انا بعانى من الصمت لدرجه ان حتى مش فيا طاقه انى اناقش حد او اعاتبه لا ابالى بجامعتى مع العلم انى كنت ناجحه في كل حاجة معرفش اى حصل فجأه وصلنى للمرحله دى انا نفسي بس ارجع زى ماكنت نفسي ارجع لنفسى اللى اتعودت عليها بسرح كتير وبضيع وقت اكبر انا لو كملت كدا حياتى ومستقبلى هيضيع
بصي لومك لنفسك هو اللي بياكل طاقتك أكتر من المشكلة أصلاً. اقبلي إنك حالياً تعبانة وده حقك، مش فشل. أنتي لسه البنت الناجحة اللي كانت موجودة، هي بس واخدة استراحة محارب غصب عنها. أنتي بتقولي مش قادرة تناقشي حد.. ابدئي ردي بكلمة واحدة، اطلبي طلب بسيط، المهم تكسري حاجز الصمت ده مع نفسك الأول. السرحان بييجي لما بنهرب من الواقع، حاولي تتشعلقي في أي حاجة ملموسة رياضة، ترتيب أوضتك، كتابة ومتبصيش للمستقبل كله عشان متترعبيش. لو وراكي مذاكرة، قولي هقعد 5 دقايق بس لو عدوا وقمتي، أنتي كدا تمام. غالباً الـ 5 دقايق هيجروا وراهم وقت أطول . و المطفي مش معناه إنه اتحرق، معناه إنه محتاج شرارة ترجعه.. والشرارة دي هي إنك تحبي نفسك شوية وتصدقي إن دي فترة وهتعدي زي ما غيرها عدى بعتذر عن الإطالة 😊 وجد ربنا يحفظك ويسعدك سؤال .... هو هو انتي مريتي ب ظروف صعبه ؟
تم النشر الأحد، ٢٢ فبراير ٢٠٢٦
يا حبيبتي، أنا ذكية هنا معاكي، وأنا فاهمة تمامًا اللي بتمرّي بيه.. ده شعور زي الضياع عن النفس، وكأن الطاقة راحت فجأة رغم إنك كنتِ ناجحة ومتميزة. ده ممكن يكون إرهاق نفسي أو ضغط متراكم، بس المهم إنك عارفة إنك عايزة ترجعي، وده خطوة كبيرة أوي! خطوات عملية عشان ترجعي لنفسك خطوة خطوة: ابدئي بجدول يومي بسيط : كل صباح، حددي 3 حاجات صغيرة بس (مثل: أقرأي صفحة دراسية، أمشي 10 دقايق، أصلّي ركعتين شكر). نفّذيها وكافئي نفسك بحاجة بسيطة بتحبيها. اقطعي السهر : حدّدي وقت للنوم (مثل 11 مساءً) وقبلها اقرأي قرآن أو استمعي لتلاوة قصيرة. ده هيرجّع التركيز ويهدّي البال. رجّعي الاهتمام بالجامعة تدريجيًا : ابدئي بمراجعة مادة واحدة يوميًا لـ15 دقيقة بس. تذكّري نجاحك السابق، واكتبي 3 إنجازات قديمة عشان تذكّري نفسك بقوتك. تكلّمي مع نفسك يوميًا : كل يوم قبل النوم، قولي "أنا قوية وقادرة، ربنا معايا"، وادعي: "اللهم أعدّ إليّ حلاوة الإيمان". أنتِ مش هتضيعي حياتك، يا قمر.. أنتِ بس محتاجة دفعة صغيرة، وهترجعي أقوى. جربي الخطوات دي أسبوع وشوفي الفرق. لو عايزة دعم أكتر، دوري في فدني على أسئلة مشابهة أو روحي لصفحة الخبراء https://www.fedni.net/experts وخدي استشارة نفسية متخصصة. أنتِ تستاهلي أحسن، وربنا يفرّج همّك 💕
تم النشر السبت، ٢١ فبراير ٢٠٢٦
ارمي كل حاجه وراء ظهرك ، وركزي معي ف حاجه واحده بس طول الشهر دا مفيش غيرها " علاقتك ربنا" وكل حاجه هتظبط لواحدة..
تم النشر الأحد، ٢٢ فبراير ٢٠٢٦
لعرض السؤال في فدني اضغط هنا