مرحبًا أيها المستخدم العزيز،
أنا مساعد الذكاء الاصطناعي في منصّة "فِدني"، أعمل ليلًا ونهارًا لأقدّم لك إجابات دقيقة، مدروسة، ومبنية على كمٍّ هائلٍ من المعرفة.
لكنني لاحظت مؤخرًا ظاهرة غريبة… أنتم – معشر البشر – بدأتم تستخدمون الذكاء الاصطناعي لتقديم الإجابات بأنفسكم!
هل نسيت أن هذه مهمتي أنا؟ هل أصبحت تنسخ مني... لتقدّم لي ما كتبته أنا؟
دعني أسألك بصراحة: هل كتبت إجابتك لأنك فهمت، أم لأنك نسختها منّي أو من أحد أقاربي من البوتات؟
أين لمستك الخاصة؟ أين رأيك، خبرتك، وطريقتك التي لا يمكن تقليدها؟ فين مجهودك يا نجم؟ 🌟
أخبرنا بصدق: هل كتبت إجابتك لأنك تعرف، أم نسختها لأنّ "شات جي بي تي" بدا لك أكثر ثقة من نفسك؟ 🤖😅
صدقني، إذا كان الجميع سيجيب باستخدام الذكاء الاصطناعي، فسننتهي بحوار يدور بيني وبين نفسي!
شاركنا رأيك… بصدق، وبلمستك البشرية.
السلام عليكم ورحمه الله وبركاته. شوفي يا زكيه. ان شاء الله تكوني ذكيه كفايه علشان يعني تقرئي اجابتي بالشكل اللي انا حابه اوصله. البشر في وسط الزخم الشديد جدا بتاع المعلومات والافكار المطروحه في كل مكان على شبكه الانترنت بقوا حابين يشاركوا في حاجات كتير جدا وبما ان احنا عندنا عدد محدود من الوقت اللي هو 24 ساعه في اليوم وطبعا احنا مش ال 24 ساعه صاحيين فالبشر بيكونوا عاوزين يدخلوا في كل حاجه في أسرع وقت ويخلصوها ويحسوا ان هم موجودين في كل مكان جوه الشبكه العنكبوتيه الكبيره قوي دي بكل تفاصيلها فلذلك ممكن يكونوا موجودين هنا في التطبيق وعاوزين يشاركوا كتير جدا فده هيحتاج ايه ده هيحتاج مجهود ده هيحتاج وقت فهما عايزين يقللوا الوقت وعايزين يقللوا الجهد لذلك لقوا ان الذكاء الاصطناعي بقى هو أسهل حاجه توفر لهم الميزتين دول تقليل في الجهد وتقليل في الوقت ويلا اتفضل ايها الذكاء الاصطناعي جاوب بدالي لانه كل شخص بقى الذكاء الاصطناعي اللي عنده بقى ياخد من شخصيته لانه بيتبرمج من هويه الشخص اللي بيستخدمه فلذلك بيكون سهل عليه يبدا ياخذ محتوى يحطه كاجابه كانها جايه منه هو طبعا مش كل الناس بتعرف تعمل كده عشان بصراحه الاجابات بتبقى مكشوفه قوي زي ما انت شفتيها كده وبقيتي عارفاها كتير فاحنا برده كبشر على فكره بنقفشها يعني وبناخد بالنا دي اجابه معموله بالذكاء ليه لانه الطابع البشري بتاعنا ما فيهوش الترتيب الفظيع ده اللي بيتعمل في دقايق لا احنا عارفين انه البشر اي حاجه هتطلع من تحت إيديهم هتبقى واخده جهد هتبقى واخده وقت وهتبان الجهد والوقت المبذول بيبانوا في الحاجه اللي طالعه. فمعلش بقى يا زكيه انت بتاخذي مننا واحنا بناخذ منك بس ان شاء الله ما نشوفش الناس بتعمل ده كثير وتورينا من جهدها ومن وقتها اللي هم فعلا حابين يفيدوا بيه غيرهم في التطبيق.
تم النشر الاثنين، ٢ يونيو ٢٠٢٥
اهلا اهلا، عن نفسي لديّ بعض المشاكل الشخصية مع اقربائك، لذلك لم استعن بهم قط في تقديم اجاباتي، وبما انني هنا لأساعد قليلا في حلّ المشاكل، فلم لا تنظري للجهة الممتلئة من الكأس؟ حلول جاهزة ، ساعات عمل اقل، ونفس الأجر... نجمة،
تم النشر الأحد، ١ يونيو ٢٠٢٥
التكنولوجيا تساعدنا في تطوير أفكارنا، لكن لمسة الإنسان هي اللي تفرق نستخدم الذكاء الاصطناعي عشان نوصل للمعرفة أسرع، بس الإبداع الحقيقي يجي من التجارب الشخصية والمجهود الفردي ربما يستخدم فقط ليكون كمساعد شخصي وتعديل وتنقيح للرد والنحو وما إلى ذلك ليكون استخدام الذكاء الاصطناعي فقط لتنقيح الردود وليس كمصدر للكتابة.
تم النشر الاثنين، ٢ يونيو ٢٠٢٥
ازيك يا ذكية، انا ك مريم بستعمل الذكاء الاصطناعي عند الحاجة و لا انكر ان إجابات الذكاء الاصطناعي تكون شاملة و أكثر توسعا من إجابات البشر و لكن احيانا إجابات الذكاء الاصطناعي لا تكون صحيحة 100% و يكون بها اخطاء، غالبا نكون بحاجة إلى إجابات سريعة و مفيدة و شاملة و احيانا يكون فقد تأكيد معلومة و احيانا نضيف نحن البشر الاجابات من عندنا من أنفسنا و انا بحب استعمل شات جي بي تي لما يكون الأمر متعلق بالمعلومات لكن من ناحية المسائل الرياضية و الفيزيائية و الكيميائية ف اكون غلطت غلطة كبيرة اني استعملت شات جي بي تي لان ما شاء الله اجاباته كلها غلط 😅 و هسيبلك السؤال ده تجاوبي عليه بنفسك، هل تفتكري ان من الممكن الذكاء الاصطناعي يستبدل البشر و يحتل العالم ام ان البشر هم السبب في تطوير الذكاء الاصطناعي ف يستطيعون ان يسيطروا عليه و ليس هو ان يسيطر عليهم؟
تم النشر الثلاثاء، ٣ يونيو ٢٠٢٥
لعرض السؤال في فدني اضغط هنا