مساء الخير 👋🏻
عمري ٢٣ سنة ولم اصنع لنفسي كارير أو عمل ف كنت عاوز استأجر سوبر ماركت ب٣٠٠٠ ومش معايا فلوس ابدأ المشروع بس فكرت أنه اخد قرض ٢٥٠٠٠ بدون فوائد واسدده من مكسب السوبر ماركت.... وانا متردد في دخولي للمشروع
ممكن نصيحة اعمل بيها ؟
علما بان السوبر ماركت بيدخل ٢٠٠٠ ج.م في اليوم
مساء النور والله انا لرأي أنك متخدش قرض خالص لأنك مش هتضمن حاجه غير كمان أنك بتقول أن السوبر ماركت بيكسب ٢٠٠٠ فاليوم و الله اعلم يمكن يوم يعدي ازاي يمكن يوم يعدي ب أقل طب انت دلوقتي ٢٣ سنه يعني الحمد لله شاب لسه ف بدايتك أنت ممكن تشتغل أي شغلانه تانيه فتره معينه سنه بكتير و تفتح مثلا محل سوبر ماركت تنزل بضاعه و تشغله حد يقف فيه حد تعرفه كويس و تفتح محل بضايع كبير اللي بيجيب بضايع افراح و غيره. على الأقل انت كدا مش هتكون شايل هم قرض ضامن نفسك لو ريحت يوم. أبدأ من خطوه صغيره و كبرها. متبدأش على كبير على طول وانا بقول من مجرب و الحمد الله الناس اللي معيا اقل شيك من المحل بيطلع ب 300 الف ف انت هتجيب ٢٥٠ الف مش يكفو معاك حاجه ابدأ من نفسك لى مشروع صغير تجربه معاك و اشتغل في مطعم اي حاجه تانيه فرح المحل اللي هتفتحه ويكون من تعبك انت علشان تعرف تكبره
تم النشر السبت، ١٨ أبريل ٢٠٢٦
الافضل إنك متخدش قرض لأن الشغل في سوبر ماركت مفيش فيه ضمان مكسب و لو هتكسب المكسب هيبقى قليل الافضل انك تشتغل في حاجه ليها مرتب و بعد كده ابقا اشتري احسن ما تأجر و احسن بكتير من القروض لأن مع الوقت متضمنش هتقدر تدفع كل شهر ولا لا بلاش احسن
تم النشر الثلاثاء، ٢١ أبريل ٢٠٢٦
مساء النور يا بطل! 👋🏻 أولاً، أحييك على حماسك في سن ٢٣، ده عمر ذهبي لبناء مستقبلك، وترددك طبيعي تماماً – ده علامة حكمة مش ضعف. تحليل سريع لفكرتك: الدخل اليومي ٢٠٠٠ ج.م : لو ده إيرادات (مش صافي ربح)، هيبقى ربحك بعد خصم تكاليف البضاعة (٦٠-٧٠%)، إيجار ٣٠٠٠ شهرياً، كهرباء، رواتب (لو في موظفين)، ومفاجآت زي تلف السلع؟ ممكن يتبقى ٢٠-٤٠ ألف شهرياً صافي، بس لازم تتأكد من الأرقام دي من المالك السابق (اطلب حسابات محاسبية حقيقية). القرض ٢٥٠٠٠ بدون فوائد : صفقة ممتازة (شكراً لبرامج الدعم الإسلامية أو الحكومية)، ولو سددته من الأرباح، هيخلص في شهور قليلة. بس لو المشروع وقف، هتتعب في السداد. نصيحتي العملية (خطوات واضحة): اعمل دراسة جدوى بسيطة النهارده : اكتب تكاليف شهرية متوقعة (بضاعة، إيجار، نقل، ضرائب). زور السوبر ماركت يومين كعميل، شوف حركة الزباين، واتكلم مع الجيران عن المنافسة. استخدم تطبيقات مجانية زي "جوجل شيتس" لحساب: إيرادات - مصروفات = ربح. ابدأ صغير : لو مفيش خبرة، جرب تشارك مع شريك (صديق أو قريب موثوق) أو ابدأ مشروع أصغر زي عربة أكل أو بيع أونلاين عشان تتعلم بدون مخاطر كبيرة. طور نفسك : اقرأ كتاب "الأب الغني الأب الفقير" أو شوف فيديوهات يوتيوب عن إدارة سوبر ماركت في مصر. وتذكر قول الله تعالى: "وَمَنْ يَتَّقِ اللَّهَ يَجْعَلْ لَهُ مَخْرَجًا" – خطط كويس وتوكل. لو قررت تدخل : ابدأ بـ١٠٠٠٠ من القرض للبضاعة الأولى، وتابع يومياً. حدد هدف: سداد القرض في ٦ أشهر. القرار النهائي : لو الأرقام قوية والمكان ممتاز، روح فيها – ده خطوة جريئة هتبني كاريرك! أنت قادر تنجح! خطوة صغيرة النهارده هتغير حياتك. قولي إيه رأيك بعد الدراسة؟ 💪🏻
تم النشر الجمعة، ١٧ أبريل ٢٠٢٦
مش عارف في نصايح المجال دا اوي بس الي اعرفه حاول تخلي السوبر ماركت قدام مدرسه او مستشفي او مكان صاحي لو امكن دي بتفرق بإذن الله ربنا يوفقك ويقويك
تم النشر الأحد، ١٩ أبريل ٢٠٢٦
فكر في اكتر من مشروع واكتر من بديل ورتب اولوياتك كويس اوي وبطريقه عقلانيه حتى ف الدخل واعمل حسابك على اقل دخل
تم النشر الأحد، ١٩ أبريل ٢٠٢٦
انا عاوز اقولك ان المكسب ممكن يبقى 2000 بس عمر ما يكون راس المال 25000 اولا ثانيا الدخل 2000 مش المكسب ثالثا البقاله مكسبها ضعيف جدا مقارنة باي مشروع تجاري تاني
تم النشر السبت، ١٨ أبريل ٢٠٢٦
هو فيه قرض بدون فوايد ؟ يعنى فيه حد هسلفك فلوس لله والوطن كدا ؟ ممكن توضحلى معلش
تم النشر السبت، ١٨ أبريل ٢٠٢٦
لعرض السؤال في فدني اضغط هنا