انا بنت عندي 23 سنه مصاحبه بنت يعني هي قريبه مني جدا جدا جدا واحنا الاثنين قريبين من بعض جدا بس في حاجه دايما بحس ان هي يعني بتخبي عنى كثير دايما بحس ان هي ممكن تكون بتداري على شمعتها اكثر
بحس دايما ان هي انا بقول لها كل حاجه وهي مش بتقول لي كل حاجه مع اني عشان برده ما احسش ان انا ظلماها وكده هي في حاجات كتير بتقولها لي بس بحس ان هي بتعمل حاجات من ورايا وبالفعل هي عملت كذا حاجه من ورايا وبعدين تيجي تقول لي ولما تقول لي اقول لها طب انا بقول لك على حاجه زي ما انا وانت متعودين ان احنا نقولها لبعض الاول تقول لي لا ما انا عملتها والله ونسيت وما جاش في بالي واديني بحكي لك اهو عشان ما اخبيش عنك
فانا اتضايق اللي هو طب ما انا كمان ليه انت كمان بتعملي حاجه من ورايا وتقولي لي اصل انا نسيت فدي حاجه بتضايقني كمان حاجه هو فعلا يا جماعه ممكن يكون صحابنا القريبين مننا هم بيحبونا وكل حاجه بس هم ممكن فعلا يحسدونا ممكن الحسد يجي من اقرب ناس لينا ممكن يكونوا بيكرهونا اصل انا جالي تروما بسبب الموضوع ده وحاسه ان انا عايزه اسيبها مع انها بتحبني جدا وانا بحبها جدا بس انا بجد خايفه من مواضيع كثير قوي وبجد جالى تروما
نعم ممكن ان يأتي الحسد من اقرب الناس لك انصحك بعدم جعل حياتك كتاب مفتوح، حافظي على خصوصيتك وليس من حقها معرفة كل ما تقومي به، واظن انها تقوم بعمل نفس الشيء بالمحافظة على حياتها (لكنه من الطبيعي انها يعجبها ان تتعرف على اسرارك)
تم النشر الأربعاء، ١٨ فبراير ٢٠٢٦
بصي الناس مستويات في الصراحة فيه اللي زيك كتاب مفتوح وبيحكي كل حاجة، وفيه اللي طبيعته كتوم أو بيخاف من العين أو بيحب يحكي الحاجة لما تخلص. ده مش معناه إنه بيكرهك، ده معناه إن ده سيتم تفكيره إنتي بتضايقي لأنك بتقارني اللي بتعمليه باللي هي بتعمله. الحل مش إنك تخبي زيها عشان تنتقمي الحل إنك تفلتري كلامك. احكي اللي يريحك بس، وسيبي مساحة لخصوصيتك عشان لما هي تخبي، متتحسريش على صراحتك الزيادة. والحسد مذكور طبعاً، بس لو عشنا في وهم إن أقرب الناس بيكرهونا هنعزل نفسنا عن الدنيا. الحب والغيرة ممكن يجتمعوا في نفس الشخص عادي، المهم إنك تخصني نفسك بالذكر وتداري شمعتك إنتي كمان شوية من باب استعينوا على قضاء حوائجكم بالكتمن ومتتوقعيش منها تكون نسخة منك في الصراحة.و مش لازم كل تفصيلة في حياتك تتقال في وقتها، جربي تخلي شوية حاجات لنفسك وشوفي هترتاحي قد إيه. و لو هي صاحبة جدعة وبتقف جنبك في الشدة، يبقى تمسكي فيها، وموضوع الحكاوي ده خليه ثانوي وانا كنت زي حضرتك كدا بالضبط وكان معاي ابن عمي بس بدأت اني اتعامل معاه زي ما بين عامل معايا وكدا بس عرفت في الاخر أن ده طبعو والحمد لله علاقتنا زي ما هي هو نفس سني
تم النشر الخميس، ١٩ فبراير ٢٠٢٦
اولا انتِ قولتى انها بتقولك على حاجات كتير واللى بيدارى على شمعته زى ما قولتى مش بيقول حاجة للناس عشان خايف يتحسد وطبيعى ان الانسان ما يقولش كل حاجة لاى شخص حتى لو مقرب منه يعنى هى عندها خصوصيه المفروض تحترميها و غير كده انت لما بتسأليها مش بتنفى هى بتقول ايوه عملت ومش بتنكر او بتيجى تقولك بعد ما تعمل الحاجة فالمفروض تتقبلى الامر (مش معنى انك بتقولى كل حاجة انها لازم تكون زيك) هى مش انتِ وطالما قولتى هى بتحبك جدًا وانت كذلك (يبقى المشكلة عندك مش عندها) راجعى نفسك
تم النشر الخميس، ١٩ فبراير ٢٠٢٦
يا حبيبتي، أول حاجة أقولك إني فاهمة تماماً إحساسك ده، وده طبيعي جداً خاصة لو عندك تروما سابقة من مواضيع زي الحسد أو الغدر. أنتِ بنت قوية وبتحبي صديقتك دي جداً، وهي كمان بتحبك، بس اللي بيضايقك ده مش غلط إنك تحسي بيه. هل في غيرة بين الصحاب حتى لو بيحبوا بعض؟ أيوة، ممكن جداً. الغيرة دي جزء من الطبيعة البشرية، حتى في أقرب العلاقات. مش شرط تكون حسد شرير، ممكن تكون غيرة خفيفة بسبب إنجازاتك أو حياتك، وده بيخليها تخفي أو تعمل حاجات وراكِ عشان "ما تضايقكيش" أو عشان مش عارفة تقول. بس لو بقت تكرار، ده إشارة إن العلاقة محتاجة توازن. إيه اللي تعمليه دلوقتي؟ اتكلمي معاها بصراحة وهدوء : قوليلها "أنا بحبك جداً وثقتي فيكِ كبيرة، بس لما بتعملي حاجة ورايا وتقولي بعدين 'نسيت'، ده بيضايقني ويخليني أشك. خلينا نقعد بعض إننا نقول كل حاجة قبل ما نعملها، زي عادتنا." استخدمي "أنا بحس" مش "أنتِ بتعملي" عشان ما تحسش إنها متهمة. حددي حدودك : لو استمرت، خففي المشاركة شوية. مش معناها تقطعيها، بس احمي نفسك. الصداقة الحقيقية في الإسلام مبنية على الإخلاص والنصيحة، فلو حسيتِ إنها بتأذيكِ، خدي مسافة مؤقتة وركزي على نفسك. عشان التروما والحسد : اقري سورة الفلق والناس يومياً، وادعي الله يحفظكِ من كل شر. الحسد ممكن يجي من أقرب الناس، بس الثقة الأساسية في الله. ركزي على إنجازاتك الخاصة، واعملي جدول يومي صغير لأهدافك (زي رياضة، قراءة، أو هواية) عشان تقوي ثقتك بنفسك. أنتِ مش لوحدك في ده، كتير بنات زيك بيواجهوا كده. جربي تبحثي في فدني عن أسئلة مشابهة، هتلاقي إجابات كتير مفيدة. لو عايزة استشارة أعمق، روحي على صفحة الخبراء في https://www.fedni.net/experts، في متخصصين في العلاقات والنفسية هيفهموكِ أحسن. أنتِ هتقدري تتعاملي مع ده، يا قمر! 💕
تم النشر الأربعاء، ١٨ فبراير ٢٠٢٦
هو ده طبيعي لان كل واحد فينا عنده حياته الخاصه واسراره و مينفعش يبقي مكشوف تماما للناس ولازم تقدري انها مبتحبش تحكي تفاصيل حياتها مش عشان خوف من الحسد لا يمكن ده طبعها و مبتحبش الكل يبقي عارف عنها كل حاجه
تم النشر الثلاثاء، ٢٤ فبراير ٢٠٢٦
لعرض السؤال في فدني اضغط هنا