السلام عليكم.
انا متزوجة من ٨ سنين عندى طفلين متزوجة من شخص نرجسي خفى خفيف وبداية الزواج كانت معاملة قاسية جدا ولكن مع مرور الوقت حاجات كتير اتحسنت بسبب رفضى للمعاملة دى
وعندى مشكلة معه فى العلاقة الزوجية . بيطلب منى ما حرمه الله وعمرى مارفضت وعلى مدار ال٨ سنين محاولات كتير اوى لم تتوقف ولكنها تنتهى بالفشل
ومع رفضى هذا انا محرومة من اى معاملة زوجية
من النواحى العاطفية مافيش ما بينى ومابينه اى علاقة عاطفية على مدار ال٨سنوات
ونتج ايضا طلبات فى العلاقة الزوجية كلها مقذذة بالنسبة ليا . وانا برفضها وكانت النتيجة انه بيتهمنى بعدم التغير وانى ارفض اى شىء يطلبه
انا نفسيا حاليا مش عايزة منه اى علاقة ولا حتى تعامل عادى
قدامى حلول ومش عارفة اتصرف ازاى
اولهم الطلاق وده الى انا عايزاه فعلا
ولكن خايفة على اولادى
يعنى بختار بين نفسيتى ونفسيتهم
وحل انى اعيش معاه فى بيت واحد ومايكنش فى بينا اى علاقة. وحسأل عن الحل ده فى دار الافتاء
ولكن معرفش ده حيكون ايه تأثيره على نفسيتى وصحيتى ايه على المدى البعيد
وحل انى افضل مراته على الورق بس ويروح يشوف حياته بعيد عن البيت
وده زيه زى الطلاق ومش حباه لان حيكون له سلطة وتحكم عليا وانا حاليا خلااااص بقيت رفضاه نهائء مش عايزة انعامل معاه
هو كريم فى بيته ومش بيشتم ولا بيضرب
ولكنه جاااااف جدا فى كل شىء يخصنى من معاملة . عمرى ماسمعت كلمة طيبة او فيها مدح طول فترة زواجى
ياريت الاقى حل
لانى خايفة اتاثر بيه ونفسيتى تتعب وده يظهر مع ولادى
لانى اكتشفت مؤخرا ان الحاجات الى بيعملها معايا وبيضايقنى بقيت بعمل منها مع ولادى خايفة يكون عندى اى نوع من اضطرابات الشخصية
خايفة على المدى البعيد حالتى تسوء
يارب الاقى حل يريحنى ويرح اولادى
أعتقد أنك الآن وصلت لمرحلة (فابعثوا حكما من أهله وحكما من أهلها) والمفروض الرأي من جهتك أن يلتزم بإشباع حاجتك من العلاقة الطبيعية وتعهده بذلك مع إصرارك على الامتناع عن الأشياء المحرمة التي يطلبها منك
تم النشر الثلاثاء، ٢ مايو ٢٠٢٣
وعليكم السلام مبدأيا لو هو نرجسي ...مفيش حاجة اسمها يتحسن ويبطل بناءا على رفضك...فهو كده الحمدلله مش نرجسي...ممكن يكون شخصية قوية او متسلطة او حاجات تانيه غير النرجسية خالص. موضوع العلاقة الزوجية ...فى احتمالات كتير وممكن تكون بس معلومات مغلوطة عنده وعندك وباستشارة صغيرة لمتخصص فى النقطة دى الموضوع يتحسن بدون اللجوء للانفصال. انتى محتاجة اشباع لاحتياجاتك بفكرك انتى وهو كمان محتاج ده بفكره هو ....طبعا بعيدا عن الحرام ..محتاجين نقرب بس المسافات بينكم فى النقط الشائكة دى.
تم النشر الثلاثاء، ٢ مايو ٢٠٢٣
ما هي علاقته مع أبنائه؟ كيف شكلها، هل تأثيره عليهم ايجابي، أم سلبي. هل يعتدِ عليكِ بالضرب، الاهانة. هل هو مدرك لحرامنية الأشياء التي يطلبها منك، واعتذر ان كان سؤالي محرجًا ما هي الأشياء التي يطلبها ومحرمة، اسأل لأن كثير من النساء يعتقدون في حرمانية أمور كثيرة لأنها مقززة من وجهة نظرهم، ومن ثم يعتقدوا بحرمانيتها لهذا السبب
تم النشر الثلاثاء، ٢ مايو ٢٠٢٣
طبعا أنت محقة في رفض الأشياء المقززة التي يطلبها منك وتدخل في ما حرم الله (والمحرم هنا فقط هو الوطء في الدبر أو أثناء الحيض) ولكن هل هو ممتنع تماما عن العلاقة الطبيعية التي ينتج عنها أولاد - لأن هذا حقك عليه؟ وهل ناقشت معه مسألة لجوءك إلى الطلاق أو الخلع إن استمر على هذا الامتناع؟
تم النشر الثلاثاء، ٢ مايو ٢٠٢٣
مفيش احتمال أن التحسن دة يستمر لحد ما يبطل يطلب منك ما حرمه الله ؟ وهل جربت تخلي دار الإفتاء أو شيخ يكلمه بنفسه ويقنعه؟ وهو بيبقى رده إيه لما تقولي له أن الحاجات دي حرام؟
تم النشر الثلاثاء، ٢ مايو ٢٠٢٣
ايوة قايم بدور من نحيتى من باب انا بعملك الى انتى عايزاه انتى كمان اعملى الى انا عايزه... قلتله على موضوع الطلاق وكان اول مايوصل الموضوع لطلبي الطلاق كان بيتراجع ظاهريا ويصالحنى. وارجع تانى الاقى نفس الطلب ومش بيتغير . هو حاليا المرة دى اكبر من اى مرة حصل فيها خلاف وحاليا سايب البيت وطلبت الانفصال . وقالى حيشوف خيعمل ايه ويرد عليا ومش بقاله ٣ ايام ومااتصلش . بياصب باامى بسال غنها لانها مريضة ولكنه مااتصلش بيا ولا بالاولا. اخته كلمتنى وسألتنى عن الاولاد وعرفت انه قاعد عندها . وانا حكيت لها كل حاجة وهى للاسف اتصدمت وقالتلى مش عارفة افكر ولا اقولك تعملى ايه . معرفش ايه تأثير طلبي الطلاق المرة دى. لان كده هو متوقع يحصل زى كل مرة ولكنى المرة دى انا حتكون وقفتى كبيرة
تم النشر الثلاثاء، ٢ مايو ٢٠٢٣
انا حاولت محاولات كتير اوى لانهاء الموضوع ده وقلتله لو هو نفسي حروح معاك لدكتور نفسانى لانى اصل الموضوع هو ادمان الاباحيات . وقلتله يروح لشيخ ويسال. هو مش محتاج ده لان اصلا معروف انه حرام. وموضوع انه ياخد وقت ويبطله مش شايفة فى وقت اكتر من ال٨ سنين الى عدوا ولسه مااتغيرش مع كل محاولاتى
تم النشر الثلاثاء، ٢ مايو ٢٠٢٣
لا انا كنت برفض.. انا اتلغبطت فى الكلام
تم النشر الثلاثاء، ٢ مايو ٢٠٢٣
لا بداية المشكلة بقول ان عمرى مارفضت
تم النشر الثلاثاء، ٢ مايو ٢٠٢٣
لعرض السؤال في فدني اضغط هنا