السلام عليكم ورحمة الله وبركاته
بنت عمي أكبر مني ب ٧سنين .
وعرفت ولد أصغر منها من دفعتي أنا ،وأوهمها إنه بيحبها
فكلمته وبقت بتديله فلوس علشان يفضل موجود ، أبوها عرف حاجات بسيطه عن الموضوع من أمها وخد التليفون منها ، بس هي استمرت بطرق مختلفه وبقت بتسرق فلوس منهم واستلفت من كل الناس فلوس وايديتهاله ، وهو طبعًا عشان لاقي واحده بتدخله فلوس ،هيقولها لأ ؟؟!
فالمهم يعني الرجال الكبار المسئولين عنها بعتولي وسألوني فحكيت لإني كنت شايفه إني لو سكت الموضوع هيتطور وهيوصل إنها زي ما قبلته هتروحله بيته
فأنا عاوزة أعرف أنا كدة فضحتها ولا إيه ، وهل أتوب ولا عادي طالما كان اللي هيحصل أكبر ؟
دي مش فضيحة انتي خايفة عليها طالما عارفة اتكلمي مع أهلها مباشر امها ابوها بس اتكلمي كمان معاها فهميها انه دا غلط انه مفيش راجل يقبل انه بنت تصرف عليه انه الولد دا بيتسلي بيها فكرة انه هيا أكبر منه بي 7 سنين يعني الجواز في حتة بعيدة قوووووي قوووووي لازم حد ينصحها براحة لحد ما تقتنع بلاش العنف لازم المراقبة ليها الولد دا حد يوصل ليه يبعده لو يقول لي اهله متى ينفع كدا
تم النشر الأربعاء، ١٣ مايو ٢٠٢٦
وعليكم السلام ورحمة الله وبركاته. ردي عليكي باختصار وبكل وضوح عشان تريحي ضميرك تماماً: إنتي صح ومفضحتهاش، إنتي حمتيها من مصيبة وكارثة أكبر كانت هتحصل لو كنتي سكتي.الرجال الكبار المسؤولين عنها يعني أهلها وأصحاب القرار اللي في إيديهم يلحقوها ويحموها البنت دي كانت بتتعرض لعملية ابتزاز واستغلال مالي واضحة من ولد نصاب، وكونها وصلت للسرقة والاستدانة من طوب الأرض فده معناه إنها كانت مغيبة ومسحوبة لطريق تاني والموضوع كان هيتطور لكارثة أكبر لو كانت راحت بيته زي ما كنتي متوقعه لقدر الله سكوتك في الموقف ده كان هيبقى سلبية ، لكن كلامك للأهل هو اللي قطع الطريق على الولد ده وخلاهم يفوقوا لبنتهم ويلحقوها نيتك كانت الستر والإنقاذ وتصرفك بصراحه هو عين العقل فقولي الحمد لله إن ربنا جعلك سبب لحمايتها ومتحسيش بأي ذنب لأنك حاولتي تساعديها حتي لو هى زعلت هى مش شايفه انك عايزه تساعديها او خايفه عليها
تم النشر الخميس، ١٤ مايو ٢٠٢٦
لأنها هي تجاهر بالمعصية ولأجل مصلحتها
تم النشر الجمعة، ١٥ مايو ٢٠٢٦
اكيد عليكي بأهل العلم زي الشيخ ابن باز لأن الدين مش وجهات نظر .. .. وفي هذه الحالة كان المفروض انتي اللي تبادري وتفضحيها مش تنتظريهم يسألوكي
تم النشر الجمعة، ١٥ مايو ٢٠٢٦
@عبدالحكم عادل مشعل لا يا فندم دا بقا مشهور جدا فى مصر فى بنات بتعطى للشباب دهب من البيت ، وفلوس تحويشة العمر ، والجمعية ال طلع عين أهلها عشان تدفعها ،طبعا مش محتاج أقولك الدوافع تقدر تخمنها احتراماً للاعضاء
تم النشر الخميس، ١٤ مايو ٢٠٢٦
اولا أنا مش هفتى فلو بتسالي عن حلال وحرام يبقى تروحي لحد تثقي في دينه. هو اللي عملتيه هيكون صعب عليها وممكن تقطع علاقتها بيك بس اظن هو الصح. هي غلط وانتي اتسالتي وماكنش ينفع تكذبي. وهي اللي غلطانه. اللي اعرفه ان الراجل اللي بيدفع فلوس وتبقى واحده مستغلاه اما اللي بتقولي عليه ده اول مره اسمعه
تم النشر الأربعاء، ١٣ مايو ٢٠٢٦
انتى اتكلمتى معاها أولا وحاولتى تمنعيها ، ونتى كام سنه معلش وهيا كام سنه
تم النشر الأربعاء، ١٣ مايو ٢٠٢٦
لعرض السؤال في فدني اضغط هنا