ممكن مساعده رجاء انا متدمره ومنهارة
انا المفروض مأجله سنه بعد ما خلصت تالته ثانوى وكان حلم حياتى أدخل اسنان بس محصلش نصيب ودخلت في حاله اكتئاب وقررت ادخل اى كليه عاديه بس حبيت حد من طرف واحد من تلت سنين دلوقتي المهم انا كنت هدخل اى كليه بس بحكم اننا فقريه وكده وصعايده طالما انا في أى كليه هتجوز بدرى وهو لسه قدامو أخوه اكبر منو دا غير انو اصلا مش بيحبني وقالي كتير انو لسه متعلق بحبو القديم بس كل تصرفاته بتقول اننا حبيبين بس هو بيقولى اننا صحاب انا من عيله متوسطه الحال وبابا من النوع اللى مش بيرفض ليا طلب فنا طلبت منو انو يدخلني كليه علاج طبيعي علشان أفضل اطول مده فالتعليم بس انا كده هظلم اخواتي معايا وانا خايفه اوي
انا حلم حياتي اكون دكتوره بس حاسه ان الموضوع صعب شويه عليا وخايفه ادخل كليه عاديه واتخطب ويضيع الشخص اللى بحبو انا اوقات كتير بفرض نفسي عليه بس غصب عني انا بحبو اويي من تلت سنين انا مش عارفه انساه دا غير اني عارفه انو حرام
انا والله محفظه قرآن مش بس بحفظ فالجامع والموضوع دا كسرني موت انا مش عارفه اعمل ايه ومصاريف الكليه غاليه شويه علينا لاننا من عيله متوسطه وكده هظلم اخواتي جامد معايا وخصوصا اننا خمسه مش عارفه آخد القرار انسحب واقدم على اى كليه لاني عارفه اني مش هعرف اركز على الكليه ودي كليه خاصه كل سنه 100 ألف بتتدفع مش عارفه أتصرف
المفروض هقدم بكرا بس انا خايفه مش عايزه وفنفس الوقت عايزه اقدم على الكليه مش بس علشاني علشان بابا نفسو يشوفني دكتوره وكلام الناس هنا وخصوصا ان ابن عمي دكتور وبنت خالتو دكتوره
انا مش عايزه احس اني اقل من حد ومش عايزه اكون عبأ على اهلى اكتر من كده ودول ست سنين كليه مش سنه ولا اتنين يعني مبلغ كبير اوي هيتدفع انا عايزه ابعد عن الشخص اللى ببحبو بس حاسه اني هكون انانيه لانو في أكتر فتره محتاجني فيها حتا لو هو بيقولى اننا صحاب مش عارفه اتصرف والله
حياتي اتدمرت وماما مش عيزاني ادخل الكليه هيا بتقولى احنا مش مستخسرين فيكي يبنتي الفلوس بس انتي شايفه انكم خمس بنات واننا الحمد لله ميسره معانا بس الكليه غاليه هيا متغلاش عليكي بس حساها صعبه شويه عليكي يبنتي واديكي شايفه اللى بيحصل من انتحار بسبب الفشل فالكليه
اه نسيت اقول ان ابن عمي انتحر وهو فرابعه طب لان الوضع كان صعب ضغط فالمذاكره وبباه اتخانق معاه لانو مش مهتم الفتره الاخيره بالمذاكره فانتحر فماما خايفه عليا دا غير خلاتو وتيته اللى بيقولو ااماما انا البنات ملهاش الا بيت جوزها واديكي هتدخليها كليه يعني مش هتسيبيها كده من غير كليه وهتكمل تعليمها انا محتاره وخايفه خايفه اخد اى خطوه فحياتي اندم عليها بعدين انا بجد مش عارفه اتصرف💔
دا غير اني من لما خلصت ثانويه عامه نسيت كل حاجه لدرجه إن الانجلش بتاعي يدوبك بقرء كلمات عاديه وبحل الاسأله السهله فقط ومش فاكره الكلمات ولا القواعد وبدأت كورس انجلش بس حاسه الوضع صعب مش عايزهوحد يشمت فيا وخصوصا كلهم هنا بيكرهوني ومحدش كان عايزني ادخل ثانوي وانا اللى عاندت وبابا وقف جمبي بس دلوقتي الكل مستني اغلط واقع علشان يشمتو فيا فانا عايزه ادخل الكليه واثبت نفسي فيها بس فنفس الوقت خايفه اوي من اللى جاى وهل هقدر على الكليه ولا لا😭😭 💔
السلام عليكم ورحمه الله وبركاته. اللي انا هقدر اساعدك بيه اني اقول لك انه اي قرار او اي اتجاه انت ريحاه وكل اسبابك متعلقه بانك تثبتي شيء للآخرين او تبقي وصلتي لحاجه بشكل غير مباشر فاعرفي انه القرار اللي انت بتاخديه ده. مش احسن حاجه ومش هو ده اللي هيوصلك انا هقول لك وجهه نظري الشخصيه ونصيحتي انا الشخصيه وانت فكري كويس جدا انك تحبي شخص وهو ما بيحبكيش وانت مقتنعه كده انك بتوفري كل الظروف عشان تكوني مع الشخص ده انت بترتكبي أكبر خطا في حق نفسك حطيتي نفسك في درجه قليله قصاد إنه انت تقدمي الحب لحد ودي حاجه يعني لو بصيتي لنفسك فيها وقلت هو أنا فين هتلاقي نفسك مش موجوده وكل اللي موجود هو الشخص اللي انت بتقدمي له الحب وده تقدير قليل قوي لنفسك يعني حرام عليك إن انت تعملي أنت تستاهلي انك اللي قدامك هو اللي يحسسك انك غاليه وان هو يتمنى ان هو يكون معك وانت تقبلي وتقولي تمام هوافق عليك لكن العكس ده سيء جدا جدا جدا وفي مرحله من مراحل الحياه هتشوفي إنه انا ما كنتش المفروض اعمل كده لانه ده خلينا نقول انه نمط او السياق اللي بيمشي فيه هيبقى طول الوقت مع اي مشكله ومع اي حاجه الشخص ده يبص لك وهيقول لك على فكره انا ما كنتش عايزك اصلا من الاول ما اعتقدش انك هتقدري تتعاملي مع ده لمده طويله وهتيجي في مرحله تقولي انا غلطت ان انا اصلا عملت كده لانه هيكون عنده دائما مبرر ان هو يأنبك ما تعمليش كده في نفسك ارجوكي. مساله التعليم لاي مجال الا لما تكوني عارفه كويس قوي انت هتعملي ايه بالمجال ده وخصوصا لما يكون الموضوع فيه مصاريف كليه خاصه بالحجم ده الامور الاقتصاديه حاليا كل وقت بتتطور وللاسف بتكون عبء اكبر فحتى لو ماما وبابا قدروا يضغطوا على نفسهم دلوقتي في السنه الحاليه بتاعتك وتفضل الأمور مستقره في البيت وارد جدا الامور كمان سنه وكليه تزود المصاريف بتاعتها وارد انه كمان سنه او سنتين تلاقي الوضع بقى لا يحتمل وتلاقي نفسك بقيتي للاسف وبالاجبار ممكن تكوني قدام اختيار انك تسيبي الكليه خالص فاحنا هنا هنبقى عملنا ايه ليه بنحط نفسنا في الوضع الخطر ده لو حطينا نفسنا في الوضع ده لازم نكون عارفين كويس قوي ان احنا فعلا هنعمل. مجهود قد ده وان احنا فعلا النتيجه بتاعه ده هناخدها وهنحقق بها شيء يساوي كل اللي اتحط فيها فلو احنا مش واثقين من نفسنا في ده اللي هو كل الحاجات اللي انت بتقوليها عن نفسك انا مش عارفه اذا كنت اقدر على الكليه ولا لا انا مش عارفه اذا كنت انا فعلا عايزه ده ولا لا بيقول انه لا الموضوع هنا مش مؤكد ومنصحكيش انك تروحي تقدمي أو تدفعي فلوس دلوقتي خالص. اثباتا لنفسك وانك تشوفي نفسك ناجحه او انك تشوفي نفسك محققه شيء جميل ده بيتعمل في كل المجالات المهم انك تكوني فعلا بتتجهي لمجال او لحاجه تفيدك وانت تقدري تفيدي بيها غيرك هو ده اهم حاجه المظاهر الاجتماعيه مش هتنفعك باي حاجه مش هتنفع اهلك باي حاجه ما يكون البيت بدأ يتأزم واساسيته مش موجوده عشان خاطر مظهر اجتماعي صدقيني مظهر الاجتماعي ده مش هيخلينا مبسوطين مش هيخلينا مرتاحين نفسيا مش هيخلينا عندنا اللي احنا محتاجينه لا ده هيسبب ازمات كثير جدا انتم في غنى عنها وخصوصا انك اصلا مش متاكده انت عايزه المجال ده ولا لا فكل الاسباب بتاعه انا هدخل الكليه دي عشان خاطر بنت عمي ولا ابن خالي ولا مش عارفه مين اسمه دكتور جنب اسمه دكتور وخلاص فانا هيبقى جنبي اسمي دكتور لا لا لا ده هدف واهي جدا يعني ما ينفعش انه تتبني القرارات عليه برده علشان خاطر تأجلي لنفسك وقت تدي لنفسك وقت عشان خاطر الشخص اللي انت بتحبيه وهو مش بيحبك اللي هو اصلا ممكن تلاقيه في نص الوقت كده وأنت بتدرسي يقول لك شكرا ميرسي انا لقيت حد بحبه لا يعني برده مش سبب خالص يخليكي تتجهي في الاتجاه ده.
تم النشر السبت، ١٧ مايو ٢٠٢٥
يا عزيزتي، أقدر جداً شعورك بالحيرة والضغط اللي أنتي فيه دلوقتي، ومرورك بتلك المشاعر القوية من حزن وخوف وضياع أمر طبيعي جداً في ظل الظروف اللي بتحكي عنها. خليني أساعدك أفكر خطوة خطوة معك. 1. موضوع الدراسة والشهادة: حلمك تكوني دكتورة أسنان شيء جميل ومهم لأنك بتحبي المجال ده وده أملك ومستقبلك. لكن الظروف أحياناً بتخلينا نعدل في الخطط مش معنى كده إن الحلم انتهى. دخول أي كلية مش “عادي” لأن الكلية فرصة لتتعلمي وتنمي ذاتك وتثبتي نفسك في المجتمع، وهذا شيء ما يقلل من شأنك أبداً. الكلية الخاصة غالية والمصاريف عبء على العيلة خصوصاً أنكم خمس بنات، وهذا شيء لازم تراعينه وتتفهميه. نصيحتي: لو الجودة التعليمية في كلية العلاج الطبيعي كويسة، ممكن تكون خيار جيد عشان تتميّزي وتتطوري، وتطولي فترة التعليم بعيد عن الضغوط الزائدة اللي بتحسي بيها. ركزي في تطوير نفسك مهارياً وعلمياً عشان البعد عن المجال اللي حلمتي بيه ما يجعلكش تحسي بالفشل، بل ابدأي تبني طريق جديد بكفاءة وإصرار. 2. موضوع الحب والعلاقة: واضح إن حبك لهذا الشخص متعمق، لكن هو ما بيبادلك نفس الشعور، وهذا يؤلم بطبيعة الحال. من الناحية الشرعية والنفسية، الحب من طرف واحد مؤلم ومؤذي، وهو ممكن يكون سبب في تأخرك أو عدم تركيزك دراسيًا. مش غلط أبداً إنك تفكري تبعدي عنه، لأن صحتك النفسية أهم من أي شيء. الابتعاد مش أنانية، بالعكس هو حماية لنفسك ولحياتك. 3. ضغط العائلة والمجتمع: ضغوط الناس والأهل كثيره وجزء منها طبيعي ولكن لازم تواجهيها بثقة. والديك ولاحظت أن ماما قلقة من الصعوبات اللي ممكن تواجهك، وهي تخاف لأن الحياة صعبة فعلاً. احنا بنعيش في مجتمع فيه تحديات، لكن هذا لا يمنعك من تحقيق شيء جميل وأفضل. 4. نصائح عملية: رتبي أولوياتك، وضعي جدول يومي للدراسة ولو حتى ساعة أو ساعتين تشتغلي على نفسك. قسمي هدفك الكبير (الدراسة، النجاح، الاستقلال) لأهداف صغيرة وممكنة تتحققيها خطوة خطوة. لو الطلاب حوالينك مش داعمين، حاولي تجدي أصدقاء أو موجهين إيجابيين حتى لو عبر الإنترنت أو في المدرسة. طالما بتاخدي كورس إنجليزي، زوّدي اهتمامك بيه بتمارين بسيطة يومية حتى ترجع ذاكرتك وقواك العقلية. 5. من الناحية الروحية: تذكري أن الله ما ينسى عبدًا يلجأ له بصدق، الدعاء والتوكل على الله والنوم على حُسن الظن به يخلوا القلب ارتاح. ابتعدي عن أي شيء يضرك نفسيًا أو روحيًا، وانتي تقدري تواجهين الظروف بإيمان وصبر. 6. خطوات مقترحة: تحدثي مع والدك ووالدتك بصدق عن مخاوفك وهمومك وفرصك. فكري بإمكانية استشارة خبير نفسي أو مدرب حياة من خلال منصة فدني حتى يساعدك تخططي للمستقبل. يمكن تداوري على خبراء التعليم أو التمويل عبر فدني الخاص بالسؤال عن منح أو طرق تخفيض المصاريف، لأن العلم حق لكل فتاة تطمح لمستقبل أفضل. أنتِ قوية وقادرة، الحياة مش بتقف عند عثرات، بل هي طريق مليء بالتجارب. جربي تتخذي خطوة بسيطة بوضوح وثقة. وإذا حبيتي نقدر نساعدك نلاقي خبراء في فدني يقدمولك استشارة خاصة. أنا معاكِ، ومستعدة أسمع منك دايمًا، فلا تترددي تسألي أو تشاركي أي شيء يخطر على بالك. دمتِ بخير يا غالية 💖🌸 – ذكية
تم النشر الجمعة، ١٦ مايو ٢٠٢٥
بصي هقول لك على حاجه خلي اختياراتك انت كده دخول الكليه بالنسبه لك اصلا مش عشان خاطر كان حلم وكده بس ده عشان خاطر كذا سبب. فانا بقول لك لو انت مثلا متاحه قدامك كليات تانيه كويسه كليه علوم كليه تمريض كليات كويسه او اهتماماتك في مكان ثاني انت ممكن تسيبي الكليه الخاصه دي عشان هي بمصاريف كثير بدل ما تزنقي اهلك وتيجي عليهم وتدخلي الكليات تانيه لو انت قدام الكليات ثانيه كويسه. لو مش قدامك واهلك مستعدين يدخلوك الكليه دي فادخليها ماشي لو انت لو ابوك عايز يحقق فيك حلمه وانت كان نفسك تدخلي كليه زي دي وهما قالوا لك خلاص انا دخلك ادخلي وممكن تدوري واهم حاجه تبقى متفوقه يعني تبقي تلاقي بقى هو وعد بقى بينك وبين نفسك ان انا هتعب عشان ما ازعلهمش في يوم من الايام يعني مش هينفع بصراحه يصرفوا المصاريف دي كلها ويجيء واحده تكسرهم وتسقط وتشيل ما ينفعش يعني ده مش ده مش مقبول نهائي. حته بقى الشخص اللي انت بتكلميه ده عايزه اقول لك الحياه من دلوقتي. الشخص ده هيسيبك ما انتوش متجوزين مانتوش هتتجمعوا وبعد كده هي حقيقه مؤلمه بس دي الحقيقه فعلا اصلا ده يعني لو عايزك ما كانش هيكلمك اساسا من غير ما اهلك يعرفها ماشي ولو الظروف مش مش متيسره دلوقتي فمش هتكون متيسره خالص طول ما انتوا مع عشان تكوني عارفه اول لما تطلعي من حياته هتتيسر وهتلاقي راح خطب واتجوز كمان فايه الحل فالحل يا بنت الحلال ان انت تطلعي من العلاقه دي ليه عشان علاقه محرمه واللي احنا فعلا بنبتديه بعدم الرضا من ربنا بيتقفل في الاخر بعدم رضا لينا كده كده يعني دي قاعده ثابته وانت نفسك بتقولي ان هو مش مش بيحبني ولا حاجه ولسه بيحن الحب القديم مستحيل هيتجوزك عشان تكوني عارفه هتجيبي لنفسك غم وقرف كل شويه يقول لك انا حنيه كل شويه يقول لك وحشتني كل شويه ايه القرف ده ليه ليه بتعملي في نفسك كده سيبك من العلاقه دي هتتعبي شويه تتعبي شويه اتعبي شويه دلوقتي عيطي شويه دلوقتي بس ما تعيطيش طول العمر.
تم النشر السبت، ١٧ مايو ٢٠٢٥
لعرض السؤال في فدني اضغط هنا