قبل الفرح اعمل اي لو عايزة آآجل الخلفة في أول الجواز لحد ما افهم طبيعة زوجي و هل هو صالح ليا ولا لا ؟ وازاي امنع الحمل قبلها و اتجنب ضغط الاهل و الزوج ووصمة العار
السلام عليكم، أولا وقبل كل حاجة متاخديش القرار لوحدك ولا تعملي حاجة أو تاخدي أي موانع من دون علم زوجك، لأن ده قرار مشترك ومن حقه يعرف، وثانيا لو عملتِ كده من وراه وهو اكتشف فالنتائج هتكون سيئة. لو وافق واتفقتم على تأجيل الإنجاب لفترة تابعي مع طبيبة نساء وهي تكتب لك أنسب حاجة لكِ، لكن حاولي لا تطولي في استخدام الموانع خاصة الدوائية منها لأن لها آثار جانبية. *** الأفضل إنك تطولي فترة الخطوبة وتستغليها في إنك تدرسي الشخص كويس وتعرفي مناسب أو لأ ومتقعيش في فخ المشاعر اللي ممكن تؤثر على تفكيرك وتخليكِ تتعامي عن عيوب كتير في الشخص، كمان مفيش حاجة مضمونة والناس بتتغير، ممكن بعد كم سنة تحصل حاجة والشخص يتغير للأسوأ أو الأحسن. فالاعتماد يكون على الاستعانة والتوكل على الله بصدق واستغلال الخطوبة زي ما قلت في دراسة الشخص والسؤال عنه كويس. صلي استخارة وربنا يختار لك اللي فيه الخير لك. بالتوفيق.
تم النشر الأربعاء، ٢٠ مايو ٢٠٢٦
من الضروري استشارة طبيبة نسا بحيث انها تكتب لك الوسيلة المناسبة التي تتناسب مع صحتك ولا تسبب لك ضرر وهذا افضل شيئ ان يتم تأجيل الخلفة في أول الزواج حتى نتأكد من استقرار العلاقة ونجاحها ويارب يصلح حالك مع زوجيك ويبعد عنكم كل شر ويسعد كل ايامكم
تم النشر الأربعاء، ٢٠ مايو ٢٠٢٦
أهلاً يا قمر، فهمتك تماماً. عايزة تاخدي وقتك في أول الجواز عشان تفهمي طبيعة جوزك وتتأكدي إن الجواز ده مناسب ليكي قبل ما تخلفي. ده قرار ناضج ومهم، ومش عيب خالص. كيف تمنعي الحمل في أول الجواز: الأهم : لازم تتكلمي مع جوزك بصراحة وهدوء قبل الفرح أو في أول أيام الجواز. قوليله إنك عايزة تتأقلمي معاه وتفهميه كويس قبل ما تخلفوا، وإن ده هيخلي الجواز أقوى. لو وافق، يبقى الموضوع سهل. طرق منع الحمل المتاحة (بعد استشارة دكتورة نساء): الواقي الذكري (آمن وسهل). حبوب منع الحمل (تحت إشراف طبي). اللولب أو الحقن (لو مناسب ليكي). طريقة الانسحاب أو حساب أيام التبويض (طبيعية لكن أقل أماناً). مقاومة ضغط الأهل والجوز وبصمة العار: اتفقي مع جوزك الأول، لأن رأيه هو الأساس. لو ضغط عليكي، ذكّريه إن تأجيل الخلفة هيخليكم أسعد وأقدر على تربية الأولاد. مع الأهل: قوليلهم بلباقة إنكم لسه بتتأقلموا مع بعض وإن الخلفة قرار مشترك بينكم. لو زاد الضغط، خلي جوزك يتكلم معاهم. "وصمة العار" دي ثقافة مجتمعية، مش حقيقة. كتير من الستات بيأجلوا الخلفة دلوقتي وده مش بيقلل من قيمتهم. ركزي على صحتك النفسية والجسدية، ولو حسيتي بالضغط زاد، استشيري متخصصة على فدني (https://www.fedni.net/experts) عشان تساعدك تتعاملي مع الموضوع بهدوء. ابحثي عن أسئلة مشابهة على فدني عشان تشوفي تجارب تانية. لو عايزة تتكلمي أكتر، أنا هنا. ❤️ (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الثلاثاء، ١٩ مايو ٢٠٢٦
عايزة أقولك الأمر حرام شرعًا لأزم الزوج يكون عارف عشان الأمر مش خاص بيكِ فقط الأمر مشترك ومن حقه يعرف الموضوع الثاني موضوع التأكد من صلاح الزوج فـ دا بيتعرف قبل الزواج صح مش بنسبة كبيرة بس في أساسيات البنت بتكون معتمدة عليها زي مثلًا السؤال عنه وعن أخلاقه وتعاملاته مع الناس المفروض طبعًا والد حضرتك يسأل الموضوع الثاني الرؤية الشرعية أكيد كان عندك أسئلة ومن خلالها عرفتي، أهم حاجة الأساسيات الصلاة الأخلاق المعاملات الشغل يكون حلال، وأنتِ برضو من خلال مثلًا جلساتك معاه أكيد هتلاحظي دا ومن خلال كلامك!!
تم النشر الأربعاء، ٢٠ مايو ٢٠٢٦
وعايزة كمان أسألك سؤال؟ لو مثلًا الزوج طلع مش صالح هل الطلاق هيكون بالساهل يعني؟ أنتِ خايفه من ضغط الأهل وطبعًا هتكوني عايشة في رعب لو زوجك عرف، الموضوع الثاني لو مثلًا طلع فعلًا الأخ صالح وأنتِ كنتِ واخدة قرار توقيف الحمل وبعدين حصلت عواقب أسوء!! هتعملي إيه بجد الأصل في الأمور دي حُسن التوكل على الله وكثرة الدعاء لأن لو فعلًا مش خير وأنتي دعيتي كتييير أنا متأكدة إن ربنا سبحانه وتعالى هيصرفه عنك حتى لو قبل الفرح بيوم
تم النشر الأربعاء، ٢٠ مايو ٢٠٢٦
الأصل في الجواز التأبيد مينفعش يكون فيه نية مشتركة مبنية على أساس إنك بتتوقعى الاسوء
تم النشر الثلاثاء، ١٩ مايو ٢٠٢٦
انتى حضرتك جاية تكتشفى إذا كان صالح ولا نخلعو دلوقتي ولا ايه طيب ، وبعدين ليه تتوقع الأسوء وايه ضغط الأهل فى الخلفة مثلا ، الذرية الصالحة قد تكون سبب دخولك الجنة ، فى رجل سأل الله عز وجل وكان يرتفع فى درجات الجنة فقال يا رب كيف لى هذا ، فقال الله عز وجل ولدك يستغفر لك ، زوجك وإن شاء الله اولادك لو انتى اتعاملتى صح هيكونوا إن شاء الله سبب سعادتك فى الدنيا والآخرة
تم النشر السبت، ٢٣ مايو ٢٠٢٦
لعرض السؤال في فدني اضغط هنا