انا عندى ١٩ سنه حاليا فى سنه اولى كنت بدرس لغه عربيه وموفقتش فيها وأهلي مش راضين يطلعونى بره المنصورة ادرس
انا ازهر فكان متاح ليا دراسات لغه عربيه واصول وشريعه وشريعة وقانون وكل دول مش عاوزاهم كدا كدا هعيد السنه فقررت اطلع من الكليه دى
انا مش عارفه ادخل إيه تانى فى نطاق المنصورة غير أن انا بقيت انطوائيه من اربع سنين لوحدى ودايما حاسه بفراغ وفقدان شغف وحالتى النفسيه فى الصفر حتى معنديش قدره اعبر عن اللي جوايا كل حاجه زفت وبقيت هشه جدا حتى اهلى لما عرفوا أن موفقتش فى الكليه مع أن قسم لغه عربيه صعب جدا غير مع القرآن بدأو يعايرونى فى الرايحه و الجايه
فممكن تفيدوني اعمل اى
الأهل لما بيضغطوا أو بيعايروا، ده غالباً بيكون بسبب خوفهم عليكي أو خيبة أمل لحظية مش عارفين يعبروا عنها صح.إنتي مش فاشلة، إنتي بس كنتِ في مكان مش شبهك. تقريبا في كلية الدراسات الإنسانية فيها أقسام كويسة جداً زي علم النفس، الاجتماع، اللغات ودي مجالاتها في الشغل اجمل بكتير من العربي الصرف. كلية التجارة لو متاحة وبتفتح مجالات شغل كتير جداً بعيد عن الدراسة الدينية البحته بلاش عزل تام الانطوائية بتزود الغلّة والتفكير السلبي. حاولي تنزلي تتمشي، تروحي مكتبة، أو تشاركي في نشاط تطوعي بسيط في المنصورة. اتعلمي حاجة بتاعتك بما إنك حاسة بفراغ، جربي تتعلمي مهارة من النت جرافيك، لغات، تسويق. دي هتديكي ثقة في نفسك بعيداً عن ضغط الكلية وتخليكي تحسي إنك بتنجزي و متدخليش في خناقات مع أهلك، استوعبي غضبهم دلوقتي وركزي في التحويل للكلية الجديدة. و صلي استخارة في الكلية الجديدة عشان قلبك وسنة ضاعت مش كارثة، الكارثة إنك تسيبي نفسك لليأس. اختاري أقرب كلية لقلبك وابدأي صفحة جديدة و متسيبيش القرآن الكريم 🫀 وجد ربنا يحفظك ويسعدك 🙂 وانك ازهر ده شرف ليكي انك ازهر وممكن تعملي معادله تطلعي من الازهر لو مجموع المواد العلميه عالى وجد ربنا يحفظك 😊
تم النشر الأحد، ٨ فبراير ٢٠٢٦
يا حبيبتي، أنا ذكية، وأنا هنا معاكي قلباً وقالباً. أول حاجة، أنتِ مش لوحدك في اللي بيحصل ده، وفشل في مادة أو سنة مش نهاية الدنيا – ده مجرد خطوة في الطريق. أهلك بيعايروكِ عشان هما قلقانين، بس ده مش هيغير قدركِ إلا لو سمحتِله. خلينا نحل الموضوع خطوة بخطوة، عملياً ومن غير تعقيد. ١. الجانب الدراسي: خيارات أزهرية تانية : شوفي كليات زي تعليم أساسي أو تعليم رياضيات/عربي في معهد المنصورة أو فرعه – دول أسهل شوية ومفتوحين للتنسيق الداخلي. أو كلية اللغات والترجمة لو موجودة. جامعة المنصورة (عامة) : ممكن تنسيق تاني لكليات زي تجارة، إدارة أعمال، حاسبات، تربية فنون . بدائل سريعة : دورات مهنية في معاهد المنصورة للحاسبات، المحاسبة، السياحة ، أو تدريب مهني مجاني من وزارة القوى العاملة. دول يفتحوا أبواب شغل سريع. خطوة فورية : اجلسي النهاردة واكتبي ٣ حاجات بتحبيها (حتى لو صغيرة زي الرسم أو الكتابة)، وابحثي كلية/دورة تطابقها في المنصورة عبر جوجل أو موقع الجامعة. ٢. الجانب النفسي (الانطواء والفراغ): أنتِ ١٩ سنة بس، والانطواء ده زي الغيمة اللي هتطير. ابدئي بـ روتين يومي صغير : صلي الفرائض في وقتها، واقرئي صفحة قرآن يومياً. ده هيعيد الشغف تدريجياً. ابني ثقتكِ : كل يوم اكتبي ٣ إنجازات صغيرة (حتى لو "شربت كوباية مية"). وجربي تتكلمي مع زميلة في الكلية أو الجامعة عن دراستك – مش لازم صداقة، بس كلام بسيط هيفتح الباب. مع أهلك : قوليلهم بهدوء "أنا هحاول تاني، بس محتاجة دعم مش شماتة"، وادعي ربنا يلين قلوبهم. التوكل على الله أقوى سلاح. أنتِ قوية يا بنتي، واللي فات مش هيعرقل مستقبلك. ابدئي النهاردة بخطوة وحدة، وهتشوفي الفرق في أسبوع. لو عايزة نصيحة أكتر، ابحثي أسئلة مشابهة في فدني هتلاقي إجابات كتير. ولو محتاجة استشارة متخصصة، روحي صفحة الخبراء هنا: https://www.fedni.net/experts – في خبراء تعليم ونفسية هيساعدوكِ. أنتِ هتقدري، صدقيني! 💪❤️
تم النشر الجمعة، ٦ فبراير ٢٠٢٦
انا ازهر زيك وعارفة إن لغة عربية صعب بشكل بشع ومن اصعب الكليات خلينا نحل مشكلة الكلية بعدين نشوف اهلك شوفي القسم الي انتي فيه لو كنتي فيه واشتغلتي على نفسك ممكن تكوني حاجة كويسة اوي ممكن تكوني دكتورة في الجامعة ودي ناصحتي ليكي كملي فيه القسم رائع طيب هو صعب عليكي ومش قادرة ممكن تغيري ل اصول دين أو غيره والي تحسي أنه مناسب ليكي ب النسبة لكلام اهلك تجاهليه تمامًا وقابليه بابتسامة بسيطة واسكتي طيب الكلام بيدايقني انا عارفه والله لكن لو اتكلمتي معاهم هتدايقي اكتر ف اسكتي تمامًا او حاولي تتكلمي مع اكتر حد بيفهمك فيهم انك عايزة تغيري القسم وانك تعبانة وبالنسبة ل انك تعبانة نفسيا قربي من ربنا واشكي ليه هو اكتر حد عالم بيكي
تم النشر الأحد، ٨ فبراير ٢٠٢٦
صدقيني رضا اهلك اهم من كل الدراسات اللي في الدنيا وعوض ربنا وجبره جااااي لامحاله اصبرى واحتسبي لعله خير وعسى أن تكرهوا شيئا وهو خير لكم
تم النشر الأحد، ٨ فبراير ٢٠٢٦
لعرض السؤال في فدني اضغط هنا