السلام عليكم و رحمة الله و بركاته أنا الحقيقة مش شايفه شخص فاشل بالعكس شايفه شخص ما شاء الله نجح انه يكتسب خبرة في مجال في سن صغير و ده مش كتير بيعمله.. ممكن شخص يبقا معاه شهادة عاليه و لكن خبرته في الشغل صفر ، الشخص ده في الغالب بيجلب مشاكل إن مشتغلش على نفسه بشكل كافي . مش معنى النجاح إنك يكون معاك شهادة عاليه، معنى النجاح بيختلف من شخص لأخر في أشياء مختلفة يعني اقدر اقول مثلا فلان ناجح ، بمجرد إن الشخص ده قدر ينتظم في صلاته ف هو نجح ف ده او شخص بيقدر يتعامل مع الناس بشكل جيد و عنده أسلوب حديث مناسب اقدر اقول أنه في الحاله دي ناجح في التعامل . ف حضرتك ناجح ف مجال غير مجالك بمجرد "الممارسة". يعني مجرب سابق لأهمية الممارسة و نتائجها فلذلك مش محتاجه أقول هي قد ايه مهمه و ذي موصلتك لممارسة مجال مختلف بنجاح هتقدر بيها تكتسب خبرة في مجال آخر. المكان استنزف طاقة و لكن في المقابل نجحت في مجالك و مارست مهنة مختلفة و ده يخليك قادر تعمل ده في مهن أخرى إن حددت هدفك. يعني مثلاً إن كنت عندك خبرة في التعامل مع الناس ف ده يقدر يوصلك لنقطة إنك مثلاً تتعلم لغه و تاخد شهادة معتمدة و تترجم في شركات كبيرة "مجهود أقل و المكسب أكبر" الممارسة و التعب في البدايه بعدها سيأتي راحه بغض النظر عن إن في كورسات كتيرة تقدر توصلك لأهداف مختلفة ، ف من وجهة نظري اللغة تقدر توصل اي شخص ف حته تانيه. والدي شغال مدير في شركة و بيحكيلنا عن مرتبات الأشخاص اللي بيقدرو يتكلمو صيني و حقيقي بيدوهم مرتبات عالية جداً لمجرد بس إنهم ترجموا محادثة بينهم و بين وفد أو ترجم اللي مكتوب على المكن. نفس الكلام في الألماني و الإنجليزي ف الكول سنتر بياخد مرتب عالي لمجرد انه معاه لغه . و تقدر تبحث عن مميزات أي كورس ف أي مكان . بس مهم يكون عندك هدف إنك تطور من نفسك ، بغض النظر عن جملة "معنديش هدف ولا طموح" بس أنا مش قادرة أفهم حضرتك إزاي مش مدرك إنك فعلاً حضرتك شخص ناجح قدرت تكتسب خبرة في سن صغير ما شاء الله. مهم تكون مع نفسك لا عليها ، الدُنيا و الناس هيكونوا عليها ف متكونش أنت كمان عليها. ساعد نفسك إنها تتحسن ، وقتها هتقدر توصل لمكان يرضيك إن شاء الله. ووفقك الله و اعانك
ربنا كريم زى ماتيجى بقا
تم النشر الاثنين، ١٦ مارس ٢٠٢٦
لعرض الإجابة في فدني اضغط هنا