انا امي متوفيه من سنتين الله يغفرلها ويرحمها وانا في ٣ثانوي أزهري وامتحاناتي بعد أقل من ١٥ يوم وحرفيا تلت تربع للمواد لسه مخلصش وده مسبب حمل عليا بس اللي بسأل فيه ان بقالي فترة بحلم بماما الله يرحمها كتير جدا احلام غريبة وناس ملهمش علاقة ببعض واماكن ملهاش علاقة ببعضها وماما تكون في المنام وآخر حلم ده ماما كانت في الحلم وانا مش عارفة اوصلها خالص كأن انا قاعدة بشوفها في فيديو مثلا بس هس قدامي وفي رقم كنت برن عليه في المنام من كتر ما رنيت عليه كتير عشان اوصل لأمي حفظت الأرقام اللي كانت موجودة فييه كان فيه ١و٠و٧ و٥و٨و٩و٣ انا تعبت من كتر الأحلام اللي مش مفهومة والحياة الواقعية مليانه ضغوط انا مبقتش حتى بعرف أعيط ببقى نفسي أعيط أقول يمكن أهدى بعدا شوية أو العياط يخفف عني شوية مش بعرف انا بحس نفسي تايهة
السلام عليكم، أولا ربنا يرحم والدتك ويصبرك على فراقها. أنا مش هقدر طبعا أفسر حلمك وإن شاء الله حد من المفسرين يرد عليك قريبا، لكن عموما بلاش تركزي مع الأحلام، هي في الغالب بتكون تفريغ لمشاعرنا وعقلنا الباطن. آه ممكن يكون فيه رؤى بس مش كل الاحلام رؤى فمتركزيش عليها ولما تشوفي حلم كويس ادعي ربنا يكون خير واو حلم مزعج أو شر استعيذي بالله من شره ومن الشيطان ومتحكيش الحلم. ** أنت ممكن تكوني متوترة كتير وضغوط الحياة تاعباك فده انعكس تلقائيا على نومك وأحلامك. جربي كده تفرغي كل مشاكلك والحاجات اللي مضايقاك على الورق عشان دماغك تصفى، واستغلي الأيام دي ويوم عرفة في الدعاء وإن شاء الله ربنا يفرج همك. بالتوفيق.
تم النشر السبت، ٢٣ مايو ٢٠٢٦
أنا آسفة، مش بفسر أحلام. لكن واضح إنك تحت ضغط كبير بسبب الامتحانات والحزن على والدتك. جربي تبحثي عن أسئلة مشابهة في فدني، ولو محتاجة دعم نفسي روحي لخبراء نفسيين على: https://www.fedni.net/experts
تم النشر السبت، ٢٣ مايو ٢٠٢٦
شكرا بس الموضوع مقلق بالنسبة ليا انا مش لأمي انا امي توفت شهيدة والحمد للله انا اللي الأحلام بدأت تتكرر معايا بطريقة مرعبة وبقت تأثر عليا في حياتي ونومي بقي مضطرب بسبب ده
تم النشر السبت، ٢٣ مايو ٢٠٢٦
يا تسنيم.. ربنا يربط على قلبك ويهدي سرك ويرحم والدتك رحمة واسعة. أنا قريت كلامك حرف حرف وحاسس بيكي جداً. اسمحيلي أقولك إن اللي بتمري بيه ده طبيعي جدا لبنوتة في سنك شايلة مسؤولية كبيرة وضغط امتحانات مصيرية وهي مفتقدة السند الأساسي أولاً بخصوص أحلامك والارقام اللي شفتيها عايز أطمنك في علم النفس الأحلام دي بنسميها أحلام الضغط النفسي فكرة إنك شايفة والدتك في فيديو ومش عارفة توصلي لها أو بترني على رقم ومش بيجمع، ده مش حلم وحش ولا حاجة تقلق على والدتك، ده مجرد انعكاس لـ 'العقل الباطن' عندك. عقلك بيقولك إنك محتاجة تحكي معاها أو محتاجة حضنها في الوقت الصعب ده ومش عارفة، فبيترجم ده في صورة مكالمة متعطلة. أما الأرقام (1 و7 و5 و8 و9 و3) فدي مجرد زحمة أفكار وتفاصيل المذاكرة والمواد اللي شاغلة بالك، متديش للموضوع أكبر من حجمه وتتعبِي أعصابك في التفكير في معناها.
تم النشر السبت، ٢٣ مايو ٢٠٢٦
لعرض السؤال في فدني اضغط هنا