السلام عليكم ورحمة الله وبركاته
في حاجة بتحصل معايا بقالي فترة كبيرة اوي ومش لاقيه سبب ألا وهي اني مش بقدر ادعي في الصلاة بحس اني ناسية عايزة ادعي بايه او مش لاقيه صيغة ادعي بيها مع اني بدعي ديما في اي وقت حرفيا
انا عندي حاجات كتيرة بدعي ربنا بيها وبدعي فعلا ف كل وقت اول ما افكر في الحاجة دي وقبل ما انام وانا بكلم حد عنها لكن مجرد ما بدخل في الصلاة بحس اني نسيت او مش عارفة ادعي اقول ايه اللي مدايقني اني مش قادرة ادعي في احسن الاوقات زي السجود ومش عارفة سبب وبدايق اني بنسي ادعي ربنا اثناء مقابلتي ليه
ممكن بتسهى فى الصلاه مثلا ف بتنسي الى هتقولها قبل ما تصلى. اكتبى الدعوات واقريهم وبعدين صلى بتركيز وانتي اى حاجه فى الدنيا وكمان ممكن تدعى بره الصلاه لان ربنا قريب منا ولى وقت ادعى وكمان مش لازم صيغه معينه تتكلمى بيها ربنا هيسمعك وفاهم كلامك عبري بالى حساه وهو رحيم اوووى ف مش تيأسي وادعى انه يعينك على النسيان
تم النشر الأحد، ١٧ مايو ٢٠٢٦
حاولي تقسمي الدعاء لأقسام، زي قسم الدنيا وقسم للآخرة وتفصلي في كل واحد يعني مثلا الدنيا دعوات ليكي ولأهلك وتدعي بالرزق سواء مال او زوج صالح او ابناء صالحين او او او، تدعي بالصحة من الآخر تقدري تقسمي الدعوات في شأن الدنيا لأقسام كتير وادعي لنفسك ولأهلك ده هيخليكي تغتنمي اكبر غنيمة من الدعوات، كذلك نفس الشيء مع الآخرة اقعدي بس مع نفسك رتبي افكارك اكتبي ورقة وقلم وقسميهم واعمليهم في شكل خريطة ذهنية اكتر ده هيخليكي متنسيش إن شاء الله
تم النشر الجمعة، ١٥ مايو ٢٠٢٦
وعليكم السلام ورحمة الله وبركاته يا نهال الغالية 🌸 أول حاجة، متقلقيش خالص، ده شعور طبيعي جدًا بيحصل مع ناس كتير، حتى اللي بيصلوا سنين طويلة! السبب غالبًا إن الصلاة حالة تركيز خاصة، والعقل بيروح للخشوع والقراءة، فالدعاء الشخصي بيحس زي "نسيان مؤقت". بس الحمد لله إنك بتدعي كتير خارج الصلاة، ده أساس قوي 💪. نصائح عملية عشان تتغلبي عليه بإذن الله: ابدئي بوقت محدد : ركزي الدعاء في السجود (أحب الأوقات للدعاء) أو بعد التشهد الأخير قبل السلام . قولي كده: "اللهم اغفر لي ذنوبي، وارزقني [ذكري حاجتك باختصار]، ويسر لي أمري". اكتبي قائمة صغيرة قبل الصلاة : خدي ورقة صغيرة أو مذكرة في الموبايل، اكتبي 3-5 حاجات رئيسية (زي صحة، رزق، عائلة). شوفيها قبل الوضوء، هتفتكريها تلقائيًا. مع الوقت، هتختفي القائمة! استخدمي أدعية السنة السهلة : مثلاً: "رَبِّ اغْفِرْ لِي وَتُوبْ عَلَيَّ إِنَّكَ أَنْتَ التَّوَّابُ الرَّحِيمُ". "اللَّهُمَّ إِنِّي أَسْأَلُكَ الْعَافِيَةَ فِي الدُّنْيَا وَالْآخِرَةِ". اقرئيها من كتاب زي "حصن المسلم"، وعدليها على حاجاتك. مارسي تدريجيًا : في أول ركعة، ركزي على الخشوع بس. في التانية، أضيفي دعاء واحد قصير. هتتعودي، زي أي عادة جديدة 😊. أنتِ قوية ومخلصة في الدعاء، ربنا هييسرلك الدعاء في الصلاة زي باقي الأوقات. استمري، وجربي النهارده! لو عايزة أدعية أكتر أو نصائح، قوليلي. وشوفي أسئلة مشابهة في فدني، هتلاقي إجابات كتير مفيدة. ولو محتاجة استشارة متخصصة في الروحانيات، روحي لصفحة الخبراء: https://www.fedni.net/experts ربنا يتقبل منكِ ويجيب حاجاتك يا رب 🌟
تم النشر الجمعة، ١٥ مايو ٢٠٢٦
و عليكم السلام..بصي ي نهال يمكن دا لأنك بتدخلي الصلاة بتركيز كامل إنك تصلي صح ومتتلخبطيش، فمخك وقتها بيقفل أي أفكار تانية تلقائي حتى الدعوات نفسها، وبعد الصلاة بترجعي تفتكري كل اللي نفسك تدعي بيه عادي. ودا مش شيء وحش بالعكس التركيز في الصلاة نعمة...ومتفكريش إن لازم يكون عندك صيغة دعاء مثالية أو كلام مرتب عشان تدعي، ربنا مش مستني أسلوب معين. ادعي بطريقتك العادية وبأي كلام يطلع من قلبك، لو انتي فعلا شايفه انك لازم تحلي الموضوع دا ممكن تركزي علي دعوه واحده و تكرريها كام مره كدا قبل الصلاه يمكن تثبت شويه معاكي و اول م تيجي تسجدي تفتكريها و تقوليها 🤍
تم النشر الجمعة، ١٥ مايو ٢٠٢٦
انا زيك برضو بنسي ادعي في السجود وافتكر في اخر الصلاه اني نسيت ادعي حليت الموضوع ده اني بدأت قبل ما اصلي استحضر كل الادعيه اللي عايزه اقولها ولما اسجد اقولها كلها في اول سجده بعدها حتي لو نسيت في الباقي انا دعيت خلاص مش عارفه انا حليتها كده ممكن تفيدك وانا مثبته دعاء لكل السجود و اتعودت عليه وهو اللهم انك تحب العفو فاعفو عني ، حتي لو مش هدعي بحاجه تانيه بقوله دايما. ربنا يهدينا ويثبتنا❤️
تم النشر الجمعة، ١٥ مايو ٢٠٢٦
بالك مشغول بحاجات كتير علشان كده بتنسي ،انا كنت كده
تم النشر الاثنين، ١٨ مايو ٢٠٢٦
اول ما تبدإي الصلاة.... اتفلي عن شمالك وقولي... أعوذ بالله السميع العليم من الشيطان الرجيم من همزة ونفخة ونفثة
تم النشر الأحد، ١٧ مايو ٢٠٢٦
ذكرتى اقرب ما يكون العبد من ربه وهو ساجد ، نعم الحرص حرصك ، ما تجربى بقا أقرب ما يكون الرب عز وجل من عبده فى جوف الليل الآخر فإن استطعت أن تكون ممن يذكر الله فمن رواه النسائي والترمذي ، أدعى ربنا فى الوقت دا اللهم أفتح علينا بالدعاء ف السجود اللهم يا واصل المنقطعين صلنا إليك وهكذا ما يفتح الله عليكى ، سيدنا عمر رضي الله عنه كان يقول والله إنى لا أحمل هم الاجابه ولكنى احمل هم الدعاء ، واستغفرى الله
تم النشر السبت، ١٦ مايو ٢٠٢٦
جميل انا مقصدي مافي داعي لصيغه معينه فقط اما إذا قصدك نسيتي شو بدك يعني اساسا فعادي شي طبيعي اوقات بتصير ادعي المهم تدعي ولو مره في الصلاة لائنو ربنا بقول "قُلْ مَا يَعْبَأُ بِكُمْ رَبِّي لَوْلَا دُعَاؤُكُمْ" الدعاء شي جدا عظيم ولو مش عم تتدعي لا تزعلي الله يسر لك امرك وبكل صلاة تكوني متذكرة والدعاء مش محصور بالصلاة بس فيك بعد الصلاة بعد ما تتذكري تدعي كمان حلو ايمت ما بدك خرجك تدعي وانني ادعي انك بالصلاة ماتنسي الدعاء 🫡🫠 @. Nehal
تم النشر السبت، ١٦ مايو ٢٠٢٦
ربنا يشفيك ويعافيك اللهم امين بس تقريبا حضرتك فهمت غلط انا حافظة ادعية وبقولها في اوقات كتيرة اوي وببقي عايزة اقولها في الصلاة لان قال الرسول ﷺ: «أَقْرَبُ ما يَكونُ العَبْدُ مِن رَبِّهِ وهو ساجِدٌ، فأكْثِرُوا الدُّعاءَ» ف انا ببقي نفسي ادعي بس مجرد ما بدخل في الصلاة بنسي انا عايزة ادعي اقول ايه وبحس اني تايهة في اللحظة دي ف انا مش عارفة ايه سبب دا وكمان حاولت اني افتكر واركز جامد ودعيت بس اتلخبط ومكنتش فاكرة دي السجدة الاولي ولا التانية لكن انا الحمدلله بدعي ربنا وحافظة ادعية وعندي ايمان كامل ان ربنا هيستجيب ان شاء الله بس حابة اعمل كل اللي عليا علشان استحق دا @yaze n
تم النشر الجمعة، ١٥ مايو ٢٠٢٦
ولله يا اختنا انتي مش امام رئيس او محامي لحتى تطبقي كلامك بل دعاء ربنا قال وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ" يعني الموضوع بسيط لهاي الدرجه انتي امام رب رحيم بعباده مانك امام عبد متكبر بده الناس ما تحكي معه إلا احسن طريقه "وَقَالَ رَبُّكُمُ ادْعُونِي أَسْتَجِبْ لَكُمْ" هلق في ادعيه كتير ممتاز للحفظ والإنسان جميل انه يقرأها اما الدعاء شي انت بدك تتطلبي بس اطلبي في صدق وائمني بل شي ولله صلي سنه في معي ضعف في نظر صرت اسوي تمارين نظر وادعي ربنا والحمدلله في تحسن وعم ادعي بعرف انو رح يستجاب لائنو انا مئمن انو ربنا شافي
تم النشر الجمعة، ١٥ مايو ٢٠٢٦
وعليكم السلام ورحمة الله وبركاته، هو النسيان من الشيطان عامةً فـ أنتِ مثلًا ممكن تحاولي تستغفري كتير قبل الصلاة وتحاولي مثلًا تدعي في أوقات غير الصلاة يعني ما بين الأذان والإقامة ساعة الاستجابة في يوم الجمعة فـ طبعًا لما تدعي في أوقات الصلاة هتتذكري وقت الصلاة الله يتقبل منك اللهم آمين يارب 💕
تم النشر الجمعة، ١٥ مايو ٢٠٢٦
أكتب الدعاء على ورقة واحفظه
تم النشر السبت، ١٦ مايو ٢٠٢٦
اللهم امين انا والله بدعي في اوقات كتيرة خارج الصلاة بس مستغربة اشمعنا مش بقدر وانا في الصلاة وليه بنسي وبحس اني تايهة وقت السجود @فَاطِمٌ الشَّافِعِيُّ.
تم النشر الجمعة، ١٥ مايو ٢٠٢٦
لعرض السؤال في فدني اضغط هنا