السلام عليكم، مُبارك النجاح يا بطل أولًا تالتة ثانوي سنة تستحق التعب والمجهود والنتيجة دي مش عليك خالص، ولكن بلاش تقول ضيعت سنة أنت كان لأزم تذاكر وتجتهد وتعافر وتتعب وقد كان، لو ما خرجتش من تالتة ثانوي بمجموع فـ أنت خرجت إنسان ناضج وفاهم وكنت متحمل مسؤولية سنة كامل وقدرت تكمل لآخر لحظة، ودا مش كلام مثالي أنت مينفعش تقول سنة ضاعت وخلاص وأنت تعبت فيها! أما فكرة الغش فـ أنت عارف أن الغش حرام، فـ جارك الـ غش حسابه عن ربنا مش عندنا إحنا علينا الصبر والاحتساب، متزعلش على أي دقيقة كانت في تالتة ثانوي لأن وظيفة طالب تالتة ثانوي المذاكرة! الحاجة الأخيرة والمهمة: كمل تعليم وأدخل كلية وخليك متفوق فيها وأثبت نفسك تالتة ثانوي محطة، كمل في بناء مستقبلك ونفسك وارجع أتعلم برمجة بشغل وأشتغل منها أعمل حاجات كتير جدًا الدنيا واسعة والمؤهل الدراسي مهم جدًا في ناس كتير جدًا قصتهم بدأت بعد تالتة ثانوي ومجمايع أقل من مجموعك بكتير جدًا أتعلم مهارات وخد كورسات وأتعلم لُغات وبلاش تُحبط وتيأس وتقعد زعلان على ظلم النتيجة مراحلة وعدت خلاص بكل حلوها ومُرها وقدامك فرص كتير جدًا تقدر تنجح في أماكن كتير جدًا ولو فعلًا أثبت نفسك في البرمجة تقدر تشتغل في شركات كبيرة، في النهاية تالتة ثانوي مرحلة وكان لأزم تُمر بيها وتتعلم منها وأفرح عشان أنت أتعلمت حاجات كتير جدًا وصدقًا لو شديت شوية في القادم هتنسى تالتة ثانوي كلها بالتوفيق
جزاكي الله خيرا
تم النشر الجمعة، ٣١ يوليو ٢٠٢٦
لعرض الإجابة في فدني اضغط هنا