عمري بجد ما حاولت اشرح مشاعري ولا عرفت حتي ،دايما عندي صعوبة في اني احكي لحد اني مريت ب حاجه وحشه النهارده او حتي انا بمر ب اي كل يوم معرفش مبحبش احكي ولا ده خوف، بس الي اعرفه كويس بجد اني عندي تراست ايشوز بخاف اثق في حد للاخر ل يسبني ويخذلني ويطلع مش في مستوي توقعاتي ف بنزل مستوي توقعاتي عشان انا مش ناقصه اتجرح،بس انا مكانش نفسي في ده كان نفسي احكي مشاعري واتكلم زي ما بسمع نفسي اصارح الي بحبهم ب كل الي جوايا وقد اي مثلا انا زعلانه انهارده بس في الاخر برجع و اقول اي المهم اصلا مش مهم يسمعوني حتي... انا بعرف اتعامل مع مشاكلي لوحدي كفايه عليا اسمع وخلاص.
قد يكون عدم تعبير الشخص عن مشاعره خوفًا من صده بواسطة الطرف الآخر أو أن يغدو مرفوضًا منه، وأيضًا قد يكون ذلك اعتقادًا بأن التعبير عن المشاعر بصخب ليس صفة حميدة، ويدعى هذا الخوف باسم ظاهرة رأس النعامة. الاعتقاد بأنه على الشخص أن يكون عقلانيًا ومتحكمًا في مشاعره بشكل دائم، وأن إظهار المشاعر هو ضعف يستوجب احتقار الآخرين. وهذا مايسمي بالايجابية السامه التي تؤثر بالسلب علي الشخص نفسه ع المدي البعيد ماذا يحدث عند كبت المشاعر ؟ يتسبب الكبت بإصابة الشخص بالقلق والعصبية، وذلك في حال عودة هذه المشاعر والذكريات إلى العقل الواعي في مواقف مختلفه اكل منا احتياجاته ومن ضمن الاحتياجات الطبيعية هو التعبير عن المشاعر وببعض التكنيكات البسيطة بنعرف بالتدريج نعبر لنفسنا عن مشاعرنا بوعي منا بذلك
تم النشر الأحد، ١٧ سبتمبر ٢٠٢٣
هنتكلم في كذا جانب .. اولهم انتي انتي ممكن تتكلمي وتحكي كل حاجه، وده عن طريق الكتابة - الكتابة في المقام الاول اسلوب علاجي .. ممكن تخصصي وقت ف اخر كل يوم وتكتبي عن مشاعرك وعن يومك، وصدقيني في طاقة كبيرة مكبوتة هتطلع على الورق. تاني جانب وده مهم جدا - انتي لمحتي ان فيه عندك ازمة ثقة، خاصةً في علاقاتك اللي فاتت .. لما بتتوقعي حاجه من حد، وفجأة الشخص ده ممكن يخذلك! انتي شايفة ايه، هو اللي بيخذلك ولا انتي اللي بتخذلي نفسك بنفسك؟ يعني مثلا لو جيتي وحكيتي ليا حاجه وفي الاخر وثقتي فيا بدون حتى ما تعرفيني كويس، وكمان بنيتي بمخيلتك عني قناعات وتوقعات، مين هنا السبب لو انا مثلا مكنتش قد التوقعات اللي انتي عملاها؟ اكيد انتي - انا مقولتش ليكي اني ممكن اعمل كذا مثلا، انتي اللي توقعتي الشئ ده مني. كمان مش اي شخص تثقي فيه بالسرعة ديه! الثقة اساسا بتبني .. يعني مش معقولة من شهر ولا شهرين تديني الثقة كاملة وتحكي لي كل حاجه مثلا! ده غير منطقي ... مش كده! يبقى قبل ما نلوم غيرنا، نبدأ نشوف ايه الاخطاء اللي بنعملها في علاقاتنا ونصلحها. مش عيب ابدا انك تحكي او تشاركي كل حاجه جواكي، بس اختاري الاول الشخص اللي يصلح، ومتحمليش عليه توقعات هو مش قدها، وكمان مصرحش عنها.
تم النشر الأحد، ١٧ سبتمبر ٢٠٢٣
لو نيتك من مشاركة مشاعرك نابعة من حبك لنفسك وتقديرك لذاتك فلسانك سينطلق لو نيتك هي البحث عن الاهتمام من الآخرين أو التعاطف فسوف ينعقد لسانك لأن ده نوع من البحث عن شخص للتعلق بيه ودي مش حاجة فطرية اكتفي بنفسك واجعلي شعورك بقيمتك من داخلك وليس من الآخرين بهذه الطريقة تكون المشاعر سهلة والحديث عنها يسير
تم النشر الأحد، ١٧ سبتمبر ٢٠٢٣
شكرا
تم النشر الأحد، ١٧ سبتمبر ٢٠٢٣
اتكلمي وفضفضي هسمع وهقف معاكي
تم النشر الأحد، ١٧ سبتمبر ٢٠٢٣
لعرض السؤال في فدني اضغط هنا