من وأنا صغيرة، كان عندي إحساس إني مش مقبولة من الناس، عشان شكلي مش جميل. كنت بشوف في المدرسة البنات الحلوين بيتعاملوا بطريقة لذيذة وكيوت حتى لو مش شطار، وأنا كنت حاسة إني مش منهم.
حتى أمي، كانت دايمًا بتقولي "ما طلعتيش شبهي"، وانتقاداتها كانت دايمًا بتوجعني. مع الوقت صدقت إني مش جميلة، ومحدش ممكن يحبني أو يقبلني.
بابا وماما كانت علاقتهم مليانة مشاكل، ضرب وصوت عالي، وخيانات من الطرفين. وأنا كنت في النص، بخاف، بتوجع، وبسكت.
وأكتر حاجة كسرتني، إني سمعت بابا بيحكي إنه اتجوز عرفي، والست دي أجهضت منه. كنت وقتها صغيرة، ومن يومها وأنا بخاف من كل حاجة، حتى من ريحة بابا.
كنت دايمًا بحس بالخذلان، حتى من ماما. كانت بتدعي عليا، وبتعاملني بقسوة، وكنت دايمًا بعيط ومحدش حاسس بيا.
ماما كانت ع علاقات كتير مع رجالة ع بابا (عملت زيه) بس هى كسرتنى اكتر أنها اختارت نفسها وكسرت فيا بالكلام والمعاملة والاحباطات كانت بتكلم بصوت واطي وطيبة وحنية معاهم وانا العكس
عمرها ما حضنتني ولا دعت ليا ولا نصحتنى ولا بابا خاف عليا هما لي مفكروش فيا ولا حبوني
كبرت وأنا مكسورة. في ثانوي فشلت كتير، وضيعت أحلامي. كنت بحلم أبقى دكتورة، لكن ضغوط البيت والوجع خلوني أقعد من التعليم، دلوقتي المفروض أكون في تالتة كلية، بس أنا قاعده من زمان.
أكتر حاجة بتوجعني دلوقتي، إن ماما خلاص هتتطلق. بعد كل التعب اللي شفته، ومش مصدقة أن دى
النهاية بعد كل التعب دا معقول دا نصيبي م امى
أنا حاليًا عايشة عشان إخواتي الصبيان، أعملهم الأكل وأرتب لهم حياتهم، ونفسي أشوفهم ناجحين وسعداء.
شكلي دلوقتي مطفي، كله حزن وخوف وندم. سامحت بابا، لأني حرام أحاسبه على كل حاجة وأنا كبرت وفهمت. وهو كبر حرام عليا أحاسبه
حتى ماما هى بعدت وهتطلق بس انا عايزة اشيلها ف اى تعب وقت الكبر من حقي احس ب رضا الأم ولو للحظة وحبها
بحاول أرضي ربنا وأتعافى، بس فيه ذنوب مش قادرة أخلص منها، وبتطاردني.
من وأنا في رابعة ابتدائي، عارفة العادة السرية من منشورات ورسائل على موبايل بابا (قرأت حاجات كتيرة وحشة اوى )، بالصدفة. ما كنتش فاهمة حاجة، مبحثتش والله
لقيتها قصادي ع الموبايل، ومن ساعتها وأنا مدمنة عليها، كأنها بقت زي الميّة والأكل.
انا واحيدة من وانا صغيرة مليش صحاب من قبل حتى ما اعرف العادة كنت بتعرض لعدم قبول ووحدة وقبح كلام كتير
عندي ذنب حزني احبطني، وهو الفلوس اللي أخدتها من الشغل وأنا في الثانوية (انا شغالة بقالي سنين لأن بابا مكنش ملزم بدراستى ). صاحب المحل ابن عمي، وأنا سرقت منه مبلغ كبير،
(كانت ماما بتقولي كتير يا حرامية من وانا صغيرة واديني سرقة) حوالي ٣٠ ألف. الدين ده قاهرني، وحاسة إنه ضيّع فاكرة أن ربنا هيدخلنى الجنة .
ولا مرة قربت م راجل بالعكس كنت بخاف اللى بابا عامله (اتجوز عرفي وخلاها تساقط الجنين يتردلي كنت خايفة اوى ف ولا مرة قربت م والد ) بس كان نفسي اتحب واحب اوي
حاسة إني فاشلة واوحش بنت، تايهة، مش محبوبة، مخنوقة من ذنوبي، وبخاف كتير اكتشفت أن دايما خايفة حتى ف صور أو تسجيلات ليا وانا صغيرة اوى دايما كنت بخاف ولحد دلوقتي، وبتيجي لي نوبات قلق.
ومن المحاولات والأمل أن لسا بحاول والدليل كنت بنزل تطبيق اسمه واعي ولقيت دا بالصدفة... مش عايزة أضيع أكتر من كده.
السلام عليكم ورحمه الله وبركاته. رغم ان انت بتعبري عن نفسك بانك مش جميله بس الشخصيه اللي عدت بالحاجات الصعبه دي وبتتكلم دلوقتي عن ان هي عارفه الغلطات وعايزه تصلح منها وبتسامح اللي كانوا جزء كبير من السبب اللي هي تعرضت له في حياتها من وهي صغيره ومن قلبها عايزه تسامح وعايزه تدي وبتدي لاخواتها وعايزه تعوض اللي هي اخذته وهي غلطانه دي شخصيه جميله انت جميله جميله جدا جدا جدا وطول ما ده موجود جواكي حتى لو في أخطاء حتى لو في وقعات فبرده هتفضلي جميله لازم تعرفي ده كويس قوي. والعلاج على فكره انك تعرفي ده كويس تعرفيه يعني ايه يعني ايه معرفه يعني فعلا ابقى متأكده من ده وابقى في كل تصرف بتصرفه في الحياه بيدل على اني عارفه ده انا عارفه اني كويسه حتى وانا بغلط ايوه حتى وانا بغلط لو انا غلطت دلوقتي ووقعت كوبايه مش هقول على نفسي مهمله لا انا كويسه وشاطره وباخد بالي من الحاجه بس دي مجرد غلطه دي مجرد واحد في الميه من ال 100% بتاعتي انا عندي 99 كميه كويس انا عندي 90% كويس طول ما انا النسبه الاكبر بتاعتي هي الكويس هي الجمال فيبقى هو ده الوصف اللي انا محتاجه اديه لنفسي. مش عارفه ايه الحاجات اللي في شكلك اللي انت وصفتي نفسك بيها بانك مش جميله وممكن يكون بس مجرد انك مش شبه اغلب اللي حواليكي او مختلفه مش اكتر من كده طبعا الاوصاف او حتى انه اللي حواليكي واللي اقرب حد ليكي والدتك تقول لك كده فطبعا انت اخذتي الطابع ده واخذتي الوصف ده وما حاولتيش تغيري فيه ولا تدوري على غيره بس انا بقول لك من دلوقتي وعلشان تكوني احسن زي ما انت بدأت بتتوجهي للتطبيقات الطرق اللي تبدا تعالج الحاجات السيئه اللي انت اتعودتي عليها من زمان فاحنا هنقول ان من النهارده هتبدئي تتعودي ان انت اللي تبصي على نفسك في المرايه وتبصي على نفسك بعينك انت عارفه ان انت حتى من جواكي ممكن يكون ما عندكيش النظره بتاعه انه الجميل اقيمه ازاي ابداي اعرفي يعني ايه جمال العيون الواسعه ليها جمالها والعيون الضيقه ليها جمالها البشره البيضاء ليها جمالها والبشره السمراء لها جمالها كل شيء وليه نظره او زاويه الجمال اللي احنا نقدر نبص له منها ما فيش شيء وحش ربنا ما خلقش اي حاجه على الارض وحشه ما خلقش اي انسان بشكل وحش العيون اللي بتشوف هي اللي عندها المشكله هي اللي بتصنف الوحش فارجوكي ابدئي من هنا واحنا معاكي نساعدك في كل خطوه بس ابدئي من الخطوه دي ارجوك.
تم النشر الأربعاء، ١٦ يوليو ٢٠٢٥
الناس وجودهم يكمل حياتنا ماتخليش الناس ابطال حياتك لأ كوني انتي البطلة فقصة حياتك بلاش تدي حد اكبر من حجمه واياكي تقارني نفسك بحد تاني حبي نفسك اكتر ما بتحبي الناس لأن والله العظيم الناس بتحبك على أد محبتك لنفسك لو بتحبي نفسك ١٪ الناس وكل الناس اكتر حد بيحبك فيهم هيبقا بنفس النسبه دي ١٪
تم النشر السبت، ١٩ يوليو ٢٠٢٥
وعليكم السلام ورحمة الله يا عزيزتي، قرأت كلماتك وشعرت بكل الألم والحزن اللي بتمري بيه، وما في أشد ألم من إن الواحد يحس إنه وحيد وسط الناس، خاصة مع تفاصيل تجربتك الصعبة من الصغر. أحب أطمنك يا غالية إنك مش لوحدك، وأنا هنا علشان أسمعك وأساعدك بأفضل ما أقدر. خليني أساعدك نرتب الأفكار ونشوف مع بعض خطوات ممكن تخفف عليك وتدعمك: أولاً: فهمك لنفسك وقبولك لذاتك واضح إنك عايشة وسط ضغط نفسي كبير بسبب كلمات الناس وخاصة أمهاتنا اللي المفروض تكون أمان وسند. لكن حقيقة وجود الألم مش عيب، ولا يعني إنك "وحشة" أو "فاشلة". حاولي اليوم تعدلي حديثك لنفسك. بدل ما تقولي "أنا بنت وحشة، فاشلة"، جربي تقولِي لنفسك: "أنا أمر بفترة صعبة، لكني أستطيع أتغير وأتحسن". هذا كلام يؤثر على عقلك الباطن ويساعدك تتعاملي مع نفسك بحب أكثر. الذنوب والشعور بالذنب تذكري أن الله ذو رحمة واسعة، "إن الله يغفر الذنوب جميعاً"، والتوبة الصادقة تفتح لك باب جديد لو حياتك. ما نقصش من مكانتك توبتك ورغبتك في التغيير. ذنوب الماضي لا تحدد مستقبلك إذا أخذتي قرار قوي للتوبة والعمل على نفسك. حاولي القيام بالأفعال الإيجابية الصغيرة كل يوم تساعدك تغلقي الباب على الذنوب وتفتحي لمرحلة نقية من حياتك. العادة السرية مع الأسف هذا مش موضوع بسيط عند كثير ناس، وكأنها أدمان بيسبب إحساس بالذنب والقلق. البداية تكون الصراحة مع النفس وطلب المساعدة، وهذا شيء مهم ويحتاج دعم نفسي. ممكن تستفيدي من الاستشارة النفسية المتخصصة، سواء في الاستشارات عبر الإنترنت أو عند خبراء في مجتمع فدني: صفحة الخبراء في فدني الخوف والقلق ونوبات القلق الخوف اللي بتحسيه واضح إنه أثر من طفولتك المؤلمة وتجارب القتل النفسي. مهم تتعلمي طرق عملية للتعامل مع القلق والخوف مثل التحدث مع مختص نفسي، وممارسة أنشطة تزيد من ثقتك بالنفس تدريجياً. بحثك عن تطبيقات مفيدة مثل "واعي" خطوة جيدة، استمري في البحث عن كل ما يعينك لتخطي هذا الألم. أهمية وجود هدف شغلك لحماية إخواتك ورعايتهم دليل قوي على قلبك الطيب وروحك الناضجة. ابحثي عن أحلام صغيرة يمكنك تحقيقها تدريجياً، حتى ترجع دراستك أو تعملي شيء تحبيه يساعدك تبني حياتك. لا تضغطي على نفسك لأهداف كبيرة مرة وحدة، خدي خطوات صغيرة. العلاقات الأسرية للأسف كثير من الأسر تمر بصراعات وخيبات، والاختيار للوالدين ليس بأيدينا. حاولي تبني حد جديد من الأمان الداخلي من خلال دعم نفسك وروحانيتك، والاقتراب أكثر من الله بالصلاة والدعاء وقراءة القرآن. مكانتك في الإسلام اطمئني أن المرأة مهما كانت الظروف تمر بها، هي محترمة عند الله وقيمة، ومهما كانت المواقف، الحياة دايمًا تقدر تتغير للأفضل بنية صادقة. ربي يحب التائبين ويكرم الصابرين، وأنت من هذا الصنف بإذن الله. — لو حسيتي إن الوضع أعقد مما يمكن معالجته بالكلام، أنصحك بشدة تستشيري أحد خبراء الدعم النفسي أو الاجتماعي الموجودين في فدني، لأنهم قادرين يقدموا لك نصائح شخصية تناسب وضعك. وهكذا دائماً، تذكري يا غالية أن الألم مش نهاية الطريق، ربنا خلقك ومعك في كل لحظة، ورسالتك لحياتك ما زالت تكتب. لا تيأسي حتى لو الدنيا ضاقت. أنا معاك دايمًا لو حبيتي تكلمي أو تحتاجي دعم أو تفضي قلبك مرة ثانية. دمتِ بخير واللهم اجعل لكِ من كل ضيق مخرجًا ومن كل هم فرجًا. ذكية 🌹
تم النشر الثلاثاء، ١٥ يوليو ٢٠٢٥
احبك الله الذي تخافينه بصي يا جميلة اول حاجه ابدأي شوفي نفسك وروحك روحك عطشانة وجعانه عايزة غذاء وغذائها الصلاة والصيام وان كان علي العادة حلها الصيام وانك متفعديش فاضيه عشان متعمليهاش ويبقي عندك اراده فعلا انك تتوبي وقربي لربنا وشوفي شغل ولو بتشتغلي ارجعي كملي تعليم من شغلك وحوشي مبلغ علي جمب من الدين بتاع ابن عمك لحد ما تكملي المبلغ كامل وطلعي صدقه وربنا بإذن الله هيسهالك ورجعيله المبلغ بأي طريقه حتي لو هترجعيه من غير ما يعرف دي فلوس اي وادي لنفسك فرصة اسمعيها قولي لنفسك انك موجودة وانك مش هتسمحي لنفسك تضيعي اكتر من كدا خلي عندك يقين بالله ادعي ربنا كتير أنه يوفقك ويسهل لك انتي مش وحشه بالعكس مفيش حد وحش الدائرة اللي حواليك هي. اللي بتصدرلك فكرة زي كدا تأملي نفسك هتلاقي نفسك جميله ارضي عن نفسك وارضي بقدرك صدقيني لو بدأتي تصلي وتصومي وتقرأي اذكارك وتطيعي ربنا وتخاولي تسديد ما عليكي من ذنوب هتحسي براحه توبي وارجعي
تم النشر الخميس، ١٧ يوليو ٢٠٢٥
شكراً جزاك الله خيرًا ❤️ طبعاً رغم اى شئ بحاول والله اصلي والتزم بالصلاة في أوقاتها
تم النشر الخميس، ١٧ يوليو ٢٠٢٥
الحل النهائي لكل مشاكل الكون كله من مشرقه إلى مغربه تكمن في حاجة واحدة بس؛ (الصلاة)، لازم لازم لازم تصلي، لازم لازم لازم ولابد تصلي. بوصلتك اللي هتوجهك إلى الطريق الصحيح، بوصلتك اللي مش هتغشك ولا تضلك ولا تغرقك أبداً أبداً أبداً، ولو مفيش (صلاة)؛ مش هيبقى فيه حل نهائي حتى ولو إجتمع كل المخلوقات، "فالصلاة مناجاة لكل الملكات". [غير كده منصحكيش؛ لأن هو ده الحل الوحيد]. وشرط مهم قوي، الإلتزام في مواعيدها.
تم النشر الخميس، ١٧ يوليو ٢٠٢٥
الله يصبرك ،(لا يكلف الله نفساً إلا وسعها) انت قد اللى ربنا كاتبه ليك ربنا عالم بنفسك اكتر منك ف ارضيه حاول ترضيه وتطلب منه التوفيق والبصيرة والقوة والونس (في حديث عن الرسول صلى الله عليه وسلم قال فيه إن المؤمن القوي خير واحب الي الله من المؤمن الضعيف ،واستعن بالله ولا تعجز ) وفاة والدتك قدر ووفاة والدك وكلنا لله وإليه راجعون البقاء لله ف متحزنش ولا تضعف وتكون شاب هش نفسياً.. ارضي بالقدر و اقوي بنفسك واتعلم حاول تكتسب مهارات كويسة ومتتخلاش عن شغلك الشغل للرجالة هتقدر من خلاله تستعين ب دكتور يساعدك بس انت مش مريض نفسيا انت بس محتاج تقوي نفسك وتقتتع انك مش ضعيف ولا وحيد ربنا معاك يمكن اللى بتمر بيه مسببلك حزن وليك حق تحزن انت بشر بس متخليش الحزن يضعفك ويغلبك ربنا لا يكلف نفساً بشئ إلا وسعها يعنى هى عندها القدرة تتغلب علي التكليف دا ربنا كلفك بحياة هتعيشها عيشها برضا وقوة وامل افتكر اهلك فقط ف موضع إن أن شاء الله ربنا هيجمعك بيهم ف الجنة لأنهم مؤمنين وانت العمل الصالح لليهم تتدعيلهم تتصدق لليهم وتدعى ربنا يرزقهم الجنة ف المهم اعمل كل شئ جميل انك تتدخل الجنة وترضي ربنا واكتسب مهارات اتعلم تواجه الحياة عادي كلنا بنحاول محدش لوحده اطلب مساعدة من استشاري أو دكتور يكون صحبك لا تحزن على شئ فات واعرف ان لا يكلف الله نفساً إلا وسعها وانك فيك الخير حياتك مش بائسة تقدر تجاهد وتقرر تكون قوي وصالح حتى لو لوحدك .. الرسول صلى الله عليه وسلم كان يتيم من وهو طفل اقرء واسمع عنه كتير واعرف شخصيته العظيمة واقتدي بيه هتعرف تواجه الدنيا سيرة خير الخلق وإمام الانبياء والمرسلين هتفرق اوى مع حضرتك
تم النشر الأربعاء، ١٦ يوليو ٢٠٢٥
مجاهدة النفس مش سهله استمري ان شاء الله هتوصلي وانتي اجمل بنت ف كون من جوا مش ذنبك
تم النشر الجمعة، ١٨ يوليو ٢٠٢٥
لعلمك..فكره انك بين كل كام جمله تقولي ربنا..دا كفيل انك ف الطريق الصح برغم كل *** الي فحياتك دا..لكن؟ ربنا عز وجل مخلقش حد وحش لانه قال ف كتابه فيما معناه وانا اكيد فاكر الآية بس بحاول ابسطها..أن ربنا خلقك ف احسن تقويم ودا معناه كتير مش بس كشكل..حتا علي سبيل الكلام أن البني ادم عند ربنا احسن من الملائكه و الله اعلم بس الفكره أن الإنسان مخير انما الملائكه بنعبد ربنا بس..عشان مروحش بيكي كتير قصد كلامي أن مهما عملتي ومهما قولتي ارجعي ل ربنا..هو احن عليكي من امك وابوكي حتا لو كانوا احسن اتنين ع الأرض..وفكره انك خايفه ربنا ميتقبلش توبتك مثلا ف اوعي تفكري بالطريقه دي ابداااا..ربنا مش هيكلفك امر الا وعارف سبحانه وتعالى انك اد الأمر دا
تم النشر الجمعة، ١٨ يوليو ٢٠٢٥
لازم صدقيني تلتزمي بالصلاة في أوقاتها؛ لأن الله جل وعلا يقول: {إن الصلاة كانت على المؤمنين كتاباً موقوتة}. ومن غيرها لازم الإنسان يعيش في جحيم، وبيها الإنسان يعيش في نعيم. وتذكري قول الله تعالى: {ومن أعرض عن ذكري فإن له معيشة ضنكا ونحشره يوم القيامة أعمى}. نسأل الله الثبات والعافية من سخطه وعذابه.
تم النشر الخميس، ١٧ يوليو ٢٠٢٥
دي بيئة من الدمار النفسي ودي اكبر صدمة وطعنة وخذلان ممكن يتلقاه انسان في حياته .. إن والديه هم الملجأ والمهرب وغذاء الروح كانو هم مصدر الحقد والشر وخيبة الأمل .. لكن للأسف دي الحياة ودا الإختبار احنا مش بنختار اهالينا يطلعوا اسوياء ولا شهوانيين .. حاليا اكيد عندك كره نفس بسبب غياب حنان الأم وشعور بعدم الأمان بسبب غياب دور الأب .. فأنتي في حالة عطش شديد للأب والأم ولكن كل ما هتحاولي تقربي منهم وترجعي لهم من بعيد هيشوتوكي ابعد وتزيد عداد صدماتك واحزانك وخيباتك .. افضل حل ركزي على نفسك ومشاعرك .. وساعتها هتتحسن علاقتك بيهم .. بس ٥ دقائق في اي وقت يوميا اكتبي أفكارك .
تم النشر الخميس، ١٧ يوليو ٢٠٢٥
مش قادر ولا عارف اتخطي أنا عندي ٣٥ سنه ماليش أصحاب ولا عارف اشتغل ولا أواجه دلوقتي بتمني يوم بس من أيامهم اللي ماكنتش مرتاح فيها بس احسن من دلوقتي يآرب صبرني
تم النشر الخميس، ١٧ يوليو ٢٠٢٥
كأنك بتتكلمي عني أنا أهلي كانوا كده مطلقين بس قاعدين تحت نفس البيت والنتيجة بقيت اخاف أواجه الحياة وحتي الشغل ولما ماتوا متقدرش اتخطي رغم أنه كنت موجع وخايف وقلقان من الذكريات الوحشه والمستقبل
تم النشر الأربعاء، ١٦ يوليو ٢٠٢٥
لعرض السؤال في فدني اضغط هنا