شباب عاوزة آخد رأيكوا ف حاجة بما إني بهتم بآرائكوا كلكوا؛
في أول السنة عرفت ولد من دفعتي اتكلمنا كام مرة يتعدوا على الصوابع الكلام كان لغرض بس عشان عرفنا بعض و كدا سجلنا بعض كان الكلام بينا محدود و مفيش تجاوز غير ان عرفنا عن بعض حاجات بسيطة
فجأة لقيت الشخص دا مسح رقمي و حسيت ساعتها بخضة اللي هوا ايه اللي حصل انا عملت ايه ليه مسحتني فضلت منتظرة على أمل انو ميكونش مسحني بس طبعا بعد ما اتأكدت عملت مقاومة ساعتها و قفلت كل مجالات النقاش معاه أكلمه بمحدودية بس بطبيعتي لما كان بيعوز حاجة مني كنت ادور عليها و اقوله؛
ف مرة صفيتله شوية كان طالب مني محاضرة سألت و دورت عليها كام يوم و في الآخر جبتهاله و بعتهاله شافها و مردش كأني معملتش حاجة ف كذا موقف كان بيتجاهل الكلام مش محتاجة منه رد بس مش عارفة ليه شخص ممكن تكون تصرفاته مخزية كدا المهم يعني ما علينا
حاجة كمان عاوزة آخد رأيكوا فيها لو مثلا الشخص دا بعت رسالة على جروب و كذا حد بعت و انا رديت او اتفاعلت مع رسايل التانيين و تجاهلت رسالته دا ممكن اكون بقوله من تصرفاته اني مهتمة بيه و لا مش حطاه في دماغي اعتقد الشباب يقدروا يفهموا الموقف من منظورهم و يفيدوني و بلاش بقا حتة ابعدي و فكك و كبري دماغك انا اصلا قافلة مع الولاد عموما يعني بس دا بس محتاجة افهم الموقف عشان دماغي متسوحنيش بس
بصي يا بنت الحلال الحقيقة إنك غلطانة في حق نفسك من الأول عشان وسعتي العشم مع حد ملوش لازمة وإنتي شاغلة بالك بتصرفاته المخزية وبتحللي هو مسح رقمك ليه رغم إن الرد واضح وهو إنه مش مهتم ولا مقدر الغلط الأكبر إنك بعد ما مسح رقمك روحتي دورتي له على محاضرة وجبتيها له وهو أصلاً مطنشك وده خلاه يتمادى في تجاهله ليكي فوقي لنفسك وبطلي دور المصلحة الاجتماعية اللي بتدور على رضا الكل لأنك كدة بتهيني كرامتك على الفاضي لو بعت على الجروب اتعاملي كأن رسايله شفافة ومش موجودة ومترديش عليه ولا تتفاعلي معاه نهائي عشان يفهم إنه ملوش وجود في حساباتك أصلاً بدل ما إنتي حطاه في دماغك اقفلي الموضوع ده وبلاش شغل أنا قافلة من الولاد وإنتي لسة مهتمة تعرفي هو بيفكر إزاي لأن دي قلة تقدير لنفسك مش أكتر ... ربنا يصلح الحال
تم النشر الأربعاء، ١٣ مايو ٢٠٢٦
انا بقى بقول لك ابعدي وفكك من الكلام ده ليه لان الشعور ده من ناحيتك انت بس انت اللي حاسه بيه ده حاجه وثاني حاجه ممكن يكون اول مره تتعاملي مع شاب او اول مره شاب يتعامل معاكي فعلى اساس كده انت خسيتي بالاحساس ده ولكن سؤالك مش مفهوم قوي او مقصده مش واضح بمعنى ايه انت بصه من منظور تفكيرك انت بس هل لو رديت عليه او ما ردتش عليه او كلمته او ما كلمتوش كل ده في دماغك انت بس ولكن ثالثا لازم تفكري من منظور مختلف تماما وهو انك تسالي نفسك كم سؤال كده اولا هو بيتعامل معاكي كده ليه ثانيا هل انت فارقه معاه زي ما هو فارق معاكي ولا لا طب لو انت فارقه معاه ليه بيعاملك كده ثالثا يمكن يكون شخص بتاع مصلحته اعرفك علشان مصلحه ممكن تكوني مثلا انت الاولى على الدفعه ولا شاطره ولا ممتازه علشان كده ممكن تكون اقرب منك علشان يطلع بمصلحته اللي هو عاوزها تمام ولازم تسالي نفسك كم سؤال هل انت فارقه معاه زي ما هو فارق معاكي ولا لا ولا ده اعجاب ولا ده مصلحه لازم تفكري بالتفكير ده علشان ما تضيعيش وقتك على الفاضي وعلشان ما تعلقيش نفسك وكمان انت بتقولي تردي عليه ولا ما ترديش على اساس ايه كصديق في الدراسه ولا كشخص معجب انت كده بتتكلمي على اساس ايه بالظبط؟؟؟
تم النشر الخميس، ١٤ مايو ٢٠٢٦
يا حبيبتي، أول حاجة أقولك إن شعورك ده طبيعي جداً، الانسحاب الفجائي بيسيب إحساس بخيبة وتساؤلات، بس خلينا نفكر فيه بهدوء زي ما أنتِ عاوزة. اللي حصل معاه مش بالضرورة بسببك : ممكن يكون عنده ظروف شخصية، أو قرر يبعد عشان مش مهتم أصلاً (الكلام كان محدود زي ما قلتِ)، أو حتى خايف من أي ارتباط. اللي مسح الرقم وما ردش على مساعدتك ده تصرف غير محترم، وده يأكد إنه مش يستاهل تفكيرك. إزاي تتعاملي دلوقتي؟ استمري في الإغلاق التام : محدش يستاهل جهدك لو مش بيقدره. لو طلب حاجة تاني، قولي "مش هقدر" باختصار، أو اتجاهليه خالص. ده هيحميكِ ويخليكِ مركزة على نفسك. في الجروب : لو رديتِ على التانيين وتجاهلتِ رسالته، ده مش معناه إنك مهتمة بيه خالص – بالعكس، ده إشارة واضحة إنك مش حاطاه في دماغك، وهو هيفهمها كده من منظور الشباب. اللي بيحس باهتمام بيتفاعل أكتر، مش ينسحب. ركزي على هدفك : الدفعة دي فرصة للدراسة والتطور، مش للعلاقات اللي مش واضحة. حددي أهداف أسبوعية زي "أخلص محاضراتي وأراجع يومياً"، وهتلاقي دماغك مش هتسوح. من منظور إسلامي، التواصل مع الشباب غير المحارم لازم يكون محدود جداً عشان تحمي قلبك وسمعتك، وده اللي عملتيه صح. أنتِ قوية وبتعملي المقاومة دي، برافو عليكِ! 😊 لو عاوزة آراء أكتر، دوري في فدني على أسئلة مشابهة أو شوفي الخبراء هنا: https://www.fedni.net/experts – فيه متخصصين في علم النفس هيساعدوكِ أكتر. أنتِ تستاهلي الأحسن، خليكِ قوية! 💪❤️
تم النشر الأربعاء، ١٣ مايو ٢٠٢٦
انا شايف ان ده انسان كويس وضميره بيأنبه من الكلام مع البنات فلا تصعبوها عليه هو مش مطالب يهتم بأحد
تم النشر الجمعة، ١٥ مايو ٢٠٢٦
للاسف الناس مختلفه فاللي بيفسر ان ده اهتمام في غيره بيفسره حاجه تانيه فمفيش راي واحد بيمشي على كل الناس . بس الاكيد انك لو خرجتي بره تفكيرك مش هيفرق معاكي هو شايف تصرفاتك اذاي
تم النشر الخميس، ١٤ مايو ٢٠٢٦
يمكن هو حس ان ممكن الموضوع يتطور بينكم ويتعدي حدود المساعدة ف خاف او انه مش عايز يدخل في علاقة محرمة ف خايف انه يضعف ف الاحسن ان يبقي في حدود بينكم سواء منك او منه والاحسن انتوا الاتنين
تم النشر الجمعة، ١٥ مايو ٢٠٢٦
العفو يا فندم
تم النشر الخميس، ١٤ مايو ٢٠٢٦
صح، شكرا جدا لحضرتك يا أستاذ هشام
تم النشر الخميس، ١٤ مايو ٢٠٢٦
عادى انتى اهتميتى بيه فى لحظة ضعف و دى فطرة فينا كبشر وهوا لسبب ما مهتمش أو مش بيعرف يعبر عن اهتمامه أو هوا كمان قافل الباب بشكل عام ، محصلش حاجه يست الكل ، حاربى عقلك بس إن مهتمش بيه واغفرى لنفسك سابقا عادى مش لازم تحسى النقص إن هوا مهتمش دا ملوش اى لازمه ف تقييمك يعنى ، ونتى عارفه الباقي ذكرتيه فى السؤال
تم النشر الخميس، ١٤ مايو ٢٠٢٦
حاسه ارتبط او صاحب و كدا علشان كدا مسح الرقم و مش بيتكلم الا للضروره لو محتاج حاجه نصيحه يعني اصلا متركزيش مع ولاد الكلية لان بجد بيبقوا متشتتين و هيشتتوكي معاهم و لو فعلا السبب انه صاحب لو سابها هتلاقيه كلمك و سجل رقمك تاني و لا انك تتجاهليه علي الجروب و كدا عادي مش هياخد باله و لو خد باله فا هو اكيد فاهم انك بتتجاهليه كا رده فعل علي تجنبه ليكي
تم النشر الأحد، ١٧ مايو ٢٠٢٦
لعرض السؤال في فدني اضغط هنا