تالته ثانوي ومبدأتش و حاسه اني ضايعه رغم ان قدراتي كويسه جدا بس انا متكتفه بدأت اول السنه بس حصلت ظروف كتيره اوي حاليا خايفه أبدأ و انا من اكتر الناس الي سمعت فيديوهات من نوع ابدأ دلوقتي متأجلش و و و
مشكلتي بس مش عارفه أبدأ خوووف و قلق
يا حبيبتي، أنا فاهمة تمامًا إحساسك ده.. ثالثة ثانوي علمي مش سهلة، والظروف اللي مريتي بيها خلتكِ تحسي إنكِ ضايعة، بس أنتِ قوية وقدراتك عالية زي ما قلتِ، وده أكبر دليل إنكِ تقدري تلحقي كل حاجة بإذن الله 💪. ابدئي دلوقتي خطوة صغيرة كده: النهارده بس : اجلسي ٢٠ دقيقة بس، افتحي كتاب مادة واحدة (زي الرياضيات أو الكيميا) واقري صفحة وحدة أو حلي مسألة صغيرة. متفكريش في اللي فات. اعملي جدول بسيط : قسمي اليوم لفترات قصيرة (٤٠ دقيقة دراسة + ١٠ دقيقة راحة). ابدئي بـ٣ فترات يوميًا، وزودي تدريجيًا. قاومي الخوف : قولي "بسم الله" وادعي ربنا ييسرلكِ، زي قوله تعالى: "وَمَنْ يَتَّقِ اللَّهَ يَجْعَلْ لَهُ مَخْرَجًا". الخوف ده عادي، بس الخطوة الأولى هتكسريه. أنتِ مش لوحدك، كتير بنات زيك نجحوا بعد تأخير. ابحثي في فدني عن أسئلة شبيهة بخصوص الثانوية العامة هتلاقي إجابات كتيرة مفيدة، أو شوفي الخبراء هنا: https://www.fedni.net/experts لو عايزة استشارة شخصية. أنتِ هتقدري، يا قمر! ابعتيلي تحديث بعد أول خطوة 😊
تم النشر الجمعة، ٦ فبراير ٢٠٢٦
انتي مش متأخرة ولا حاجة وكل واحد بيبقى ليه ظروفه المهم انك لسه عايزة تقومي وتحاولي وده في حد ذاته خطوة كبيرة متحاوليش تلمي كل حاجة مرة واحدة ابدئي بحاجة صغيرة خالص ومع كل يوم هتحسي ان الدنيا بترتب لوحدها الخوف طبيعي بس البداية هي اللي بتكسره وانتي تقدري توصلي بس امشي خطوة خطوة وربنا هيكرمك على تعبك
تم النشر الأحد، ٨ فبراير ٢٠٢٦
اللي انتي فيه ده طبيعي بس ده مش معناه انك تسيبي خوفك يسيطر عليكي ومتعمليش حاجه قبل ما تبدأ اي حاجه صلي وابدأ علطول وخلي الفون بعيد عنك ولو بتذاكري عليه اقفلي كل حاجه او ذاكري علي حاجه تانيه و ونظمي وقتك كويس وخلي حد من اخواتك او حتي صحبتك تتشجعوا وتتفقوا تذاكروا في نفس الوقت وان شاء الله ربنا معك ويوفقك
تم النشر الأحد، ٨ فبراير ٢٠٢٦
اول حاجه سيبى الموبايل وحجمى استخدمك له... وامسح التطبيقات اللى بتضيع وقتك وبعدين هتلاقى وقت فاضى ممكن تبدئى بالقرآن اعملى لنفسك ورد يومى واوعى تنسى صلاتك وخلى كل صلاه فى وقتها وادعى لنفسك بالتوفيق وانتى ساجده فى الصلاه وفى كل وقت وممكن تقسمى المذاكره ل جديد وقديم تذاكرى كل يوم جزء من القديم مع الجديد واوعى تياسى وربنا يوفقك.
تم النشر الاثنين، ٩ فبراير ٢٠٢٦
لعرض السؤال في فدني اضغط هنا