مشكلتي اني ديما حابب اتكلم مع بنات وبحاول اعمل كده ديما ونفسي ابطل الموضوع دا. وديما بدعي لنفسي بالهداية
وضح مشكلتك هل مجرد كلام سوشيال ميديا و بتتسلى ولا بتقابل ولا اكتر من كده؟! و هل فى حد فى حياتك رسمى ؟ ولا تعدد علاقاتك قافل الباب الرسمى؟ لازم تفاصيل علشان المشكلة تتحل بأذن الله و علشان انت معترف بالمشكلة دى بداية الطريق الصح و ربنا قادر يخليك متدين و محترم فى يوم و ليلة بس انت ابدأ واحدة واحدة بالتقرب منه
تم النشر الاثنين، ٢ فبراير ٢٠٢٦
السلام عليكم و رحمة الله و بركاته فطرتك كرجل إنك تنجذب المرأة و العكس صحيح ،، لذلك الخالق بنفسه ذكرلك الخطوة اللي هتحجم شهوتك [قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ۚ ذَٰلِكَ أَزْكَىٰ لَهُمْ ۗ إِنَّ اللَّهَ خَبِيرٌ بِمَا يَصْنَعُونَ] غض البصر هيساعدك بشكل كبير جداً تخيل واحد مبيشوفش بنات غير من محارمه مش هيبقا في رغبة في الكلام مع بنت أخرى لأنه في الأصل مشافش أصلا بنات عشان يعجب ف يحس أنه حابب يتكلم ،، طب مقدرتش تحجم شهوتك؟ الحل في قول النبي محمد ﷺ: "يا معشر الشباب، من استطاع منكم الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم فإنه له وجاء" بالطبع طالما حضرتم مش متزوج الموضوع هيبقا صعب في البداية و ده ما يسمى "بمجاهده نفس" "لقول النبي ﷺ: المجاهد من جاهد نفسه لله" طب تفتكر هيفضل صعب؟ لأ أبدا هتعدي ب ٣ مراحل مجاهده- اختبار و اخر مرحلة بعد النجاح من الإختبار هو الثبات بإذن الله لقوله تعالى[ وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ]. من احسن الحاجات اللي هتساعدك في تهذيب نفسك لعدم الوقوع في الخطأ هو إنك تختار العبادة الصعبة بالنسبالك و تعملها لما تحس إنك بدأت تقع مثلاً :كل متفكر في الحديث مع بنت و تحاول تعمل ده تطلع صدقة مال او تصوم يوم على حسب أنهي عبادة أصعب بالنسبة لك . و بكدا هتهذب نفسك و تتحكم فيها أكثر مما تتحكم فيك.. و طبعاً مش محتاجه أعرف حضرتك خطورة إنك تبدأ بالحديث مع بنت و الحديث بعدها يتحول لإعجاب و حُب و علاقة محرمه و ما إلى ذلك.. قال النبي ﷺ: (ما تركتُ بعدي فتنةً أَضَرَّ على الرجالِ من النساءِ) فإحـذر أن تقع في أضر الفـتن! و اسأل الله الإعانة و الهدايه و بالتوفيق
تم النشر الاثنين، ٢ فبراير ٢٠٢٦
السلام عليكم .انت بتكلمهم ازاي سوشيال ولا حقيقي؟ لو سوشيال اقفل الباب احسن بمعنى اعمل بلوك لكلو مرة واحدة هي خطوة جريئه بس هتفيدك . تاني حاجة انا دي بحب استخدمها في أي حاجة قاعدة المكافأة والعقاب يعني مثلا لو متكلمتش مع بنات لمدة ... هتكافئ نفسك بحاجة حلال خروجة او اكلة زي ما تحب ولو حطيت مدة وخالفت العهد ممكن تعمل عدد معين من الاستغفار . تالت حاجه واهمهم وتقبل الموضوع ممكن يكون الموضوع مرضي ووصل (للإدمان) لو وصل أنصحك تشوف دكتور عماد رشاد عثمان انا متابعه لاني مدمن بردو بس على سلوك آخر مش مهم اذكره
تم النشر السبت، ٣١ يناير ٢٠٢٦
أهلاً بيك يا صديقي! 😊 أنا فاهمة تمامًا إحساسك ده، الرغبة الطبيعية دي جزء من البشرية، بس قرارك إنك عايز تتغلب عليها وتدعي للهداية ده خطوة كبيرة وشجاعة جدًا. ربنا هيستجيب إن شاء الله، وأنت على الطريق الصح. نصائح عملية عشان تبطل الموضوع ده خطوة بخطوة: غض البصر أول حاجة : لما تشوف بنت أو تفتكر تكلمها، غض بصرك فورًا واستعذ بالله من الشيطان الرجيم، وغيّر المكان أو الصفحة على التليفون. املأ وقتك ببدائل مفيدة : حدد جدول يومي مليان – رياضة (مشي سريع أو تمارين منزلية)، قراءة قرآن أو كتب، تعلم مهارة جديدة زي البرمجة أو الطبخ، أو شغل تطوعي مع شباب. الفراغ هو العدو الأول! قلل استخدام السوشيال ميديا : حدد وقت معين (مثل ساعة يوميًا) واستخدم فلاتر أو تطبيقات تحجب المحتوى اللي يثير الرغبة. ركز على مجموعات شبابية إيجابية أو قنوات علمية. الدعاء المستمر + النوافل : استمر في الدعاء، وأضف صلاة الضحى أو الوتر يوميًا. قول: "اللهم اهدني وثبت قلبي على طاعتك". وتذكر قصة يوسف عليه السلام – هو غلب الفتنة بالتقوى. ابدأ النهارده بتحدي صغير: "اليوم مش هكلم ولا بنت واحدة". هتحس بفخر كبير! لو استمر الصراع، شوف خبراء في فدني هنا: https://www.fedni.net/experts – في متخصصين في الإرشاد النفسي هيساعدوك بشكل شخصي. وابحث في فدني عن أسئلة مشابهة هتلاقي إجابات كتير. أنت قوي وقادر، ربنا معاك. 💪❤️
تم النشر السبت، ٣١ يناير ٢٠٢٦
اشغل نفسك في أي حاجه ، واكيد دي فتره مراهقه والحوار مش سهل بس دا مش سبب ف حاول تنتصر على شيطانك لان دا حرام ، ف ركز في مذاكرتك وانزل جيم شوف شغل أو اقضي يومك بأي طريقه المهم قلل من السوشيال وحط حدود بينك وبينهم
تم النشر السبت، ٣١ يناير ٢٠٢٦
طب هل ده مؤشر أن في جفاء في علاقتك بوالدتك؟
تم النشر الأحد، ١ فبراير ٢٠٢٦
مراهقه بعد ال ٢٧سنه مهما عملت دايما اول ماشوف بنت ببقي عاوز اروح اكلمها. دا انتي لما علقتي دالوقت كنت داخل صفحتك ابعتلك 😭
تم النشر الأحد، ١ فبراير ٢٠٢٦
لعرض السؤال في فدني اضغط هنا