السلام عليكم انتى مش عبء ولا حاجة ...بدليل انهم بيدوروا على الانسب ليكى عشان دراستك الوجع اللى انتى حاسة بيه هو من شدة احتياجك لنقط معنوية ونفسية هى مصدرها الاب والام وانتى بالظروف اللى حكيتيها تقريبا بتؤدى دور الاب والام فى اوقات شغلهم وطبعا ده مش صح انه يبقى نظام اساسى لييكى حق انتى كمان تعيشى سنك ومرحلتك ..انتى نفسك تحسى بالاهتمام والدلع ودى طبيعة اى بنت اطلبى من مامتك انك لو رجعتى تاخدى حقك فى الاهتمام زى اخواتك ...يعنى ان ماما تقولك خلاص يا حبيبتى ريحى انتى وشوفى مشاكرتك بعد ما ترجع من شغلها ...انتى وقتها هتحسي بالتقدير وبالاهتمام وبحب ماما ليكى والوجع هيخف ماما وبابا ممكن يكونوا مش واخدين بالهم بسبب مشاغلهم فانتى لازم تكلميهم ان ده اللى انتى محتاجاه
الحاجات اللى بتطلبها منك ماما عادية وطبيعية وطالما بتقولك ريحى وواخده بالها منك يبقى فى توازن اهو ....لو انتى فكرك ان الاوضاع الطبيعية ميبقاش عليكى اى مسؤوليات فده مش حقيقى ...لو ما اخدتيش شوية مسؤوليات واتعودتى على ده هتواجهك صعوبات فى الحياه حتى لو كانت مسؤولية المذاكرة فقط ...اشكرى ماما لانها بتربيكى ع الصح وارجعى البيت عشان ميبقاش فى انطباع من الجدة او الاهل ان بيتكم جحيم للدرجة دى وفعلا هتلاقى فيما بعد الوضع انك بيتطلب منك تكملى اقامة كاملة عند جدتك بحجة انهم شالوكى وريحوكى فى وقت ما ودلوقتى واجب انتى تشيلى
تم النشر الاثنين، ١٥ سبتمبر ٢٠٢٥
عليكم السلام بابا اصلا مش عايز افضل عند جدتي هي ماما اه فعلا بتقول لي ريحي بس بابا يعني بيفضل يطلب مني كأني الملزمه ان انا اعمل الاكل هي بتقوله ما لهاش دعوه بس بتيجي اوقات عايزه تعمل حاجه هي تعمل حاجه تانيه انا مش مرتاحه في البيت بابا في مسؤوليه مفرطه ودايما في مشاكل بين ماما وبابا اما عند ستي ففي مشاكل بين جدتي و بابا وتفضل تقول كلام محصلش و كل شويه اي حد يجي تقول عليهم كلام ماحصل و من ده كتير بدون الدخول في تفاصيل و ماما بتقولي اصلا هي مش عايزاكى و سيباكي تجلسي عشان بنت عمتي ما تجلس لوحدها و بعد ما تروح لجامعتها هترجعك و اصلا اللي قالي اجلسي مع جدتك هي عمتي مش اهلي هما عليهم عايزني ارجع واصلا اما عن ماما فأحيانا بتفضل تقول لي انا مش مفروض ان انا اشيل البيت كله لوحدي يعني انت مفروض تاخدي بالك من العيال (اخد بالي يعني اودي اخوي الدرس و الاصغر لازم اخد بالي انه ما ينزل الشارع )تروقي الدنيا بره وانا مثلا اعمل الاكل كانت من كام سنه تتعود تقارني بغيري و تقولي الاصغر منك بيشيل بيت و مش بيخلوا امهم تعمل حاجه
تم النشر الأحد، ١٤ سبتمبر ٢٠٢٥
لعرض الإجابة في فدني اضغط هنا