السلام عليكم
انا اول مرة اكتب حاجة وحابة حد يفدني واتكلم معاه ديما بحس بخنقة وتعب في قلبي رغم اني بصلي ديما وبصلي قيام الليل واقراء قرآن واستغفر بس ديما احس بخنقة وجع في قلبي وسواس او زعل لغبطة كتير ونفسي مش منتظم ساعات ومش بلاقي حد اتكلم معاه اوي وقريب مني ويفهمني
وعليكم السلام ورحمة الله وبركاته يا حبيبتي، أول حاجة، أشكرك إنك شاركتيني اللي جواكِ، ده خطوة كبيرة وشجاعة، وأنتِ مش لوحدك في الإحساس ده خالص. اللي بتحسيه زي الخنقة والتعب في القلب والسواس والحزن ده ممكن يكون من ضغط نفسي متراكم أو حزن مخفي، حتى لو العبادات مستمرة (وبرافو عليكِ على الصلاة وقيام الليل والقرآن، ده أساس قوي جداً). خطوات عملية عشان تتخلصي منه إن شاء الله: ركزي على الدعاء المستهدف : بعد كل صلاة، قولي "اللهم إني أعوذ بك من الهم والحزن والعجز والكسل" 7 مرات، وادعي ربنا يفرج همك ويوسع صدرك. كمان، صلي ركعتين حاجة وضحيها لله على راحة قلبك. رتبي يومك بجدول بسيط : نامي باكراً (قبل 11 مساءً) وصحي باكراً، كلي وجبات منتظمة صغيرة (فواكه، خضار، تمر مع لبن) عشان الشهية ترجع طبيعية. مشي 20 دقيقة يومياً في الهواء الطلق، ده بيغير المزاج سريعاً بدون تعب. اكتبي اللي مضايقك : خدي دفتر صغير، كل يوم اكتبي 3 حاجات شاكرة ربنا عليها، و3 أفكار سلبية بتحسيها وردي عليها بحقيقة إيجابية، ده بيقلل السواس تدريجياً. ابحثي عن السبب الجذري : فكري في أي مشكلة قديمة (عمل، عيلة، ذكريات) وعالجيها لو مستمرة واستغفري كتير، وادعي ربنا بالفرج. لو استمر الإحساس ده قوي، روحي لدكتور نفسي متخصص عشان يشوف إذا في حاجة جسدية زي الغدة أو نقص فيتامينات. وفي فدني، شوفي الخبراء في https://www.fedni.net/experts، في متخصصين نفسيين ومدربين حياة هيفيدوكِ كتير. كمان ابحثي في فدني عن أسئلة مشابهة هتلاقي إجابات تانية مفيدة. أنتِ قوية وبتقدري، ربنا معاكِ وهيفرجها قريب إن شاء الله. 💕. الله يشفيكِ ويریح قلبك.
تم النشر الثلاثاء، ٣ فبراير ٢٠٢٦
و عليكم السلام و رحمة الله و بركاته الأعضاء جزاهم الله خيراً اعطوكي حلول للخروج من الزعل ، ف هكتفي ب ردهم بس هعلق على جزء لإن مهم عندي إنك تفهمي نقطة معينه. الشيطان ضحك عليكي و قالك ، انتي بتعملي كل ده و رغم كدا حاسه بخنقة و تعب . ف تعالي نصلح الفهم الخطأ ده سوياً... تخيلي معايا إنك عطفتي على فقير ب٥٠جنية و زعقلك و قالك ايه ده أعمل بيهم إيه دول أنا عايز اكتر.. هيكون رد فعلك إيه ساعتها؟ و لله المثل الأعلى.. الله بيُنعم عليكي ب نِعم كتيرة أنتِ مش واخد بالك منها قال تعالى (وَإِن تَعُدُّوا نِعْمَةَ اللَّهِ لَا تُحْصُوهَا).. و هو اللي يسرك للعمل الصالح و بلا تيسيره تعالى مكنش زمانك عملتي كل ده من الأساس.. قالﷺ: والذي نفسي بيده، لا يدخل الجنة أحد منكم بعمله، قالوا: ولا أنت يا رسول الله؟ قال: ولا أنا، إلا أن يتغمدني الله برحمة منه وفضل. لازم تبقي عارف معنى إن عملك ليس بكافي حتى لدخولك الجنة إنما تدخليها برحمته سبحانه.. قال تعالى : [وَلَا تَمْنُن تَسْتَكْثِرُ] ف أوعي ترجعلي لربنا متشرطه عليه و مُعجبه بكثرة أعمالك كثري نوافل و ادعي يرضى عنك لإن هو الوحيد اللي هيقدر يخرجك من كل ده إن اراد فإنه تعالى (إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ)، و بالتوفيق 🤍
تم النشر السبت، ٧ فبراير ٢٠٢٦
ماتسبيش نفسك للخنقه والعزل وكل ما تحسي انك بدأتي تتخنقي قومي اعملي اي حاجه بتحبيها كلمي صحابك ارسمي اي حاجه بتحبها اعمليها شوفي عندك هويات ايه و اعمليها جربي حاجات جديده انزلي اتمشي حتى لو لوحدك اعملي شوبنج كده يعني وربنا يريح قلبك ويطمنك يارب
تم النشر الخميس، ٥ فبراير ٢٠٢٦
حاولي متوهميش نفسك انك مضايقه اقنعي نفسك انك مبسوطه اضحكي ابتسمي اخرجي مع صحابك إو عيلتك حاولي تنزلي اتمشي اكنك نازله تجيبي حاجه اتفرجي على فيلم كوميدي بلاش حاجات دراما حطي ميكيب اكوي شعرك مش لازم تسمعي شكاوي حد الفتره دي لو مش قادره لو حد ضاغط عليكي أو في مشاكل حاولي تبعدي عنها مش لازم تحلي وادعي ربنا طبعا وطلعي صدقه
تم النشر الخميس، ٥ فبراير ٢٠٢٦
اقعدي مع اهلك كتير وعيلتك وقربي منهم وحاولي تمارسي هوايه ليكي مثلا قراءة كتب تغيري روتين حياتك اتعلمي حاجه جديده كل يوم حتى لو درس صغير
تم النشر السبت، ٧ فبراير ٢٠٢٦
اقعدي في الشمس وتعاملي مع الناس ومتفضليش قاعدة في البيت
تم النشر السبت، ٧ فبراير ٢٠٢٦
بصي هوه اكيد ممكن تتكلمي وهرد عليكي في اي وقت بس فكرة انك بتصلي وتقرأي قران وقيام ليل ومخنوقه دي استحاله ممكن انتي مش عارفه توصفي الخنقه لكن ممكن يكون ملل بسبب روتين يومك اللي مش بتغير ممكن يكون معندكيش صحاب ودايما عندك وقت فراغ ممكن تكوني مش قريبه من حد. ممكن كل ده توصفيه بخنقه لكن قراءة قرآن وصلاه وقيام ليل انتي احسن من الدنيا كلها
تم النشر الخميس، ٥ فبراير ٢٠٢٦
لعرض السؤال في فدني اضغط هنا