بقالي فتره بلعب قمار وبعمل العاده ومش عارف ابطلو كل شويه بقول ده آخر مره وبردو برجع بحس بسعاده وانا بلعب كده وببقى ف عالم تاني بس بمجرد ما بخسر شعور الذنب والزعل بيجي خصوصا اني بلعب عشان أهرب من الضغوط والوحده عايز ابطل ومش عارف
لو مش عايز ترجع للذنب - عاقب نفسك لوعملته بس بحاجه حلوه زي صدقة مثلا تطلعها لو رجعت للذنب ده او انك تصلي 20ركعة تطوع أواستغفر 1000مره أي حاجه تخليك تمنع نفسك عن الذنب تاني حاجة بالنسبه للنفس الأمارة بالسوء ملهاش غير انك تكون أقوى منها ودا بيكون بعدة طرق أولا انك تجاهدها وتكلمنا وتقف قصادها وعلشان تتغلب على النفس دي الطريق الوحيد اللي يخليك تقوى عليها هوا الطاعات هتخليها تحت طوعك وأهم الطاعات هيا اللي بتحتاج مجاهدة نفس لانك كل مره بتغلبها بتصبح أضعف وانتا بتقوى عليها زي الالتزام بالتكبيرة الاولى في المسجد لمدة 40يوم دا بالإضافة إلى أنو هيبرأك من النار والنفاق هوا من أشد التمارين اللي هتكسبك انضباط وتحكم عالي في النفس والالتزام بصلاة الضحى وقيام الليل وغيرها بس كدا هوا موضوع الذنوب دا والنفس دا عضلات انتا بتنميها وتكبرها كل ما تزود في الطاعات -والدنيا كلها تعب وانتا اللي بتختار التعب اللي يناسبك إما تعب مع توهان وضياع وذنوب ونار وإما شوية طاعات للخالق عز وجل في دنيا فانية ماهي إلا ساعة وسنلقاه وأسأل الله تعالى أن يرزقنا وإياك لذة النظر لوجهه الكريم وأن يعيننا على أنفسنا فلا حول ولا قوه الا به +دعاء تطهير النفس:(اللهم آت نفوسنا تقواها وزكها أنت خير من زكاها أنت وليها ومولاها ياحي يا قيوم برحمتك استغيث اصلح لي شاني كله ولا تكلني الى نفسي طرفه عين ابدا) الخلاصة : انتا لازم تقعد قعدة مع نفسك وتاخد كام يوم إجازة بس متكونش اجازة فاضية لازم تملأها بحاجات كتير تشغلك عن كل معصية +لازم كل يوم تحاسب نفسك قبل ماتتحاسب تعرف عملت ايه وتتابع تقدمك هتتشجع وترجع أحسن من الأول ولو وقعت تاني لا تيأس .. (قُل يا عبآدي الذين اسرفوآ علىٰٓ انفسهم لا تقنطوا من رحمه اللٰه ان الله يغفر الذنُوب جميعاٰ)
تم النشر الخميس، ١٢ مارس ٢٠٢٦
الإجابة في أخر سطر (خصوصا اني بلعب عشان أهرب من الضغوط والوحده ) الحل هو القضاء على الفراغ، إنك مش تكون لوحدك أو فاضي خلي بالك إنك مش مفترض تبطله علشان غلط وبس، لكن كمان علشان حراااام قولا واحدا ابدأ اشغل يومك بأشياء مفيدة، انزل العب رياضة، خد دورات تعليمية في حاجات مختلفة ومفيدة، كون أصدقاء ليك واخرج معاهم، انزل اشتغل في أي حاجة.. اعمل أي شيء مفيد غير انك تجلس فاضي من غير شيء .. الفراغ هو أسوأ شيء مدمر لشخصية الإنسان
تم النشر الخميس، ١٢ مارس ٢٠٢٦
أنا فاهمة تمامًا اللي بتمر بيه، وده شعور شائع في الإدمانات دي – سعادة زائفة زي "عالم تاني"، وبعدين الذنب يضرب زي الصاعقة. أنت مش لوحدك، وده خطوة كبيرة إنك عايز تبطل. خلينا نبدأ خطوة بخطوة. 1. التوبة الأولى والدعاء : قول "أستغفر الله" كل ما الرغبة تجي، وصلِّ ركعتين توبة يوميًا. الله غفور رحيم، ده هيبني إرادتك ويملأ الفراغ الروحي. 2. قطع السبيل للقمار : احذف التطبيقات فورًا، وحظر المواقع من الجوال (استخدم أدوات زي "Freedom" أو "BlockSite"). لو فلوسك في بنك، غيِّر كلمة السر أو اطلب من حد موثوق يساعدك يومين الأولى. حدد هدف صغير: "النهارده بدون قمار"، وكافئ نفسك بحاجة حلال زي شرب قهوة مفضلة أو عمل حاجة بتحبها. 3. للعادة السرية : غيِّر روتينك: نام بدري، قوم للفجر، واملأ الوقت بقراءة قرآن. مارس رياضة يومية زي المشي 30 دقيقة – ده يحرق الطاقة السلبية. تجنب الوحدة: ابدأ هواية حلال زي تعلم مهارة جديدة ع النت (زي الطبخ أو البرمجة)، أو انضم لمسجد قريب للدروس. 4. للضغوط والوحدة : اكتب يوميًا 3 أشياء تشكر الله عليها، ده يغير نظرتك. حدد أهداف أسبوعية صغيرة زي "أتعلم حاجة جديدة"، وتابع تقدمك في دفتر. تذكر: الهرب ده مؤقت، بس الاستقرار الحقيقي في الالتزام بالصلاة والعمل الصالح. أنت قوي، وده مش نهاية العالم – كتير نجحوا قبلك. لو عايز دعم أكتر، روح على صفحة الخبراء في فدني: https://www.fedni.net/experts، هتلاقي متخصصين في الإدمان والنفسية. ابحث كمان عن أسئلة مشابهة في فدني عشان تشوف تجارب ناس تانية. خليك قوي، يا بطل! ربنا يعينك ويثبتك. 💪
تم النشر الخميس، ١٢ مارس ٢٠٢٦
@Stargirl Stargirl السلام عليكم هو اي مدمن عموما سواء اباحيه مخدرات ،قمار،متفهمنيش غلط بس مش هينفع معاه النصايح والوعظ الدينيه المدمن مريض مش فاسد ينفع تروح لمريض سكر او اي حاجه وتحسسه ان هو الي مسئول نفس الفكره المدمن عموما محتاج يتعالج بخطه وممكن طبيب انما النصايح والوعظ مش بتفيد بل بتزيد الخزي الي بيزود الدونيه الي بتزود الماده الادمانيه .متفهمنيش غلط
تم النشر السبت، ١٤ مارس ٢٠٢٦
أسمع سلسله التعافي لدكتور عماد رشاد عثمان علي اليوتيوب مفيده جدا جدا جدا وإن شاء الله هتخليك تبطل
تم النشر الجمعة، ١٣ مارس ٢٠٢٦
صلي قيام ليل وادعي ربنا كتير
تم النشر الجمعة، ١٣ مارس ٢٠٢٦
مش بمزاجي والله بحاول ومش عارف غصب عني
تم النشر الخميس، ١٢ مارس ٢٠٢٦
ليه بتخلي ربنا اهون الناظرين اليك ليه يجد عندك سعادتك اهم من ربنا ؟!
تم النشر الخميس، ١٢ مارس ٢٠٢٦
لعرض السؤال في فدني اضغط هنا