أنا مش لاقيه نفسي وحاسه انى تايهه وحاسه انى متكتفه عندي اكتئاب مليش نفس أخرج من البيت بدون سبب واضح أنا حتى الحاجات اللي كنت بحب اعملها بشغف معتش عايزه أعملها حتى الصلاه معتش بصلي
أنا مش عارفه اعمل ايه بجد مرهقه نفسياً ومش عارفه أساعد نفسي حد كان زيي كده ؟ أنا الحاله دي بتجيلي من فتره للتانيه وبطلع منها بسرعه بس المره دي مطوله ومش عارفه أساعد نفسي لاني مش لاقيه سبب جيت اكتب هنا لعل وعسى الاقي حل😔
انا كنت زيك بس كنت لتاثر من كلام الناس عليا وعدم الثقه باانفس بسبب تنمر فالطفولي بس في دكتور نفسي قالي ان الناس دي مش ملايكه عشان نخاف ونعملهم حساب للكلام انا بقولك كدا عشان تكبري دماغك بدل متتعبي نفسك الاكتئب اوقات كتير بيجي بسبب التفكير الكتير وده غلط سيبها علي الله وارجعي لصلاتك وارجعي تاني لربنا وربنا هيريح قلبك بأذن الله متقعديش لوحدك لان ده بيزود الاكتاب اكتر اقعدي مع اهلك مع اصحابك اخرجي وفكي عن نفسك وبلاش تفكير كتير لانك انتي الي هتتعبي ودي نصيحه من مجربه لان انا بسبب الاكتاب شعري وقع وبشرتي انطفت وبقبت بعيط اكتر مبتكلم كانت ملزماني دوخه مش باكل غيرقليل كرهت نفسي لدرجه ان كنت بفكر فالانتحار ومره كنت فعلا هعملها بس فقت وربنا يسامحني علي ده بس فقت واتحسنت لما طنشت وبقيت ادوس علي نفسي عشان ارجع البنت الي كانت كلها نشاط وحيويه
تم النشر الجمعة، ٦ فبراير ٢٠٢٦
لا حول ولا قوة إلا بالله، ارجعي صلي يا غالية، اجبري نفسك على الصلاة، أول ما يُسأل العبد عنه يوم القيامة الصلاة، ف حاولي ترجعي واحدة واحدة تصلي لأن دي أول حاجة بتكون سبب في استقرار علاقتك النفسية بنفسك !, ولو بتسمعي أغاني أو بتتفرجي على مسلسلات حاولي تبطلي على قد ما تقدري يا غالية واستبدلي الحاجات دي بحاجة نافعة ليكِ، واقرأي قرآن واذكري الله كتير، ربنا سبحانه وتعالى بيقول (ومن أعرض عن ذكري فإن لهُ معيشةً ضنكًا)، يعني أنتِ مش بس تركتِ ذكر الله، أنتِ مش بتصلي ! ، ف أكيد حياتك مش هتبقى وردية زي ما تتمنيها، واستبدلي الأغاني والمسلسلات بسماع القرآن أو أنك تسمعي بودكاست وتتفرجي على حلقات تفيدك أو تقرأي في كتاب أو أي شيء، لأن أكيد أنتِ مش حابة حالتك دي وعاوزة تطلعي منها، وأكيد مش هتطلعي منها غير بالإستعانة بالله وأنك تحاولي ترجعي وتتوبي لله عز وجل، وتذكري الله كتير وبإذن الله نفسيتك تتحسن ويبقا عندك قابلية لكل دا، متخليش شيطانك أقوى منك يا غالية، والنصيحة دي من حد كان في نفس موضعك قبل كدا، ولله الحمد على الهداية، الله يردك إليه ردًا جميلًا.
تم النشر الجمعة، ٦ فبراير ٢٠٢٦
الإكتئاب ده مرض نفسي منتشر المهم عايزين نعرف اه سبب الحاله النفسيه دي هل هو فشل في العمل هل هو عاطفي هل هو فشل في حياتك وحاسه ان فيه ناس عكسك في كل شيء عايزة تنجحي في اي حاجه ومش عارفه الحل انك تتركي كل شيء وراء ظهرك وحاولي تنجحي في شيء يشغلك طبعا مع صلاتك والدعاء دائماً والاستغفار
تم النشر الجمعة، ٦ فبراير ٢٠٢٦
والله انا ساعات ببقي زيك بس ليه اسباب عندي ممكن تعمل ورد من ذكر والقرآن الاستغفار والصلاة علي النبي مطوعيش نفسك في موضوع الصلاه علي قد ما تقدري اول ما تسمعي الاذان قومي اتوضي وصلي وممكن بردو تتكلمي مع حد متخصص أو شوفي لو فيه حاجه مضايقكي اووفيه مشكله بتاثر
تم النشر الخميس، ٥ فبراير ٢٠٢٦
أهلاً يا قمر، أنا ذكية، وأنا فاهمة تماماً اللي بتمرّي بيه.. ده إحساس الضياع والإرهاق النفسي اللي بيخلّي الدنيا كلها رمادية، وخصوصاً لما يطول زي دلوقتي. أنتِ مش لوحدك، كتير ناس بيحسوا كده، وأحلى حاجة إنكِ عارفة إنه بيروح وهترجعي أقوى 💪. خطوات عملية تساعدكِ تطلعي منه بسرعة (ابدئي بواحدة بس النهارده): رجّعي الصلاة خطوة خطوة : وادعي دائما بدعاء "اللهم أعنّي على ذكرك وشكرك وحسن عبادتك". الصلاة هي مفتاح الفرج، وهترجّع الشغف تدريجياً. جربي تسمعي قرآن هادي. حدّدي هدف صغير يومي : مش لازم تخرجي بدون سبب، بس قولي لنفسكِ "هقوم أمشي 5 دقايق قدام البيت" أو "هغسّل وشّي وألبس حاجة حلوة". النجاحات الصغيرة دي بتبني الدوبامين (هرمون السعادة) وترجّع الشغف. اكتبي 3 نعم كل يوم : خدي ورقة واكتبي "الحمد لله على.. (صحتي/أكلي/شمسي)". ده بيغيّر النظرة السلبية وبيخليك تركزي على الإيجابيات في حياتك. غيّري روتين بسيط : نظّفي الغرفة شوية، أو اعملي شاي واتفرجي على فيديوهات خفيفة ومفيدة. الجسم لما يتحرّك، العقل بيتحرّك معاه. لو استمرّت الحالة أكتر من أسبوعين، روحي لدكتور نفسي أو استشيري خبراء فدني في صفحة الخبراء: https://www.fedni.net/experts – فيه متخصصين في الصحة النفسية والإرشاد الإسلامي هيفهموكِ أحسن. ابحثي في فدني عن "فقدان الشغف" أو "اكتئاب" هتلاقي إجابات كتير من ناس زيكِ. أنتِ قوية وهتخرجي منها، صدقيني.😊❤️
تم النشر الخميس، ٥ فبراير ٢٠٢٦
مش قادره اصلي حتى
تم النشر الخميس، ٥ فبراير ٢٠٢٦
من كلامك انك اهملت الصلاة ودى اول حاجة بتسبب الاكتئاب لازم ترجعى تنتظمى فى الصلاة وتدعى ربنا يفرج همك ويعينك
تم النشر الخميس، ٥ فبراير ٢٠٢٦
ما هو ده من الشيطان لازم تتوكلى على الله وتدعيه بايمان ان يفرج همك وصدقينى بمجرد الانتظام فى الصلاة والدعاء هيفرق كتير..الله تعالى يقول ومن اعرض عن ذكرى فان له معيشة ضنكا ونحشره يوم القيامة اعمى..ربنا يفرج همك
تم النشر الخميس، ٥ فبراير ٢٠٢٦
لعرض السؤال في فدني اضغط هنا