إجابة علي السؤال: هل حرام قراءة روايات عن الجن والعفاريت وأيضًا قراءة روايات الخيال العلمي؟

وعليكم السلام ورحمه الله وبركاته مش عارفه ايه اللي خلاكي تشكي انه ممكن يكون في هنا حرمانيه. الحاجات اللي بتبقى واضحه جدا ان هي حرام اللي هتكون بتتكلم عن اي حاجه ضد الاسلام رد تعليم الاسلام او حاجه بتزين الحاجات الغلط والحاجات الحرام وبتحطها في سياق. يحببها الى النفس يعني ويبينها انها حاجه عاديه عموما الحاجات اللي هتبقى بتدخلي افكار غلط فهنا انا مش عارفه هل انت شوفتي انه دي افكاره غلط انه فيه جن مسلم وجن كافر هو دي حقايق موجوده يعني الجن هما هو من امثالنا زيهم زينا فيهم المسلم والكافر والمؤمن والمذنب وكل حاجه يعني الفكره بقى الثانيه بتاعه الحلال والحرام انك تسلي وقت بيها طيب لو هي بقت بتاخذ من وقتك فانت ما بقيتيش ملتزمه مثلا بالفروض وبالحاجات.

إجابة من Yasmine Tawfik

تم النشر الأربعاء، ٥ فبراير ٢٠٢٥

8 تعليق

قصص الأنبياء لا تدخل في نطاق السير الذاتية .. أنت مش متخيلة التسلية والمتعة والفائدة الموجودة في قراءة كتاب مثل (حياتي) لأحمد أمين أو كتاب (البلاء الشديد والميلاد الجديد) لمعتقل سابق في جوانتانامو يحكي فيه قصته وغير ذلك!

تم النشر الخميس، ٦ فبراير ٢٠٢٥


طبعاً اتفق مع حضرتك السير الذاتيه و خاصه للأنبياء و الرسل رائعه و أنا فعلاً بقرأها و خلصت كتير منها، بصراحه مبيجذبنيش الروايات التاريخية الغير دينيه ، و بالنسبه لفكري و شخصيتي ف بعمل اكيد حاجات كتيره تانيه ذي سماع بودكاست و التدبر في معاني القرآن ، اعتقد حضرتك فهمت مقصدي بشكل خاطئ أنا بقرأ الروايات بدلاً من حاجات كتيره غيرنا بيعملها ف يومو ذي الخروج ، انا مبحبهوش بفضل اقعد اقرأ احسن ، و دي ممارسه هوايه مش اكتر معتقدش إن حرام ممارسه الهوايات ، انا دي مرتي الأولى في قراءه النوع الخاص بالجن عشان كدا بسأل حرام أو لاء ، و شكراً لحضرتك مره تانيه

تم النشر الخميس، ٦ فبراير ٢٠٢٥


القصص الواقعية التي حدثت بالفعل (كالسير الذاتية والتاريخية غير ذلك) أنفع ألف مرة من قراءة هذه القصص الخيالية فإنها ستثري شخصيتك وفكرك وتجعلك إنسانا أفضل وهي مسلية جدا في نفس الوقت!

تم النشر الخميس، ٦ فبراير ٢٠٢٥


عشان أقرر شيئ ذي ده أكيد لازم أعرف دليل قاطع على إن هو حرام ولا حلال، لإن لو كان حرام لا أنا ولا أولادي إن شاء الله هنقرأها أبداً ، لكن لو حلال و مفهاش اي خطأ ف هقرأها و لو هم عايزين يقرأوها مش همنعهم يمكن متعتهم في قراءة النوع ده و اكيد كل واحد و ذوقو في الإختيار ، اتمنى حضرتك تكون فهمت قصدي و شكراً لإجابتك

تم النشر الخميس، ٦ فبراير ٢٠٢٥


حاولي تجاوبي على نفسك بالجواب اللي تحبي ابنك أو بنتك إن شاء الله تسمعه لو كانت عايزة تسلي وقتها بقراءة قصص الجن والعفاريت وهتلاقي نفسك وصلت لإجابة كويسة

تم النشر الخميس، ٦ فبراير ٢٠٢٥


دا نوع من انواع ممارسه هوايتي ذي الرسم و ذي حاجات تانيه كتير ، و طبعاً مش بخليها تبعدني عن فروض الأساسيه ذي الصلاه و ذي المذاكره او اي حاجه ، من البدايه بكون عارفه ان دا خيال علمي و الكاتب من البدايه بيبدأها انها من وحي خيالو اكيد مبخدش بيها كمصدر موثوق لمعلومات عن الجن او معلومات ف الحياه بشكل عام ، بس هي بتتكلم عن عالم تاني ف عشان كدا كنت حابه اعرف هل حرام اصلا من البدايه اختراع قصص من وحي خيال الكاتب على عالم نجهل بيه و هل انا أثمه على قراءه حاجه ذي دي ولا لاء ،و شكرا لحضرتك

تم النشر الأربعاء، ٥ فبراير ٢٠٢٥


طبعا اذا كان معندناش وعى ومعرفة كافيه بالحقايق ..فهيبقى الافضل نتجنبها عشان منعتبرش اللى فيها معلومات مصدقه

تم النشر الأربعاء، ٥ فبراير ٢٠٢٥


المشكلة أن كاتب الرواية وقارئ الرواية جهلة بهذا العالم الذي أخفاه الله عنا والقوانين التي تحكم هذا العالم ومن السهل جدا أن يخترع الكاتب أخلاقا وعادات للجن ليس لها أي أساس من الصحة ومن ثم يكتسب القارئ صورة مغلوطة تماما عنهم

تم النشر الأربعاء، ٥ فبراير ٢٠٢٥

لعرض الإجابة في فدني اضغط هنا

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك