجز واقرأ كتير كتب عن الثقه وهتعرف قيمه نفسك لانك مش اي حد ربنا اكرمنا ليه نقلل من نفسنا وثقتنا ولازم تواكيدت كل يوم تشوف مميزاتك وتكتبها حتي ع ورق وتمدح نفسك اه تمدح بس مش لدرجه الغرور الاهم تعرف قيمتك قدام نفسك اهم حاجه وقدام الناس

فيك من الشخصيه الحديه شويه تقلبات مزاجيه وغيره.. يعني طبيعي انت لما بتتعرف علي حد بمجرد شعورك بالملل والوحده ودا مش نابع من جواك!! الي هو مقرر وحابب الموضوع انك تعرف ناس وتعيش حياتك الحل انك تلهي نفسك في حاجات افيد تقرأ كتب او قرأن تشوف حاجه بتحبها وتعملها تطلع كميه الطاقه السلبيه الي جواك عشان دي بتطلع في اوقات غلط زي ما قولت دلوقتي بتحس انك عاوز تبعد عن الناس بمجرد ما بتعرفهم وفعلا لما يكون القرار نابع من جواك انك تتعرف ع ناس اتكلم وكون علاقات سطحيه ومتتعمقش ولا تبعد لان محدش هيفهم انك بتعاني في الموضوع ده ف نعالج الموضوع مع نفسنا احسن ونحاول نغير سلوكنا بطريقه احسن

شوف اقرب شخص لاخوكي مين واتكلمي معاه وهو هينصحه ولو مفيش شوفي حد كبير في العيله يكلمه وانتو كمان حاولوا تتقربوا منه وتحسسوه انكوا جنبه حتي لو هو رافض كل ده لما يحس بحنيه اخواتوا عليه هيستجيب ليكم وبعدين يروح مصحه عشان يتعالج من الحشيش لو مدمن اه وهطلب منك طلب صلي صلاه قيام الليل والوتر وادعيله كتير بالهدايه واطلبي من ربنا والحي في الدعاء بالذات الصلوات دي وحرفياً اخوكي هيبقي انسان تاني بتجارب ناس كتير ربنا يهديه ليكم يارب

اولاً الحمدلله ربنا خلصك من طليقك لانو كان معاناه بالنسبه لاهلك حاولي تتجاهلي كلامهم متحطيش في دماغك اي كلمه تتقلك خالص واصبري لعله في ثوابك وادعي ربنا كتير ان شاء الله ربنا يفرجها عليكي، ثانياً متحطيش نفسك في بؤره حزن بسبب كلام اهلك ممكن تشتغلي اي شغلانه اونلاين او حتي تنزلي تشتغلي حاولي تلهي نفسك في حاجات مفيده وتبدأي تستقلي في حياتك محدش هيقولك كلمه لانك انسانه واعيه ومسؤله عن حياتك ومتزعليش ربنا يسعدك ويفرح قلبك🤎

لا متخسرش حد ولا اهلك ولا نفسك حاول تكون في النص شوف الصح فين واعمله ومتتأثرش بكلام حد وحاول تتجنب اخواتك بقدر الامكان مادام مش هيكونوا كويسين معاك وفي نفس الوقت ميحصلش معاكم مشاكل يعني العلاقه تكون لطيفه، اي حاجه تعملها متقولش لحد عليها وبالنسبه للورث سيبهم لله متعملش حاجه عشان مش هقولك ارفع قضيه وبتاع وهما اخواتك وبلاها مشاكل ربنا يهديهم ليك يارب ويصلح حالكوا واشتغل ع نفسك وبإذن الله تتجوز وتعيش حياتك ع خير 🤎

وانت ليه توصل نفسك لعلاقه ملهاش ملامح ونهايتها ممكن متكنش كويسه وخصوصاً للبنت لان اهلها هيقطعوها نا بقولك سيبها متشتتش نفسك ومتعلقش نفسك في حاجه مش واضحه خالص واختار بنت من دينك وبردو هتحبها خد القرار بعقلك مش بمشاعرك ويوم ما هتاخد القرار الصح هتعرف تعيش كويس وتنسي وربنا هيرزقك ببنت الحلال بردو عادي بنحب ونسيب حال الدنيا كدا يريت تاخد قرار في اقرب وقت ومتعلقش البيت بيك ولا انت تتعلق بيها ✨

اظن ان تفكير الاشخاص الي من ديانات تانيه بتبقي متتشدده في الحته دي وخصوصاً الجواز بس ارجع واقولك لو بتحبها حاول تاني وتالت ولو كان ردهم ده في كل مره سيبيها عارفه ممكن يصعب بالنسبالك بس ربنا هيعوضك بالاحسن بأذن الله

هي الي اتكلمت معاهم ولا حضرتك الي تكلمت معاهم بنفسك هيفرق؟

كل حاجه وليها علاج حتي المرض النفسي الاحسن تروح لدكتور نفسي وهيساعد احسن مننا والي اقدر اساعدك بيه انك تدوم علي قرأه سوره البقره وتحصن نفسك بالاذكار 🤎

طيب حد فيكوا جرب يفتح الموضوع مع اهلها حتي لو بطريقه غير مباشره؟

انت مجبر تسيبها عشان متتعلقوش ببعض اكتر من كدا وحتي لما عرفت مكنش ينفع تكمل او لو كملت ممكن تبقوا صحاب لو هتعرفوا اما غير كدا لا وفي حاله انك لو مسبتهاش وحصل بينكوا حب وبتاع هو ينفع تتجوزها عادي لان دينا محلل بس المشكله هتبقي من اهلها علي الدين ف الاحسن تسيبها وربنا يعوضك خير