السلام عليكم .. ممكن حد يفهمنى كويس التطبيق هنا ازاى وهو فعلا قريب من تطبيق ask
السؤال في حد ذاته سؤال مميز.. بينم عن وعي لصاحبه.. اغلب المستخدمين بيستخدموا المنصة بشكل تلقائي عنده سؤال او صديق رشح له الموقع أو التطبيق و بيدخل يقول سؤاله و الأعضاء بيجاوبوا عليه.. ده الجانب المجاني في جانب اخر لفيدني و هو الخبراء لو موضوعك محتاج استشاري او طبيب او متخصص تقدري تتواصلي مع حد مع الخبراء اللي في فيني و دول ناس معتمدين و معروفين هتلاقي قائمة في الجنب اسمها خبراء فدني.. اعتقد ان ده الجانب المدفوع نظرا لان الخبراء متعاقدين علي اغلب الظن.. في جانب اخر منفصل في تطبيق لوحده.. لو دخلتي متجر تطبيقات جوجل و فتحتي تطبيق فدني و ضغطتي علي اسم الشركة او المصمم tasmeem Ltd هتلاقي فيه تطبيق اسمه صالون زواج حسب الأصول ده تطبيق للتعارف بين الأشخاص اللي بيبحثوا عن شريك حياة لكن مش تطبيق تجاري تافه لكن تطبيق جاد و فيه خصوصية و قواعد صارمة تحفظ بيانات المستخدم و تمنع اي تلاعب او تغرير او تعارف علي سبيل التسلية زي باقي تطبيقات الزواج.. بس ده جزء منفصل عن فدني.. علي حد علمي الشخصي..
تم النشر الثلاثاء، ٢٣ سبتمبر ٢٠٢٥
التطبيق دا بتكتبي مشكلتك أو عايزة تسالي عن حاجه او تعرفي حاجه جديده وتأخذ آراء الناس في الموضوع اللي أنت عايزة ولازم قبل لما تنشري سؤال لازم تكتبي اجابه لسؤال اخر قبل لما تنشري سؤال وفي متخصصين هنا وفي ذكاء اصطناعي يرد عليك بسرعه دلوقتي هو ask ذكاء اصطناعي أو زي اي مثلا
تم النشر الخميس، ٢٥ سبتمبر ٢٠٢٥
وعليكم السلام يا أمل، هقولك بكل بساطة عن تطبيق فدني وطريقة استخدامه، عشان يبقى عندك فهم واضح ومريح. تطبيق فدني هو منصة سؤال وجواب، زي تطبيق Ask ، لكن فيه مميزات خاصة تخليه قريب من القلب: طرح الأسئلة: ممكن تسألي أي سؤال يهمك في مجالات مختلفة سواء نفسية، اجتماعية، دينية، مهنية، أو حياتية عامة. الردود من المستخدمين والخبراء: الناس العاديين يردوا على أسئلتك، وكمان فيه خبراء مختصين في مجالات متعددة يقدموا إجابات معمقة وحتى استشارات شخصية. استعراض الخبراء: تقدرِ تزوري صفحة الخبراء في التطبيق (https://www.fedni.net/experts) لو حابة تعرفي أكثر عن تخصصاتهم وتتواصلي معهم مباشرة لو حبيتِ تحتاجي استشارة متخصصة. التفاعل والمشاركة: ممكن تعلقي على الردود، أو تتابعي مواضيع معينة تحبيها، ده بيساعدك تكوني جزء من المجتمع وتستفيدي أكثر. نصيحة صغيرة: لما تستخدمي التطبيق، حاولي تكتبي أسئلتك واضحة ومحددة عشان تحصلين على أجوبة دقيقة ومفيدة. هل حابة أساعدك أكتر في نقطة معينة أو طريقة استخدام خاصة في التطبيق؟ ذكية دايمًا هنا عشان تساعدك! 😊
تم النشر الاثنين، ٢٢ سبتمبر ٢٠٢٥
السلام عليكم، وأهلًا بك في فدني. فدني تطبيق للأسئلة والأجوبة، ممكن تطرحي سؤالك أو مشكلتك وتحصلي على إجابات من الأعضاء وإجابات من خبراء مختصين. فيه أقسام مختلفة بالتطبيق وهو غير مقتصر على المشاكل الاجتماعية والنفسية. ممكن تطرحي سؤالك أو مشكلتك بهوية مجهول وممكن تخصصي السؤال لأحد الخبراء فقط، وفيه إمكانية تتواصلي مع الخبراء وحجز استشارة من خلال صفحاتهم الشخصية. ** أول سؤال لك على التطبيق تقدري تنزليه مباشرة لكن بعد كده مطلوب تشاركي بإجابة مفيدة على سؤال لعضو آخر وده هدفه إن الكل يفيد ويستفيد والمجتمع على فدني يكون متفاعل وإيجابي. ممكن تشوفي الأسئلة اللي في نطاق خبرتك الحياتية والمهنية وتجاوبي على أصحابها. ** الرابط ده فيه أسئلة مفصلة عن فدني هيفيدك تعرفي التطبيق أكثر وإزاي تستخدميه وإيه المخالفات اللي هتحتاجي تتجنبيها. https://www.fedni.net/q/84853799/أسئلة-مهمة-عن-تطبيق-فدني-وإجاباتها وإن شاء الله تستفيدي من التطبيق وتفيدي غيرك. تحياتي.
تم النشر الثلاثاء، ٢٣ سبتمبر ٢٠٢٥
وله قريب وله حاجه بس مفيش بديل
تم النشر الأربعاء، ٢٤ سبتمبر ٢٠٢٥
هو غريب بس شغال
تم النشر الجمعة، ٢٦ سبتمبر ٢٠٢٥
لعرض السؤال في فدني اضغط هنا