اي هي نقطة التحول؟ اكيد مش فجأة ... دائما بيكون فيه بداية في الموضوع ده. ليه الإنسان ممكن يوقف حاجة هو كان بيعملها الا اذا كان داق حاجة تانية حركت جواه شعور معين خلاه يبقى كارف لحياته (انا هنا بدور معاكي مش باتهمك بحاجة خالص) ... ممكن يكون اكتسبتي عادة سيئة فيها لذة من لذات الدنيا خلتك تبقي كدة ... القعدة ع الفيسبوك بالكام ساعة اصلا دي ف حد ذاتها عادة سيئة ... فتح الريلز بتحرك جوا الواحد حاجات مش لطيفة ... تيك توك ... المقارنة بين حياتك وحياة المشاهير ... قراءة بوستات المرتبطين واللي بيبينوا قد اي الصحوبية بين الولد والبنت دي حاجة واو جدا ف ده حرك جواكي شعور ان انا عايزة اجرب من ده وهنا انا بأكد اني مش بوجه الكلام دا مباشرة لشخصك بس دي حاجات بتحصلنا كلنا... سماع اغنية مثلا كلماتها رايقة حركت شعور جواكي عايزة تمليه دا كله بيخلي الإنسان يزهق من حياته .... طب والحل ؟ الحل اني اقسم مشكلتي الكبيرة دي لمشاكل صغيرة وابدأ احل كل مشكلة لوحدها ويبقى كدة حليت المشكلة الكبيرة. اول حاجة ابدأ بيها هي الصلاة .... تبقي عاملة تحدي لنفسك اعملي جدول ف كشكول كدة وكل يوم تصلي ف الميعاد ادي لنفسك علامة ✅️ جنب اليوم ده.... وبالتوازي طبعا مع الصلاة المذاكرة... كدة انتي ضمنتي انك مفوتيش حاجة من فروض الله ولا فروض الدنيا .... بعد كدة نبدأ بالتدريج نحل المشاكل التانية ... صفحة من المصحف كل يوم كفاية ونزيدها بالتدريج بعد كدة ندخل الأذكار ..... الأهم من دا كله اني مجرد م ابدأ بتظبيط الصلاة لازم ابدأ ف نفس الوقت أوقف اي عادة سيئة نهائي .... يبقى كدة اولا اظبط صلاتي واتوقف عن العادات السيئة ثم ابدأ ادخل باقي العبادات بالتدريج البسيط .... وفيه نقطة صغيرة بس مهمة جدا وهي انك لسة صغيرة في السن وياما هتقعي بس الفكرة انك تقومي تاني بنفس الطريقة كدة بالتدريج وع الهادي.... ياما هتقابلي صحاب هيبقوا اي كلام وياما مش هتعرفي تذاكري ف الجامعة وياما وياما بس يكمن اهم حاجة انك تحافظي ع صحتك الجسدية والنفسية صدقيني مفيش حاجة يمتلكها الإنسان اهم من صحته النفسية والجسدية لإن بالمناسبة كونك بنت وكل ما يحصل حاجة تفضلي تعيطي دا اصلا عامل من عوامل ممكن تسبب أمراض مناعية ودي حصلت لواحدة اعرفها كانت بتعيط كتير جدا ودلوقتي بتقول انا لو رجع بيا الزمن كنت ضربت نفسي بالجزمة اول ما اعيط
شكرا لحضرتك جدا وانا استفدت من حضرتك وكلامك مقنع 💕
تم النشر الجمعة، ٢٩ أغسطس ٢٠٢٥
ع قد ما قدرت حاولت اختصر وما ادخلش نفسي بشكل اكتر من اللازم بس حاولي تدوري ع اي اللي حصل غير نفسيتك فجأة كدة لإن غالبا دي هتبقى حياتك بعد كدة .... نفس الحاجة اللي غيرتك دلوقتي هي اللي هتغيرك قدام مش اكيد لكن بنسبة كبيرة .... في النهاية اتمنى ان ازمتك دي تعدي ع خير وترجعي افضل من الأول اللهم آمين
تم النشر الجمعة، ٢٩ أغسطس ٢٠٢٥
شكرا جدا على كلامك وتفهمك واستفدت جدا بس انا والله من الاشخاص اللي ولا بتفتح تيك توك ولا فيسبوك ولا معلقه نفسي مشاهير التيك توك ولا اي حاجه من دي لان دماغي لوحدها حاسه انها مشغوله
تم النشر الجمعة، ٢٩ أغسطس ٢٠٢٥
لعرض الإجابة في فدني اضغط هنا