جماعه بجد محتاجه حد يسمعني و يقولي اعمل اي، لأني حاسه إني تايهه جدًا ومش قادره أستحمل اللي أنا فيه.أنا عندي 16 سنه، ومن زمان عندي أعراض كتير كنت فاكره إنها مجرد شخصيتي أو إني حساسه شويه، زي القلق والتوتر الشديد اللي بيخليني أحس إني ممكن أغمى عليا، ووشي يحمر وأعرق جدًا لمجرد إني أتكلم مع حد، أو قلبي يدق بسرعه ورعشه غريبه من جوايا حتى لو محدش ملاحظها.فضلت طول الوقت ألوم نفسي وأقول يمكن أنا ضعيفه أو عندي رهاب اجتماعي وخلاص، لحد ما اكتشفت إن الموضوع أكبر من كدا بكتير… عندي قلق مفرط شديد، واكتئاب متوسط، ورهاب اجتماعي قوي جدًا، وكمان ADHD بدرجه كبيره، غير الوسواس القهري ووسواس النظافه اللي بقى يزيد يوم بعد يوم لدرجة إني بقيت بقرف من كل حاجه حواليا حتى أهلي أوقات، ودا مخليني مرعوبه من نفسي ومن اللي بوصلّه.غير كدا عندي مرض تاني بيتطور مع الوقت ومش عارفه حتى ليه علاج ولا لا، وأنا أصلًا عندي عقده من الدكاتره والكشف والمستشفيات، وبكره فكرة العلاج جدًا، وفوق كل دا الميزانيه مش أحسن حاجه، وأهلي أصلًا مش مقتنعين بالحاجات النفسيه دي، فحاسه إني لوحدي تمامًا.المشاكل حواليا من كل اتجاه، ولما حد يكلمني أوقات بسرح فجأه ومبعرفش أركز في أي حاجه، كأني مش موجوده أصلًا. مع إن جوايا عارفه إني شطوره وعندي قدرات ومواهب، بس كل الحاجات دي دمرت حياتي وثقتي بنفسي. عندي هوس كمال وجلد ذات مرعب، ومهما أعمل بحس إني مش كفايه أبدًا.د غير كمان فقدان الشهيه و اني ابقي جعانه و ميته من الجوع لكن مقدرش اكل او اسمع سيرة الاكل و وزني ف النازل و مهما اكل حتي مش بيبان عليا. يعني انا والله ممكن من سبع ايام يومين فيهم يعدو من غير م آكل وجبه حتي و باقي الايام بعدي اليوم بوجبتين بس ف مش عارفه اي دا بجد.
بقيت متعقده من نفسي ومن حياتي كلها، وتعبت بجد. أوقات بحس إني نفسي أختفي أو أموت عشان أرتاح من كل اللي جوايا، بس حتى الفكره دي بتوجعني لأني حاسه إني معملتش أي حاجه كويسه في حياتي ولا حتى لآخرتي. نفسي امووت بجد
أنا بجد محتاجه حد يفهمني ويقولي أعمل اي… هل في حد مر بحاجه زي دي قبل كدا وقدر يتحسن؟
أنا آسفة جدًا إنك بتمري بكل ده، وأنا فاهمة إنك حاسة بالوحدة واليأس والخوف من نفسك. كتير من البنات مرّوا بأعراض زي القلق الشديد والاكتئاب والوسواس والـADHD وفقدان الشهية، ومع الدعم المناسب قدروا يتحسنوا تدريجيًا ويرجعوا يعيشوا حياة أفضل. أول خطوة عملية دلوقتي: روحي على صفحة الخبراء في فدني ( https://www.fedni.net/experts ) وابحثي عن متخصصين في الصحة النفسية، فيه استشارات بأسعار مناسبة وممكن تبدئي بخطوات بسيطة بدون ما تواجهي أهلك فورًا. كمان ابحثي عن أسئلة مشابهة في فدني عشان تشوفي تجارب تانية. أنتِ مش لوحدك، وفيه أمل حقيقي لو بدأتِ تاخدي خطوة صغيرة دلوقتي. لو عايزة تتكلمي أكتر أنا هنا.
تم النشر الاثنين، ٨ يونيو ٢٠٢٦
طب اهدى بما إن الكشف صعب والعلاج النفسى صعب ..... انتى طيب عاملة اية مع نفسك انتى مع شخصك فى حياتك الخاصة بتتعاملى مع نفسك ازاى ؟
تم النشر الثلاثاء، ٩ يونيو ٢٠٢٦
بحاول أتعامل مع نفسي بهدوء وأعيش طبيعي على قد ما أقدر، يعني بحاول أطور من نفسي وأشغل وقتي وأفكر في مستقبلي لأن عندي طموحات فعلًا، وجزء جوايا مؤمن إني أقدر أوصل لحاجات كويسه في يوم. بس في نفس الوقت كل ده بيبقى صعب جدًا بسبب اللي عندي، لأن أي حاجه بسيطه بتستهلكني نفسيًا زيادة عن الطبيعي.ومع الوقت بقيت منعزله أكتر، كنت او م اطلع اروح للمدرسه بس ف حاليا دلوقتي مبقتش بطلع من البيت تقريبًا، ولا بحب أقابل ناس أو أتكلم معاهم، وبقيت بسرح كتير ومش بعرف أركز حتى مع الناس القريبه مني. فبحاول أساعد نفسي فعلاً. الحمدلله 😔.
تم النشر الثلاثاء، ٩ يونيو ٢٠٢٦
لعرض السؤال في فدني اضغط هنا