انا مش عارف اتحرك ازاى او يبقالى هدف اشتغل علشانه
جربت احط لنفسى اكتر من هدف بس بيقفو قبل ما ابدأ فيهم حتى جربت احسن اللغه او انزل شغل او او اتعلم مهاره
جربت كل فيديوهات التحفيز بس ديما باجى عند خطوه التنفيذ نفسها وكأن فى حيطه قدامى مش قادر اتخطاها
انا مخلص جيش بقالى سنه ولسه مشتغلتش لحد دلوقتى وفى الغالب منزلتش من البيت فعليا كل فتره بنزل اتمشى وارجع تانى
حد مر بتجربه زى دى واتصرف معاها ازاى ؟
السلام عليكم، مشكلتك لها سببان، الأول.. وجود الهدف مع انعدام الدافع. الثاني هو الخوف من البداية وكثرة التفكير في الاحتمالات والطريق أمامك واللي بتؤدي لحالة من الشلل. دلوقتي أنت حددت أكتر من هدف من قبل لكن هل وضعت دوافع مع كل هدف؟ الدافع هو الوقود اللي هيحفزك ويحركك للتقدم حتى مع انعدام الشغف والتحفيز الخارجي وفترات الملل اللي طبيعي تمر بها في أي رحلة تعلم أو تطوير. ** نختار مثلا تعلم لغة جديدة، قبل ما تضع خطة او حتى تنوي البدء اسأل نفسك ليه هتتعلمها، إيه النتائج المترتبة والفوائد اللي هتعود عليك من إتقانك للغة؟ اكتب الدوافع والأسباب في ورقة وعلقها بحيث تكون أمام عينيك وتذكرك ليه بدأت الطريق ده. *** ثانيا، الخوف من البداية طبيعي، عادي تبقى متردد وغير متأكد من النتيجة وانت مش شايف نهاية الطريق ولا النتيجة اللي هتوصل لها وهل هتكون قد التحدي ولا لأ. دي كلها مشاعر مفهومة لكن غلط إنها تفضل عائق يمنعك من البدء. أنت مش هتعرف النتيجة ولا الطريق عامل إزاي إلا لما تبدأ ومش هتبدأ طول ما أنت بتفكر في طول الطريق بدل ما تركز على الخطوة الأولى المكشوفة لعينيك. ** ركز على الخطوة الأولى الصغيرة والخطوة التانية هتظهر واللي بعدها وهكذا هتلاقي الطريق بيظهر واحدة واحدة وأنت بتمشيه بثبات. لو عينيك هتفضل على الطريق اللي مخفي في الضباب وأنت مش شايفه أكيد هتتعثر وتقع واحتمال تفضل واقع ومتكملش. *** لا تنتظر الحماس عشان تبدأ ولا تعتمد على الشغف. ده مش هيخليك تعمل حاجة. قسم هدفك لأقسام صغيرة... حتى لو صغيرة جدا المهم تكون كافية لخداع عقلك حتى لا يتحجج بصعوبة البدء. ** لما تقول هتعلم اللغة الفلانية السنة دي، ده كده هدف عايم على عكس لما تقول هدفي مذاكرة محاضرة يومية من الكورس الفلاني أو حفظ أشهر ١٠٠ جملة خلال فترة كذا. وهكذا... ** كمان حاجة مهمة، بلاش فيديوهات تحفيز خارجي لأنها هتحمسك على الفاضي والدوبامين اللي هتاخده منها هيحسسك إنك أنجزت فعلا، وبلاش تتكلم مع حد عن إنك ناوي تعمل كذا وكذا أو تقعد تتخيل إنك وصلت للهدف لأن في الحالتين دول أيضا جسمك هيفرز دوبامين فهيحس بالإنجاز وأنت أصلا مش بدأت فمش هتاخد الخطوة الأولى من الأساس. *** أنصحك أخيرا تعمل اختبار الشخصية وتقرأ أو تشوف فيديوهات عن نموذج عجلة الحياة المتوازنة عشان تستعملها في وضع أهدافك الحياتية بتوازن. https://www.for9a.com/personality-test وتوكل على الله وابدأ وإن شاء الله تتغلب على مخاوفك وصعوبة الخطوة الاولى. وبالتوفيق.🌺
تم النشر الاثنين، ٨ يونيو ٢٠٢٦
أنا فاهمة إنك حاسس بالحيطة دي، وده شعور كتير ناس مرت بيه بعد الجيش. المهم دلوقتي تبدأ بخطوات صغيرة جدًا مش أهداف كبيرة. جرب كده: اختار هدف واحد بس (مثلاً: تتعلم مهارة معينة أو تنزل شغل)، وقسمه لخطوات يومية بسيطة زي "أبحث 15 دقيقة على النت". حدد وقت ثابت يوميًا حتى لو قصير، وابدأ حتى لو مش كامل. لو حسيت بالعقبة، اكتب السبب وعدله فورًا. ابحث على فدني عن أسئلة مشابهة، هتلاقي تجارب ناس تانية. لو محتاج دعم أعمق، شوف خبراء الحياة على https://www.fedni.net/experts.
تم النشر الأحد، ٧ يونيو ٢٠٢٦
فيديوهات التحفيز هي اللي هتمنعك تبدأ أصلا, الفيديوهات هتبني عندك صورة مثالية عن النجاح فهتلاقي نفسك خايف تبدأ عشان خايف ما تحققش الصورة المثالية اللي في دماغك, ابدأ عشان تكسر الحاجز دا
تم النشر الاثنين، ٨ يونيو ٢٠٢٦
الحل التاني أنت تكون منتور حياتك حياتك بمعنى، حدد أهدافك وأشتغل خطوة خطوة مش كل الكورسات مع بعض ولا كل المهارات لا حدد قائمة فيها كل المهارات الـ عايز تتعلمها وكل الكورسات هتشتغل عليهم: مهارة + كورس هكذا وتطبيق ولو عايز مثلًا تتعمل مهارة تشتغل شوف الـ أنت شايف نفسك فيه وممكن فعلًا يكون مجالك المستقبلي وركز عليه هو فقط ركز على حاجة وحدة هتساعدك وبعدين باقي الحاجات أما فكرة فديوهات التحفيز فـ هي مش محفزة أصلًا 😅 أكبر وأفضل تحفيز لما تنجز الـ عليك وتحقق حاجة هيكون التحفيز داخلي نابع من الذات تابع تقدمك أول بأول وكمان تابع التغيرات وبدل العادات السلبية بعادات إيجابية وأبدا يومك من الفجر وتابع ناس هادفة وعندها أهداف وأحلامك شغالة عليها زي( أحمد أبو زيد، عبد الله العلاوي، في قنوات على اليوتيوب رائعة تابع بودكاست ثمانية
تم النشر الاثنين، ٨ يونيو ٢٠٢٦
القناة دي إعادة تشغيل الذات في مواد رائعة مداخل لـ العمل الحر ترتيب وتسديد الأهداف أطلع بنفسك
تم النشر الاثنين، ٨ يونيو ٢٠٢٦
أول حاجة دي قناة د. عبد الرحمن ذاكر الهاشمي رائعة فيها محاضرات عند فهم النفس وعن تسديد الأهداف وإزاي تحدد هدفك
تم النشر الاثنين، ٨ يونيو ٢٠٢٦
هبعت لحضرتك كام قناة تليجرام مفيدة جدًا في إعادة تشغيل الذات
تم النشر الاثنين، ٨ يونيو ٢٠٢٦
السلام عليكم، ممكن وجود منتور معاك توفر عليك مسافات كبيرة جدًا أختار منتور رجُل وأتكلم معاه إنك عايز تتعلم مهارات وتأخد كورسات وعايز ترتب حياتك وأهدافك وأحلامك ومستقبلك بجد هيساعدك جدًا جدًا وحتى لو مثلًا عندك مشاكل هيساعدك تتعلم تتحلها هيوفر عليك وقت ومجهود ومعلومات أهم حاجة الوقت
تم النشر الاثنين، ٨ يونيو ٢٠٢٦
تعفن دماغي .. ابحث عنه و طبق
تم النشر الاثنين، ٨ يونيو ٢٠٢٦
https://t.me/E3adettashgheel
تم النشر الاثنين، ٨ يونيو ٢٠٢٦
https://t.me/Nafae3
تم النشر الاثنين، ٨ يونيو ٢٠٢٦
https://t.me/archive_makany
تم النشر الاثنين، ٨ يونيو ٢٠٢٦
لعرض السؤال في فدني اضغط هنا