انا مهتمة اوي بالنظافة لازم اول م ارجع البيت حتى لو نازلة لآخر الشارع ارجع استحمى و مبطقش المس حد عرقان أو اي حاجة ملوثة
لحد هنا و طبيعي بس الموضوع تطور اني لازم كل شوية اغسل ايدي كل م المس اي حاجة
و كمان لو اتوضيت مثلا كتير اوي بنسى و بعيد وضوئي و اكتشف بعدها اني اتوضيت اكتر من مرة
لو هستحمى فيوم مثلا ببقى مش ع بعضي و مش مرتاحة نفسيا لحد م استحمى و لو عاملالي ايام مثلا دي ال بستحمى فيها و حصل مثلا اي ظرف و مستحمتش ببقى مش ع بعضي خالص
فهل ده طبيعي ؟ و لو مش طبيعي يبقى اسمه ايه ؟ هل هو وسواس قهري ولا لا ؟ و ايه علاجه
مُشكلة الوسواس بتتحل بإنك تحاولي تبطلي تسمعي للإحساس اللي بيقولك تعملي اي او تعيدي على الفعل اللّي عملتيه ومش متأكده إنك.أحسنتي فيه او عملتي على احسن وجه ، حاولي تقاومي الاحساس ده، انا ممكن أقول لحضرتك على موضوع الوضوء بس انك تكونِي مركزة وحضرتك بتتوضِي متعديش لو حصل إي متعديش الوضوء لو انك.متأكدة انك (مأحدثتيش)،ممكت انك تتوضي بيكون غسل الفم جيداًمره واحده والاستنشاق والوجه والذراعين مره واحده بردك او كله مرتبن ومفيش مشكلة انك تعيدي على عضو من الأعضاء زياده عن التاني، فاهمة يعني مش ضروري ان كُله يكون 3 لو ده بيسبب لحضرتك مشكلة الوسواس ده،بالنسبةة للإستحمام اعتقد انه عادي انك حاسه ان جسمك مش نضيف فَ بتكوني مش علىٰ بعضِك انه مثلا خايفة حد من البيت يشم منك ريحه مش كويسةة فاهمةة بس كِده.
تم النشر الأربعاء، ٢٦ يوليو ٢٠٢٣
اي تشخيص لاي مرض او اضطراب لازم ترجعي الاول للطبيب او المعالج لانه بيحدد حدة المرض كمان معاكي .. وهل مثلا لازم تاخدي علاج مع الكلام ولا هتكتفوا مثلا العلاج بالكلام. لكن اللي حكتيه مش طبيعي .. ولازم تروحي لمعالج.
تم النشر الأربعاء، ٢٦ يوليو ٢٠٢٣
روحي افضل لدكتوره هي تشخص حالتك بشكل صحيح علشان لو ف البداية تقدر تمنعك انه يطور
تم النشر الأربعاء، ٢٦ يوليو ٢٠٢٣
ضروري تشوفي دكتور ومتخليش الموضوع يتطور ل اكتر من كدا
تم النشر الأربعاء، ٢٦ يوليو ٢٠٢٣
هو ممكن يتطور بعد كدا ويبقي وسواس قهري لو سبتى نفسك لي ، الوسواس القهري بيبدأ بحاجات بسيطة وينتهى بمرحلة صعبة ودا بيعتمد على تعاملك معاه ،كل ما تسيبي نفسك للأفكار دى وتمشى وراها كل ما تزيد عليكي ،الموضوع عاوز إرادة لما تجيلك الأفكار حاولى بكل الطرق انك متسمعلهاش وعارفه أنها مش حاجه سهلة بس دا حل الوسواس انك تحطى حد ومتهاودهوش
تم النشر الأربعاء، ٢٦ يوليو ٢٠٢٣
لعرض السؤال في فدني اضغط هنا