محتاجه رأيكم يجماعه انا 20 سنه كنت مرتبطه بواحد ف سني كدب عليا ف حجات كتير هو اوبن مايند شويه و بيعمل حاجات كتير مش عجباني زي نو يخرج شلل بنات و شباب و كانت خروجاتنا ديما كده مخرجناش لوحدينا غير مرتين من لما عرفتو وانا وهو بقالنا سنه مع بعض حاولت ابعد عنو كتير اوي بس ديما يخلي صاحبو يكلمني اننا نفضل سوا للعلم صحبو دا هوا الي خلنا نعرف بعض..... وانا كنت مصاحبه واحد ولحد دلوقتي هو ف حياتي وهو بيحبني و بيعمل عشاني اي حاجه و ف مميزات كتير تحببني في ع الشخص الي كلمتكو عنو دا و حاسه ني مرتحالو اكتر اعمل اي ابعد ع الشاب دا ولا افضل معاه و ارتبط ب صحبي دا ولا لا جماعه بجد انا مشوشه و م عارفه اعمل اي
السلام عليكم، لو عاوزة رأينا ونصيحة فعلا فاللي عاوز مصلحتك مننا هيقول لك ببساطة ابعدي عن الاتنين . أولا، لو أنت مسلمة فالمفروض فيه حدود بين الولد والبنت، بمعنى إن سواء الولد اللي مرتبطة به أو الواد اللي بتقولي بيحبك ومعتبراه صديق ، الاتنين مينفعش أصلا يكون فيه علاقة غير رسمية بينكم. ** الجاد فيهم وعنده استعداد يتقدم ويخطبك كلمي أهلك ويتفضل يتقدم وتبقى علاقة رسمية غير كده يبقى بيتسلى ومفيش معنى للعلاقة دي وفي الآخر ممكن تكوني مرحلة مؤقتة في حياة الاتنين وعلاقة بيملوا بها وقتهم الفاضي وفراغهم العاطفي اللي عندهم. ** لو عاوزة تبعدي فعلا زي ما حاولت كذا مرة فخذي قرار وابعدي ولا تسمحي لصاحبه أو أي حد ياخد قرار عنك أو يوسوس لك بحاجة مش فيها مصلحتك. ** اختاري نفسك وركزي في دراستك، أغلب العلاقات دي كانت نهايتها سيئة للبنت وممكن تاخدي لفة هنا في التطبيق وتقرأي كم المشاكل اللي اتكتبت هنا بسببها والبنات لسه بتعاني عشان تتخطى كسرة قلبها وتعلقها. عموما، اسألي نفسك أنتِ بجد هتستفادي إيه سواء ارتبطتِ بالأول أو التاني، وفي الآخر اعملي اللي يريحك.
تم النشر الاثنين، ٨ يونيو ٢٠٢٦
دا استهلاك ليكى ولنفسيتك وانتى لسة صغيرة ٢٠ سنة وهما مجرد بيتسلوا وأتحداكى اذا كان حد فيهم هيدخل البيت من بابة ابعدى عنهم الاتنين حفظا لنفسك ونفسيتك وحياتك .. طبعا الكلام دا لو انتى على دين غير الإسلام + لكن لو انتى مسلمة ف الكلام دا محرم يا بنتى اتقى الله
تم النشر الاثنين، ٨ يونيو ٢٠٢٦
اتركي الاتنين
تم النشر الثلاثاء، ٩ يونيو ٢٠٢٦
لعرض السؤال في فدني اضغط هنا