ماما بتقلل مني قدام أي حد وخصوصا خطيبي وقبل ما بيجي بتعمل مشاكل معايا وبتكسر فرحتي ونفسي
المهم آخر مرة كان من اسبوع عندنا واتعاملت وحش جدا وقللت مني اوي
من ساعتها هو مبقاش بيكلمني طول الوقت ومشغول
ولو جيبت سيرة مامته بهزار بيقلب الكلام جد وبيعملي حدود رغم ان علاقتي بمامته كويسة جدا جذا
وشاف ماما تعاملها معايا مكنش احسن حاجة وقالي حقك عليا مستغربة لي بيتعامل كده معايا دلوقتي ولي بيحط حدود ف كلامي عن مامته
حاسة اني غريبة عنه رغم إنه حب 11سنة
اولا السلام عليكم ورحمه الله وبركاته، ،،، مامتك طبعا اسلوبها مش كويس لانها بتقلل منك قدام خطيبك بس عاوزه أوضح ليكي فكره ان انتي مش قليله ولازم تحطي دا حلقه في ودانك ودا اهم حاجه ،، تقليل مامتك منك لا ريب انه شيء مؤذي ليكي نفسيا قدام نفسك وقدام خطيبك لكن لازم بينك وبين مامتك تحاولي تفهميها وتتفهموا سوا ان دا شيء بيجرحك وبيضايقك ومينفعش يحصل قدام خطيبي لان لو قللت منك قدام خطيبك احتمال خطيبك بكره يقلل منك فلازم تحطي حد للموضوع. واي معلش يخلي الناس تقلل منك؟؟!!! لا زم تبقي حكيمه ومتخليش حد يتجرأ يقلل منك ابدا ,,, كمان هو قالك حقك عليا فدا تعاطف وحس بالزعل عليكي لكن دلوقت هو مش عاوز مقارنات بين الأمهات فبيحط حدود للهزار انتي خليكي رزينه وحكيمه ومتهزريش معاه بجد هيفرق معاكي والكل هيعمل لك الف حساب متزعليش يا قلبي طبيعي اللي بيحصلك اصلا كلنا بيحصل لنا توبيخ من امهاتنا ممكن بتهزر وانا عارفه ان هزارها مؤذي ليكي فلازم تحاولي تعرفيها وتتكلمي معاها بهدوء ان دا غلط وصدقيني امورك هتتحل حبيبتي وربنا هيكرمك ويحسن الأمور بينك وبين مامتك وخطيبك
تم النشر السبت، ١٧ يناير ٢٠٢٦
السلام عليكم ورحمه الله وبركاته. خطيبك طبيعي جدا ان هو يكون متضايق انت بنفسك شايفه انه تعامل مامتك معايا مش كويس ان هو يحط لك حدود مع مامته ده نوع من انواع الغيره والرفض للفرق اللي موجود دلوقتي يعني شوفي انت ازاي مامته بتتعامل معاكي كويس جدا كويسه وهو كمان كان نفسه ان مامتك تكون علاقته بيها كويسه ومضايقه ان مش ده الوضع الحالي هنا انت هتحتاجي تدخلي في الموضوع وتبقي تتكلمي مع مامتك وفي انه الموقف دي ما بقتش لطيفه ولو انت في حاجه متضايقه. منه. يا ريت تقوليها لي وانا اتكلم معاه لكن ااا يا ريت بلاش تتكلمي عني بالشكل ده وكمان ممكن تشجعي خطيبك ان هو يتكلم عنك حلو قدام مامتك يعني كل اما يكون هو موجود قدام مامتك يقول لها على الصفات الحلوه اللي فيك الحاجات اللي بيحبها فيكي على قد ايه هو مقدرك ااا الحاجات دي هتقلل برده من حده الوضع اللي ممكن تحطك فيه اوقات ااا في امهات بيكونوا بيتصرفوا بالطريقه دي علشان يعني الحرج لو اا هي شايفه ان انت لسه صغيره مش قادره تحملين المسؤوليه فمساله خطوبتك او جهزئ او جوازك دلوقتي بالنسبه لها شايفه انه لسه بدري او شايفه انك ممكن تتصرفيش في حاجات صح فهي تفضل تتكلم عنك بشكل مش كويس قوي تقول الصفات السيئه اللي فيك وتقلل منك عشان ترفع لها الحرج لو جه خطيبك اشتكى منك في يوم من الايام هتقول له طيب ما انا قلت لك ما انا كنت بقول لك قد ايه هي مش شاطره او وحشه في حاجات ان شاء الله الامور هتكون احسن واسيبك ماما تصرفاتها هي دلوقتي علشان مثلا زعلانه ان بنتها هتتجوز يعني حاولي تخلي الموضوع الطف بطريقتك.فما تلومش علي ف دي بتبقى طبعا عن طريقه مش كويسه ولكن بتكون اا يعني ده تدافع بتاعهم من غير ما يحسوا عشان تحل الموضوع طبعا كل اما تلاقي منه هجوم كده عليك تفهمي تفهميه وتفهمي زعله واا كلميني عن انه انت عندك حق انك تكون متضايق.
تم النشر الاثنين، ١٩ يناير ٢٠٢٦
يا مرام حبيبتي، أنا آسفة جداً إنك بتمري باللي ده، وده شعور طبيعي يوجع القلب. أمك معاملتها دي ممكن تكون من غيرة أو ضغوطها الخاصة، بس ده مش مبرر يقلل من قيمتك أبداً. وخطيبك، واضح إنه مستغرب ومحبط من اللي شافه، وده بيخليه يحط حدود عشان يحمي نفسه وعلاقتكم، مش عشان بقى غريب عنك. نصائح عملية عشان تتحركي خطوة خطوة: مع خطيبك : اختاري وقت هادئ، قوليله "أنا فاهمة إن معاملة ماما ضايقتك، وده حقك، بس أنا نفسي نرجع زي الأول. إيه اللي يريحك دلوقتي؟" ده هيفتح باب التواصل بدون ضغط، ويظهري قوتك. مع مامتك : حددي حدود بلطف وقوة، زي "يا ماما، أنا بحبك جداً، بس لما بتقللي مني قدام الناس بيوجعني. ممكن نحافظ على الاحترام ده؟" كرريها بهدوء كل مرة، واستعيني بالدعاء والبر اللي يرضي ربنا (بر الوالدين واجب، بس مش على حساب كرامتك). لنفسك : اكتبي الإيجابيات في علاقتكم، وركزي على أهدافكم المشتركة زي الزواج. صلي الاستخارة لو محتاجة توجيه إلهي. أنت قوية وتستاهلي الاحترام يا قمر. لو عايزة نصائح أكتر، ابحثي في فدني عن أسئلة مشابهة هتلاقي إجابات كتير، أو شوفي الخبراء هنا: https://www.fedni.net/experts. ربنا يهدي القلوب وييسر أمرك 💕
تم النشر السبت، ١٧ يناير ٢٠٢٦
كلامك جميل زيك
تم النشر الاثنين، ١٩ يناير ٢٠٢٦
اولامامتك لما بتقلل منك ده مش معناه إنك قليلة أو فيكي عيب، ده انعكاس لمشاكل جواها هي، أو طريقة تفكير غلط هي اتربت عليها.. كرامتك وقيمتك غالية ومحفوظة، وتصرفها ده لا ينقص منك ثانيا 11 سنة مش قليلين وجعك من خطيبك مفهوم جداً، لأنك كنتِ مستنية يكون هو العوض والسند اللي يداري عليكي مش اللي يغير معاملته. بس صدقيني، هو كمان إنسان وممكن يكون اتصدم أو خاف، وده مش معناه إنه بطل يحبك، هو بس ممكن تايه ومش عارف يتصرف إزاي في الموقف ده. ثالثا انتي قوية جداً إنك مستحملة الضغط ده السنين دي كلها. بطلي تلومي نفسك أو تفكري أنا عملت إيه عشان يحصل فيا كده. عيشي اليوم بيومه، واعرفي إن الأزمة دي هتعدي وهتكوني بعدها أنضج وأقوى. واخيرا لازم تشكي همك لربنا لأن بايدو كل شئ وقادر في لمح البصر يقلب كل شيء وجد ربنا يحفظك
تم النشر الاثنين، ١٩ يناير ٢٠٢٦
شكرا جزيلا
تم النشر الثلاثاء، ٢٠ يناير ٢٠٢٦
بعمل كدة والله العظيم وبراضيها بس ماماا طول عمرها كدة دا اسلوبها معايا بالشكل دا
تم النشر الأحد، ١٨ يناير ٢٠٢٦
راجعي نفسك وشوفي معاملتك معاها إزاي الأول ، وحاولي تعامليها معامله طيبه جدا وهي هتخجل إنها تعاملك بطريقه مش كويسه " هل جزاء الإحسان إلا الإحسان "
تم النشر الأحد، ١٨ يناير ٢٠٢٦
ايوة ف تواصل انا من بلد وهوا من بلد
تم النشر الأحد، ١٨ يناير ٢٠٢٦
السلام عليكم.. قد تكون والدتك عندها تفكير أو صفات نرجسية .. وده اللي اكيد أثر على شخصيتك تأثير جذري لأن طلعتي على الدنيا وشفتيها من منظور سلبي وكمان بسبب السنين الطويلة من الأذى والتوتر .. على العموم كون زوجك بيحط حدود في كلامك عن والدته فدي نقطة تتحسب له ودليل انه شخص عنده عزة نفس فمش لازم تخسريه ... يمكن متقبلتيش الحدود لأنك كنتي بتتأذي من والدتك فكانت الحدود مدمرة ومفيش حدود خالص ... فمن حسن حظك انه أتقدم لك شخص عنده حدود أحترمني وأحترمك . ولكن ازاي كان حب ١١ سنة يعني كان في تواصل ؟
تم النشر السبت، ١٧ يناير ٢٠٢٦
ipp
تم النشر السبت، ١٧ يناير ٢٠٢٦
up
تم النشر السبت، ١٧ يناير ٢٠٢٦
لعرض السؤال في فدني اضغط هنا