انا هلكانه من كتر التفكير والفتره دي بالذات بفكر كتيير اوييي مبدائيا كد م عارفه ابدأ منين اصلا بس انا بابا م حنين عليا بقالي سننتين كد في مشاكل في البيت بسبب ان مرات عميي اللي متوفي وهيا وابويا اتكلمو وكد وبقت توقع ما بينا وبين بابا وبابا وماما شبه انفصلو بسببها والبيت اتخرب بسببها بابا م بيصرف عليا بيصرف ع ولاد عمي وم مخليهم عاوزينوحاجه وانا عليا اقساط من جهازي وعليا فلوس م فكر حتي يساعدني كل ما يتكلم معايا يقولي هو انتي م شغاله موحاسه بحنيته عليا م بيقعد معانا خالص بيجي من الشغل متاخر بينام وبيصحي يمشي وعايشين فنكد بحاول افصل عن البيت بس بجد م عارفه الكل بيقعد يقولي انتي شبه ابوكيي بس انا بجد م شبه ف حاجه انا من جوايا طيبه وساعات بحس ان من جوايا وحشه م عارفه اعرف نفسي بس كل اللي حوالياةبيثبتولي اني وحشه بس انا والله بيصعب عليا الناس م بحب اخاصم حد بدايق بحب ان الكل يبقي حاببني كد ابقي وحشه ولا حلوه م عارفه احدد نفسي ولاةشخصيتي الاول شخصيتي كانت قويه دلوقتي بقت ضعيفه اوييي م لاقيه حد الجأ ليه كل اصحابي عشره عمري بعدو عني مبقتش حابه اتكلم مع حد خالص ودايما بفكر كتيير بيبقي نفسي انام وم بعرف انام عنديي كذا مشكله ف حياتيي وم بعرف اخد قرار بخاف ع مشاعر اللي قدامي دايما ببقي عامله حساب ان الناس ممكن تزعل مني بس انا اجي ع نفسي عادي باجي علي نفسي كتيير اوي بشوف صحابي ووقرايبي مع اهلهم وكل واحده ابوها بيعاملها ازاي وكل واحده بتضحك وعايشه ف وسط عيله وابص لحالي معرفتش اعمل صاحبه تسمعني او تفهمني او حتي تبقي معايا عندي صحاب كتير بس شكليات بس م مبسوطه ف بيتي اللي هو المفروض مصدر الامان بتاعي لاكن هو اكتر مكان اذاني نفسيا بجد انا مريضه نفسياا ساعات بحس ان ربنا كمان م بيحبني مفيش حد بيحبني اصلا الكل بيجي عليا والمفروض اني استحمل مع اني م مستحمله نفسي بس بستحمل بس انا مفيش حد مستحملني ساعات بحس اني عايشه دور الضحيه واني وحشه بس انا بجد والله مفيش حاجه م جايه عليا قلبي وجعني اوي حاسه كاني متعوره من جوا كد في حاجه جوايا عماله تنزف وانا م عارفه اوقفها نفسي ربنا يسامحني فكل ذنب عملته وياخدني عنده علشان مبقتش مستحمله الدنيا ومفيش حاجه تخليني اقدر اعيش لو لثانيه واحده علشانها
بصى اول حاجه غيرى من شخصيتك ...يعنى بما انو العيله بقت متفككه خلكى الكلمه الاولى والاخيره فى البيت يعنى قوى شخصيتك لانو الشخصيه القويه بتظهر مابين كل الناس وكل العيون بتتوجهلها بس انتى طبعا فى حالتك ده صعب عليكى انك تكونى قويه فعلشان كده اول حاجه افهمى انو اللى انتى فيه ده بلاء ادعى ربنا يرفعه عنك أو عقاب على ذنب انتى عملتيه وربنا علشان بيحبك عذبك بيه فى الدنيا بدل ميعذبك عليه فى الاخره وده ميمنعش انك تدعى ربنا انو يرفعه عنك برضو .....وبعد كده ابدأى اتكلمى مع باباكى واتعلمى ازاى تتناقشى معاه وتاخديه فى صفك وزودى من علمك فى الدين علشان لما تيجى تتناقشى مع باباكى تكون معاكى حجج مثبته ميعرفش يناقشك فيها ...لأنهم زى مابيقولو العلم سلاح ....وابدأئى غيرى من تفكيرك اسمعى واقرى عن التنميه البشريه واستمرى على الأمر لمده كويسه لحد مالامر يندمج فيكى لانو مفيش حاجه بتحصل فورا الا لو كانت حاجه هينه ....كل حاجه بتحتاج وقت وصبر ....فإصبرى فإن بعد العسر يسرى بإذن الله وقوى ايمانك فى ربنا ده اهم حاجه علشان باقى الأمور تمشى معاكى صح....وعلى فكره الأمر ده ممكن ياخد معاكى سنه واتتين لحد ماقدرى تغيرى من نفسك....لكن صدقنى هتكون اكتر حاجه هتحمدى عليها ربك طول حياتك .....وربنا يعينك
تم النشر الخميس، ٧ مارس ٢٠٢٤
الازمات بكل اشكالها مهلكه اهم حاجة تتعلميها انك لو الحاجة خلاص ملكيش تصرف فيها ومفيش حاجة من اللى فى ايدك تنفع تحل الموضوع يبقى تخرجى الموضوع من حيز تفكيرك لان هو ده اللى بيخلى الانسان حزين وخلاص . بابا مش هتقدرى للاسف تعملى معاه حاجة والموقف اه طبعا مش حلو وربنا يكون فى عون مامتك اكتر منك على الوضع الصعب ده....ممكن هو يكون كان حنين وافضل من كده ....افتكرى للاب والام كل اللى عملوه فى سنين تربيتك وتعليمك كلها مهما اتغيرت الامور لان هما بشر بردوا وبيغلطوا. الربط بقى بتاع انه الشخص اللى مش حاببنى زى ما انا عاوزه فتلاقة نفسك حاسه ده من الناس كلها ..ده عشان الشيطان حابب انك تفضلى فى نفس مكانك الحزين ويكمل عليكى بقى بافكار ان ربنا مش بيحبك فخلى حياتك كده انتى مش مريضه نفسيا بس انتى محتاجة طبطبه شوية ومحتاجة تفهمى وتعاملى الحياه انها ممكن تديكى اوقات واوقات تاخد منك وانتى وشطارتك ...طلعى لسانك للدنيا وقوليلها ..كل اللى فى الكون ملك لربنا واحنا لا حول ولاقوة لنا الا بيه ...اعملى يا دنيا اللى انتى عاوزاه احنا تحت جناح رحمة ربنا .,..حتى لو اتهيألنا ان رحمة ربنا اتأخرت علينا بس ده عشان احنا مش شايفين من فوق زى ربنا ..احنا تحت بس . البيت مصدر امان اه ..بس مش الوحيد ..امانك صلتك بربنا قبل كل شىء ..امانك فى يقينك ان كله بيعدى بامر الله ...امانك فى انك تكونى بتقفى قصاد الصح والغلط وتعرفى تفرقى بينهم .
تم النشر الأربعاء، ٦ مارس ٢٠٢٤
ربك بيحبك وبيحبنا كلنا بس حاولي تقربي منه صلي واستغفر علطول وداومي ع ذكر الله وصدقيني حياتك هتتحسن كتير
تم النشر الثلاثاء، ٥ مارس ٢٠٢٤
قربى من ربنا وداومى ع صلاه يبنتى ومتخفيش
تم النشر الخميس، ٧ مارس ٢٠٢٤
وبابا ربنا يكون في عونه الله اعلم ايه المشاكل اللي بتحصل معاه في الشغل او في حياته حاولي تقعدي معاه مرة واتنين وتفهمي منه ايه اللي وصله لكدا ولعله خير بإذن الله
تم النشر الثلاثاء، ٥ مارس ٢٠٢٤
قربي من ربنا واعملي صحاب جداد وعيشي حياتك من اول وجديد صفحة جديدة ابدأيها متخليش عقلك ياخدك لبعيد في التفكير متفكريش كتير وعيشي حياتك زي ماانتي حابة وبس شوفي ايه بيبسطك واعمليه
تم النشر الثلاثاء، ٥ مارس ٢٠٢٤
متخليش اي حد يأثر فيكي ايا يكن هو مين انتي احسن بكتير مما تتخيلي وتقدري تعملي كل حاجة نفسك فيها وزيادة عمرك متتمني الموت زائد اتكلمي وقولي كل اللي في نفسك طالما مش بتأذي حد قولي كل اللي جواكي ومتحسسيش نفسك انك وحشة ابدا
تم النشر الثلاثاء، ٥ مارس ٢٠٢٤
استعيني بالله بس ومتخليش حاجة تأثر فيكي ايا كانت هي ايه انا حاسس بيكي وعارف معنى كل حاجة بتعيشيها وصدقيني مفيس حاجة مستاهلة تخليكي تحسي انك وحشة كل شخص فينا كويس من منظوره الخاص وبطريقته الخاصة
تم النشر الثلاثاء، ٥ مارس ٢٠٢٤
لعرض السؤال في فدني اضغط هنا