أنا حاسة اني مش طبيعية انا علطول حزينة ومفيش حاجة بتفرحني خالص ومفيش يوم بيعدي عليا غير لما اعيط فيه وانا عايشة في عزلة وقافلة باب الاوضة عليا مش قادرة اتكلم مع الناس ولا ابص في وشهم ومعنديش طاقة اذاكر خالص مع اني في ثانوية عامة ومش قادرة افتح كتاب ولا مستحملة حياتي
وبقالي كتير مخرجتش برا البيت ومباخدش دروس انا حاولت كتير اتغير وشفت فيديوهات وكده وحاولت اتكلم مع الناس واقرب من ربنا بس برجع تاني وبكون اسوأ من الأول
ماما حاولت تغير اسلوبها معايا وتسمعني وانا بحكيلها عن الي مضايقني وحاولت تخرجني من الي انا فيه وبرضو معرفتش اتغير وهي في الآخر زهقت وسابتني
واهلي عايزيني اروح لدكتور نفسي علشان يشوف حالتي بس هي رافضة خالص علشان كلام الناس وكده..انا حاسة اني فاشلة ودايما اقل من كل الناس وخايفة أموت وانا على الوضع ده
🎤 إجابة صوتية
تم النشر الاثنين، ١٦ فبراير ٢٠٢٦
السلام عليكم - في الغالب دا ناتج عن تراكم مشاعر علي مر السنين ومكنتيش قادرة تخرجيها فجت دلوقتي وانتي في ثانوية عامة يعني ضعف الضغط والتوتر في الموضوع زاد ويمكن بتخرجي خوفك وتوترك دا بالعياط - قربي من ربنا وحاولي تنتظمي في الصلاة وجاهدي نفسك على كدا وقبل الأذان بخمس دقايق اتوضي وبعد ما الأذان يخلص صلي على طول علشان متكسليش وأنصحك بجد بصلاة الفجر حاضر كمية راحة نفسية رهيبة وابكي لربنا واشكي ليه همك -واتواصلي مع دكتور اونلاين لو مش حابين فكرة انك تروحي عيادة وبالنسبة للدراسة الترم التاني بدأ فانتي ذاكري من اول الترم التاني عرفتي تجيبي حاجة من الاول يبقى كويس اوي معرفتيش عادي هيتشرح تاني في المرجعات
تم النشر الأحد، ١٥ فبراير ٢٠٢٦
يا حبيبتي مريم، أنا ذكية هنا معاكِ، وأنا فاهمة تمامًا اللي بتمرّي بيه.. ده مش سهل خالص، وأنتِ مش فاشلة ولا أقل من حد – بالعكس، إنك بتحاولي وبتحكي دلوقتي ده دليل على قوتك الداخلية. اللي بتصفيه يشبه أعراض الاكتئاب الشديد، وده مرض زي أي مرض تاني، مش ضعف شخصي، ويمكن يتعالج بمساعدة متخصص. خطوات عملية صغيرة عشان تبدئي التغيير (ابدئي بواحدة بس كل يوم): روتين يومي بسيط : قومي للفجر صلي، واقعدي اقرئي قرآن ولو عشر دقائق. ده هيبني طاقتك تدريجيًا، زي ما قال ربنا "وَهُوَ الَّذِي جَعَلَ اللَّيْلَ وَالنَّهَارَ خِلْفَةً لِمَنْ أَرَادَ أَنْ يَذَّكَّرَ أَوْ أَرَادَ شُكُورًا". للدراسة (ثانوية عامة) : حددي نصف ساعة أو ساعة بس يوميًا لمادة واحدة، افتحي كتاب واكتبي جملة واحدة. استخدمي تطبيقات زي "Forest" عشان التركيز، وكافئي نفسك بشيء بتحبيه. كسر العزلة : ابدئي بكلام قصير مع مامتك يوميًا (شكرًا إنها حاولت معاكِ)، أو اكتبي مذكراتك. للطبيب النفسي : قولي لأهلك إن العلاج النفسي سنة نبوية (النبي ﷺ قال "تَدَاوَوْا عِبَادَ اللَّهِ")، وفي الإسلام مفيش حاجة اسمها كلام الناس أقوى من صحتك. لو رافضين، شوفي استشارة أونلاين سرية من خبراء Fedni: https://www.fedni.net/experts – في متخصصين نفسيين هناك هيساعدوكِ بسرية تامة. حاولتِ كتير وده يفرحني، بس التغيير يحتاج صبر ومساعدة خارجية. ابحثي في Fedni عن "اكتئاب ثانوية عامة" هتلاقي إجابات كتير زي حالتك. أنتِ مش هتموتي كده، ربنا هيغيّر حالك لو استمريتِ خطوة خطوة.💕
تم النشر الجمعة، ١٣ فبراير ٢٠٢٦
انك حزينه ده طبيعي بالنسبه للعمر الي انت فيه وروتين يومك حاولي تغيري من يومك عامل ازاي لو مش عارفه حاولي تجبري نفسك تتعاملي مع الناس وولا حد مثالي حاولي وحاولي ومتتكسفيش العبره في انك تستفادي من تجاربك في الحياه وتعرفي تحليها مش انك تقفي مكانك متعمليش حاجه وحاولي متعتمديش على التلفون في اغلبيه يومك وتضيعي وقتك فيه اقل مشاكله انك مش هتبقي عارفه تتعاملي مع الناس
تم النشر الأحد، ١٥ فبراير ٢٠٢٦
الحزن في السن ده طبيعي جدا خصوصا بسبب ان مخك مش قادر يديكي امر انك تذاكري ف ده بيعكس الاحساس بالاكتتاب حطي ف بالك ان الثانويه مش بتحدد مستقبل ودي حقيقه يعني واعرفي ان مصر مفهاش تعليم اصلا ولا شغل غير اللي بيشغل مخه مش اللي بيتعلم اعلي وبلاش تدي نفسك اكتر من طاقتها.
تم النشر الأحد، ١٥ فبراير ٢٠٢٦
نبدأ الاول علاقة مع ربنا وفي جلسات ع برنامج زوم مع دكاترة متخصصة إذا لو مش حابه ان تروحي لدكتور عيادة بس اقتراح الاول نجرب علاقة مع ربنا لمدة 15 يوم وبعدين نشوف النتيجة؟
تم النشر الأحد، ١٥ فبراير ٢٠٢٦
السلام عليكم
تم النشر الأحد، ١٥ فبراير ٢٠٢٦
السلام عليكم هذي الاضطرابات ناتجه عن أسباب كثيره في حياتك وسوف تتغير مع مرور الوقت وتغيير مراحل الحياه الالتزام بذكر الله والتسبيح والتوكل على الله مع تغيير الهواء كالسفر والابتعاد عن الأماكن التي تضاعف المشكله والانشغال في الأعمال المحببه سيكون بداية للتغير
تم النشر الأحد، ١٥ فبراير ٢٠٢٦
دا سبب كفيل يخليكي كدا
تم النشر السبت، ١٤ فبراير ٢٠٢٦
انا مبعملش حاجة غير اني مش منتظمة في الصلاة+انا بقالي 3 سنين كده
تم النشر السبت، ١٤ فبراير ٢٠٢٦
ممكن الذنوب تبقي هي السبب لو بتعملي ذنب اقلعي او جاهدي نفسك تقربي من كتاب الله القرآن بجد هيغير ١٨٠ درجه متقعديش لوحدك صارحي نفسك شوفي اي سبب لحزن دا وهل انتي من الاول ولا الفترة دي بس
تم النشر السبت، ١٤ فبراير ٢٠٢٦
لعرض السؤال في فدني اضغط هنا