بص هو عنده 18 سنه بعيدا عن هو مين
هو شغال بقاله يجي تلت سنين جد وهو اصلا كان بيشتغل من صغره المهم ف أبوه بيقسى عليه يعني ابوه بينزله الشغل عشان ف معتقاداته أن هو كدا هيبقا راجل يعني
المهم ف هو بيشتغل 9 ساعات بيروح يدوبك ينام ويصحى يروح الشغل تاني وف ايام المدارس مبينمش غير تلت ساعات حرفياً يعني بيصحى 6 للمدرسه ويطلع من المدرسه عل الشغل يرجع بيته عل 2 او1 بليل وساعات 3 وأبوه عاوزه لو قعد ف البيت يعمل كل حاجه ف البيت ويخرج يجيب الطلبات هو اصلا الشخص دا مبيحبش ياخد إجازته بسبب أبوه عنده عقد نفسيه بسبب من اللي أبوه بيعملو معاه وان فاكره روبوت ومش بيحس بيه أن هو تعبان حتى يوم الاجازه مش بيرحمه غير اصلا أن الشخص دا شغال ف ماكدونالدز وهناك بيطفحوه الدم ومحدش برضو حاسس بيه وهو اصلا مش عايش سنه ولا عارف يعيش حياته زي الناس الشغل واخد وقته جدا المهم أن هو كل يوم أبوه لازم ينكد عليه ويتخانق معاه وهو ملوش خلق اصلا خلقه اديق من خرم الابره ف هو كدا كدا مش بيهمه عشان هو بيكون ف الشغل اصلا الشخص مش بيحب يشكي أو يقول لحد مشاكله ولا هو حزين ولا لا وكدا <كتوم> المهم من يومين راح حلق حلقه كدا فيها كذا خط ف شعره ف أبوه طرده وقاله متعقدليش هنا ف خد اجازه من الشغل ونزل البلد وبقاله تلت ايام تقريباً أو أربع أيام ف البلد وأبوه كل يوم يكلمه يقوله مش هتخش البيت وهو حلف أن لو روح ومدخلهوش البيت هيمشي ومش هيرجع البيت تاني ولو عل اخواته البنات هيبقا يجهزهم بس أن شاء الله ينام عل الرصيف وميخشش البيت دا تاني بدأ يشرب سجاير بسبب الخنقه ف المفروض يعمل اي وهو مبقاش يثق في نفسه ف ياريت تساعدوني اعمل اي عشان اقدر اساعده
الاب عارف وفاهم انه بيقسي زيادة على ابنه.... وده ميمنعش ان هدفه فعلا انه عاوزه يبقي متربي صح.. اه الاب يتجاهل ان النتيجة ممكن تبقي عكسية ويبقي خسر ابنه اصلا.. وده اللى لازم الاب يسمعه بشكل غير مباشر... زى ما بنصالح اتنين على بعض كده... ونقول قدام الاب ان الابن بيقول ابويا انا عارف انه بيحبنى وبيوجهنى بس ياريته يبقي مره يشد ومره يطبطب. (حتى لو الابن مقالش كده اصلا) ونفس الوضع مع الابن... نقوله من وقت ما انت مشيت وهو زعلان وبيدارى انه زعلان وبسمعه بيقول ان الولد واحشنى وازاى قدر يفضل بره البيت ولو جه وراضانى هسامحه. الولد محتاج يعرف ان رغم قسوة ابوه الا ان صبره هو من البر... وباب البر سبب لخير كبير وبركة فى الحياة اللى جايه وثواب كبير فى الآخرة ان شاء الله. نواسي الولد بأنه يعرف ان ده قدر وطالما وقع فاكيد ده خير ليه اكتر من وضع تانى كان ممكن يكون حاله فيه مش احسن حاجة.
تم النشر السبت، ٢٧ يناير ٢٠٢٤
شوفى حد صاحب بباكى او حد يكون باباكى بيحب يسمعلة ويقولة ان هو اد ايه عامل مشاكل نفسية وان اللى بيعملة ده هيطفش اخوكى من البيت وهيخلية يكرة ومش هينشفة زى مهو فاكر
تم النشر الجمعة، ٢٦ يناير ٢٠٢٤
ممكن يحكي لحد ليه تأثير على بباه ويسمعله ويعرفه ان دا غلط وان السن دا مينفعش معاه التعامل بالطريقه دي وان شاء الله ويسمعله
تم النشر السبت، ٢٧ يناير ٢٠٢٤
هو معنى انو يخليه راجل أن هو يعامله معامله وحشه ويتعب نفسيته ويقل راحته ويقل نومه؟
تم النشر السبت، ٢٧ يناير ٢٠٢٤
• بدون أن أكمل باقي المُشكلة ، أبوكِ يُدرب أخاكِ على الرجولة فلتسعدِي ولا تتدخلِي بينه وبين أباكِ ، ومن الطبيعي أن يكون الابن هو المسئول عن شراء الطلبات ومُساعدة أسرته وما إلى ذلك ، عندما يكبر أخاكِ سيعلم حجم المعروف الذي فعله أباكِ له ، وعندما يُجهد في العمل والدراسة أفضل من أن يقضي وقته على مواقع التواصل الإجتماعي وفعل المُحرمات وإدمان الهاتف والتفاهات ، كُنتُ أتمنى أن يفعل أبي هكذا مع أخي.
تم النشر السبت، ٢٧ يناير ٢٠٢٤
المشكله فالاب لازم يتغير سواء بقا تدخل من الاقارب لحل الموضوع دا او حتي شيخ يتكلم مع والدك بالدين يمكن يهدا
تم النشر الجمعة، ٢٦ يناير ٢٠٢٤
أنا بقعد اتكلم مع اخويا وبيقعد يعيط ف حضني شايفاه بحاله وحشه اوي ومش عارفه اعمله حاجه
تم النشر الجمعة، ٢٦ يناير ٢٠٢٤
بابا مش قادر يفهمه ولا يفهم ماما ومش بيرضى يسمع من حد
تم النشر الجمعة، ٢٦ يناير ٢٠٢٤
هو عصبي زياده اووي واللي ف دماغه ف دماغه ومش بيسمع لحد وصل اخويا لدرجه ان هو بقا شايف نفسه ميستهلش اي حاجه حلوه وبيكره نفسه وشايف أن كل الناس بتكره وان هو لو مات هيريح ناس كتير
تم النشر الجمعة، ٢٦ يناير ٢٠٢٤
متحاولى تتكلمى مع بباكى ايه رايك ؟
تم النشر الجمعة، ٢٦ يناير ٢٠٢٤
عايزه طريقه اواسي بيها اخويا
تم النشر الجمعة، ٢٦ يناير ٢٠٢٤
مامتي بتقوله علطول كدا وهو مش بيسمع منها
تم النشر الجمعة، ٢٦ يناير ٢٠٢٤
اخويا وانا عاوزه اساعده
تم النشر الجمعة، ٢٦ يناير ٢٠٢٤
ماحدش هيعرف يساعدك غير لما يعرف علاقة الشخص دة بيكي إيه
تم النشر الجمعة، ٢٦ يناير ٢٠٢٤
لعرض السؤال في فدني اضغط هنا