انا عندى مشكله بيتقدملى كذا حد بس مش بيعجبني ولا ببقي حساه حاليا انا في شخص معجبه بيه ودى حاجه مش بتحصل كتتير انا مش عارفه بجد اعمل ايه لان دى حاجه اول مره اعدى بيها ولكن شايفاه كتير مناسب وتعاملنا بسيط جدا في حدود الشغل فمش عارفه اعمل ايه هو بيتعامل معايا حلو بس الطبيعي يعنى
السلام عليكم، الإعجاب ممكن يكون عشان صورة خارجية أنتِ شايفاها منه لكن مش ضروري تكون الصورة صح وممكن لو أخدتِ خطوة نحوه بنفسك تندمي بعدين لما تكتشفي إنه كان غير ما أنتِ متخيلة أو تتعمقي في مشاعرك مع الوقت من طرف واحد ويبقى صعب التخلص منها. أنتِ دلوقتي على البر، الإعجاب مدخل للحب والتعلق لكن ممكن نوقف عند مرحلة إعجاب وخلاص. ___ إذا الشخص ده كان مهتم وحاول يقرب منك فوقتها ممكن تفتحي الباب بالطريقة الوحيدة المباحة وهي إنك تعطيه رقم أهلك وهو يتقدم زي أي شخص بيتقدم لك حاليًا وتقييمه كخاطب بعيدًا عن مسألة الإعجاب والمشاعر عشان تعرفي تقييمي صح. المشاعر للأسف لو سيطرت دلوقتي أو في فترة الخطبة لو حصل نصيب فهتأثر على حكمك وهتخليكِ تتنازلي أو تتغاضي عن عيوب واضحة على أمل تغيير الشخص بعد الزواج أو تتجاوزي عن أشياء كتير أو متشوفيهاش من الأساس. تعاملي عادي معه في حدود الشغل والتزمي بالحدود اللي وضعها الدين بين الجنسين وركزي في حياتك وإذا فيه ناس بتتقدم عادي اقعدي معهم ممكن تلاقي فيهم إن شاء الله حد تُعجبي به ويكون نصيبك.. محدش عارف النصيب فين. ربنا يكتب لك الخير حيثما كان ويرضيك به.
تم النشر الخميس، ٢٢ مايو ٢٠٢٥
بنصحك ما تطوري مشاعرك مع الشخص الي بيشتغل معك(ولو بينك وبين نفسك)، اذا معني بيقدر يتقدملك... بالنسبة للشعور، مش بالضرورة تشعري باشي تجاه شخص غريب تقدملك اصلا.. هون احنا منحكّم العقل، منشوف التوافق والقبول فقط لا غير... وبعدين لما نستخير ويكون الشخص مناسب، كل اشي بيتيسّر بطريقة ما رح تتخيليها، ووقتها بتحسي بالمشاعر وبتحسي انو ربنا بالفعل بعثلك الشخص المناسب❤
تم النشر الأحد، ١٨ مايو ٢٠٢٥
لعرض السؤال في فدني اضغط هنا