اكيد لا محدش يستاهل دا.. لكن بردو ليه بنربط سعادتنا بغيرنا.. والسعادة مش بكتر الى تعرفيهم.. فنغير طريقة تفكيرنا ونظرتنا هو دا الحل.. قبل ماتفكرى فى غيرك هل انتى متقبلة نفسك حباها ؟ شايفاها تستحق التقدير ؟.. اهتمامك بتقديرك لنفسك يكون قبل تقدير الناس ليكى.. انتى اجتماعية وتعرفى ناس كتيرة فدى كلها اسباب انك متحسيش بالوحدة لكن فعليا انتى وحيدة.. غريبة مش كدا ؟.. لانها مش بالعدد ولا الكلام.. اسألي نفسك مين فاهمنى ومين شايفنى فعليا مين تقدري تكونى ع طبيعتك جدا معاه مين تضعفى قصاده ولو غبتى يفتقدك.. انتى بتدورى ع شعور معين واُرهقتى ف التدوير عليه من خروج وشغل وخلافه لكن لسا مالقتهوش.. انتي مش محتاجة تثبتي لنفسك إنك مش محتاجة حد.. الانسان طبيعي يحتاج علاقة آمنة وحد يرتبط بيه مش مطلوب إنك تلغي احتياجك للحب... المطلوب إنك ما تربطيش قيمتك بوجود الشخص دا او لا.. الحل مش سحرى.. لكن محتاجين نغير نظرتنا للموضوع.. مش هتعملى أكتر من الى عملتيه وبطلى تدوير وارهاق ع الحاجة الى ناقصاكى اشتغلى ع نفسك وعالجى مواضيعك بطريقة مختلفة.. اسمحى لنفسك تكسرى حاجز الخوف دا..
لعرض الإجابة في فدني اضغط هنا